¹ Munye memuye, apolah kelobehon urang Yahudi? Atau, apolah keuntungannye bersunat? ² Sajo lobot, delom segelo hal; teutamo, kopodo mikela depercayoko Firman Allah. ³ Mengka, munye beberape urang hopi percayo, apolah kehopipecayoon mike membatalko kesetiaon Allah? ⁴ Samo sekali hopi! Allah adolah bonor sekalipun setiap urang adolah pelato. Upanyo ado tetolis: "Koe terbekati bonor delom pemboekon-Me, ngan Kowe nak menang munye mendesio menghakemi-Me." ⁵ Cuma hambok, munye kehopibonoron kite justru menunjuko kebonoron Allah, upanyo harus kito boekoe? Pacokah kite bemboeko bahwa Allah ngan hopi adel lah menghokom kite? (Ake boek memunye upah seurang mendesio) ⁶ Samo sekali hopi! munye memunye, upamone Allah pacok menghakimi denia? ⁷ Cuma Hambok, munye melalui kepatuhonke, kebonoron Allah semaken memuliokon-Nye, mengka ake maseh dehakimi upah seurang pendoso? ⁸ Ngan, (upahnyo depitnahko beberape urang terhadop kami) mengkah hopi boek, "Maro, kite lakuko nyo jahat empoknyo beik timbol jak kejahaton iye." Mikenyo iye boek upak iye pantas dehokom! ⁹ Mengka ape? apelah kite lebih beik jak urang loen? Samo sekali hopi! Sabab, kamie sodah menghatoko sebolumnye behwo beik urang-urang Yahudi maupun urang bukon Yahudi, berado debewo doso. ¹⁰ Upah ado tetolis, "Hopi ado seurangpun nyo berbuat bonor, seurangpun hopi. ¹¹ Hopi ado seurangpun nyo berakal budi. Hopi ado seurangpun nyo delok Allah. ¹² Segelo urang sodah bebelek jah-Nye, mike bersamo-samo menjedi hopi beguna. Hopi ado seurangpun nyo berbuat beik, hopi seurangpun." ¹³ "Perokungon mike upah kuburon nyo tecaka, lidah mike merayu-rayu, racun ulor bebisa ado debewo bibir mike." ¹⁴ "Mulut mike ponoh kutukan ngan kepaheton." ¹⁵ " Kaki mike cepat menumpako deroh. ¹⁶ Kesusahon ngan kehancuron ado de jelon mike. ¹⁷ Ngan, mike hopi tahu ko umpamone hidup delom damai." ¹⁸ "Takut akan Allah hopi ado de depan mato mike." ¹⁹ Kini kite tahu ko behwa apepun nyo uleh Hokom Taurat, deperuntuko begi mike nyo berado debewo Hokom Taurat sehinggo tetutuplah setiap molot, ngan dunia berado debewo penghakimon Allah. ²⁰ Hopi ado mendesio nyo pacok debonorko de hadopon Allah dengan melakuko Hokom Taurat ulehnyo justru melewati Hokom Taurat ye jongok pengenalan doso. ²¹ Hmbok nyo kinie, tanpo Hokom Taurat kebonoran Allah telah denyatoko, ngan desaksiko melewati Kitab Taurat ngan padong nabi. ²² Bahkon, kebonoron Allah melewati iman kepodo Kristus Yesus deperuntuko bage segelonyo pecayo, ulenyo hopi ado perbedaon; ²³ sabab segelo urang lah berdoso ngan lah kesayawon kemuliaon Allah, ²⁴ ngan debonorko uleh kaseh karunia-Nye secaro cuma-cuma lewati penobuson de delom Yesus Kristus; ²⁵ nyolah Allah nyatoko secaro terbuka sebagai jelon pendamaion delom deroh-NYe melewati iman. hal niye menunjuko keadilon-Nye, ulenyo delom kesabaron-Nye, Allah lah mengoyuhko doso-doso de hulu tejedi. ²⁶ Hal iye jugo demasuko untuk menunjuko keadilon-Nye pado masa kini empuknyo nye teberkati bonor ngan membonohko urang nyo beiman kepodo Yesus. ²⁷ Jdi, demonekah kemegahon diri kite? Sodeh de sengkerko! Uleh hokom ape? Uloh hokom perbuatan kite? Bukon, hambok uleh hokom iman. ²⁸ Karena iye, nyelah nyo kite pecayoi, behwa mendesio debonohko de hadopon Allah melewati iman, bukon jak perbuatan-perbuatan berdasarko Hokom Taurat. ²⁹ Atau, apekah Allah hanyolah Allah bege bengso Yahudi bae? Bukonkah-Nye jugo adolah Allah bage bengso bukon Yahudi? Ao! begi bengso bukon Yahudi jugo, ³⁰ ulehnyo Allah iye sikok ngan Nye nak membonorko urang-urang nyo bersunat uleh iman, ngan nyo hopi bersunat melewati iman. ³¹ Jedi, apekah kami menyayowko Hokom Taurat melewati iman? Sekali-kali hopi! Sebeleknye, kmi justru menoguhko Hokom Taurat.