¹ Akhernye, dolor-dolorke, bersukacitalah delom Tuhan. Ake pi keberaton menulisko lagi hal-hal nyo samo podome ulenyo hal niye nak menjegome. ² Waspadalah terhadop anjing-anjing, waspadalah terhadop ngan pelaku kejahaton, ngan waspadalah terhadop kowe nyo menyunat tubuh, ³ sebab kitelah urang-urang bersunat nyo sejati, menyembah delom Roh Allah, memuliako Yesus Kristus, ngan nyoh pi motekko percayo kepodo hal-hal nyo laheriah ⁴ walaupun ake sebonornye memiliki alason untuk bermegah podo hal-hal nyo lahiriah, telobeh lagi ake: ⁵ Ake disunat podo hari ke delapan, bengso Israel tulen deri suku Benyamin, urang Ibrani nyo bebeheso Ibrani. Menurut Hukum Taurat, ake adolah urang Farisi. ⁶ Delom hal semangot, ake adolah penyikso jemaat, ngan delom kebonoron debewoh Hukum Taurat, ake pi becacat. ⁷ Cuma sebeleknye segelo sesuatu nyo dhulu menguntungko ake, kinie kuanggap rugi kerena Kristus. ⁸ Sungguh, segelo sesuatu kuanggap rugi debandingko ngan pengenalomn akan Yesus Kristus, Tuhanke, nyo jouh lobeh berega deri apepun. Demi Kristus, ake elah kesayawon segelonye -- kerana segelo iye kinie kuanggap ranya! -- supayo ake bule mendepotko Kristus. ⁹ Ake ditemuko delom Kristus bukon delom kebonoron nyo berasal deri dirike dewek nyo kudepotko deri Hukum Taurat, cuma nyo njongok melewati iman delom Kristus, yaitu kebonoron deri Allah nyo berdasarko podo iman. ¹⁰ Kironye ake depot mengenal Nye ngan kuaso kebangkitan-Nye, serta bersatu delom penderitaan-Nye untuk menjedi upa Dia delom kemation-Nye. ¹¹ sehingga podo akhernye ake memperoleh kebangkiton deri antaro urang mati. (Bergorok maju dengan panggilan Surgawi) ¹² Cuma, bukon berarti ake elah mendepotkonye atau elah semporno, meloinko ake mengejarnye enggak konyo ake menangkopnye upa mone Kristus Yesus elah menangkap ake. Dolor-dolor, aku hopi menganggap bahwa ake lah menangkopnye, cuma sebeleknye satu hal nyo kulakuko : ake melupako ape nyo de belakongke ngan mengarahko diri kepodo ape nyo dedepanke. ¹⁴ Ake terus maju kepodo tujuon untuk mendepot hadiah, yaitu pantauon surgawi deri Allah delom Yesus Kristus. ¹⁵ Marolah kite nyo sempurno bepeker upa iye. Munye kowe pi berpeker upa iye, Allah nak menunjukkonye dengan jelas kepodome. cuma munye upa iye, marolah kite terus hidup sesuoi ngan kebonoronnye sodah kite miliki. ¹⁷ Dolor-dolor, haloulah teladanke ngan perhatiko ngan sungguh-sungguh urang-urang ngan jugo hidup sesuoi ngan teladan nyo kowe ngole deri kamie. ¹⁸ Sabab, ado neman urang nyo hidup sebagai musuh-musuh salib Kristus. Tentang hal niye, ake sodah sering menceritokonye dengan kowe ngan kinie ake menceritokonye lagi ngan aik mato. ¹⁹ Akher hidup mike adolah kebinasohon, ulenya allah mike adolah porut, ngan pujion mike adolah hal-hal nyo membuat malu. Pekeron mike hanyolah podo hal-hal duniawi. ²⁰ Cuma sebeleknye, kewarganegaraon kite adolah de surga, demone kite ngan ponoh semangot menunggu-nunggu Juru Selamat, yaitu Tuhan Yesus Kristus. ²¹ Enye nak mengubah badan kehinaon kite menjedi samo ngan badan kemuliaon-Nye. Dengan kuaso-Nye iye, Kristus depot ngunda segelo atong tondok kepado-Nye.