¹ jedi, munye delom Kristus ado dorongon semangot, penghiboron kaseh, persekutuon Roh, kaseh sayang, ngan belas kasehon, ² Semporno kolah sukacita ke ngan sehati sepekeron, ado kaseh yang samo, besatu delom roh, ngan sikuk tujuon. ³ Jengon melakuko ape pun jak ambisi nyo mementing ko diri dewek, apo kesombongon tong sio- sio; namon sebelek nye ngan rendoh hati, anggop lah urang loin ne lebeh penting jak awok dewek. ⁴ Jengon lah maseng- maseng kowe hanyo memandong kepentingon me dewek, hambo jugo kepentingon urang loen ⁵ Biar lah pekeron niye ado de antaro mika, sebagoi mone jugo uleh Yesus Kristus, ⁶ Enye walaupon mempunyoi rupo Allah, Enye hopi menganggap kesetaraon-Nye ngan Allah iye sebagoi sesuatu nyo haros de pertahan ko. ⁷ Sebeleknye, Enye membuat diri-Nye dewek hopi memiliki apo- apo ngan mnghambo ko diri sebagoi budak ontok menjedi serupa ngan rupa mendesio. ⁸ Delom keadaan -Nyo sebagoi mendesio, Nye merendahko diri-Nye ngan taat sampoi mati, malahon mati di pocok kayu salib. ⁹ ontok alason nielah, Allah sajo sangot meninggiko Nye ngan menganugerahko kepodo-Nye namo di atas segalo namo. ¹⁰ supayo delom namo Yesus, setiap lotot berlotot beiknyo ado nyo de langet, nyo ado de behumi, maopon nyo ado de bewoh behumi. ¹¹ Ngan setiop lidah mengakui behwo Kristus Yesus adolah Tuhan, bage kemuliaon Allah, sang Bepa! Allah bekerjo de delom kite. ¹² Kareno nye, dolor- dolor nyo kekaseh, sebagoi mone mike lah taat bukon hanyo tekela ake ado bersamo me, lobeh- lobeh kinie hopi bersamo me kerjo ko lah keselamaton me ngan takot ngan gentar. ¹³ Sabab, Allah lah nyo bekerjo de delom mike, beik ontok mengendok ko maopon mengerejo ko ape menyenang ko Enye. ¹⁴ Laku ko lah segelo nye tanpo brotok ngan bentoh. ¹⁵ Empok nyo mike pi becacat hopi besaloh, sebagoi anak- anak Allah nyo pi tecelah d tangah- tangah generasi nyo pi lurus ngan sosot niye, mike bersinar de antaro nye sebagoi tarang de denia. ¹⁶ Bepogong lah teteret ngan Firman Kehidopon empok nyo pado ari Kristus, ake mempunyoi alason ontok bermegah behwa ake pi belari ngan sio- sio sereta bekerjo nenihan ngan sio- sio. ¹⁷ Sekalipon ake haros de curah ko upa cawon persembahon de pocok kurban ngan pelayanon iman me, ake gemera ngan besukacito ngan mike segelo nye. ¹⁸ Demikion lah jugo mike, ngan alason nyo en gemera ngan bersukacito lah dengan ke. ¹⁹ Delom Yesus,ake berharop pacok secepat nye mengotos Timotius ngan mike empok nyo ake tehibor tekela mendongor ko kabar tentang mike. ²⁰ Sabab, ake hopi mempunyoi urang loen upah nye, nyo ngan tolos mempeduli ko kesejahteraon me. ²¹ Sabab, nyo loen hanyo mempeduli ko kepentingon nyo dewek, bukon kepentengon Kristus Yesus ²² Upah lah kowe tahu ko, Timotius lah membukti ko diri nye berega, nye melayani besamo dengan k demi kemajuon pemberitaon Injil upah seurang anak ngan bepak nyo. ²³ Kareno iye,ake berharop pacok mengotos nye secepat nye setelah ke lah mengetahui ape nyo lah terjedi ngan ke, ²⁴ Ngan ake pecayo ngan Tuhan behwa ake dewek jugo secepat nye jongok kepado me. ²⁵ Hambok nye, ake bepeker perlu jugo mengotos Epafroditus kepado me. Enye adolah dolor ke, kanti sepelayanon ke, kanti seperjuongon ke ngan jugo urang nyo ngundah poson kepado me ngan melayani kebotohon ke. ²⁶ Sabab, nye en delok ngan mike segelo ngan en susah hati ny kareno dongor mike nye saket. ²⁷ Memang, teke lahe nye saket en neman sampoi hamper mati, hambok Allah menonjok ko belas kaseh ngan enye ngan bukon hanyo kepado nyo, meloin ko jugo ngan ke jugo empok nyo kesedihon ke pi bertompok- tompok. ²⁸ Kareno iye, ake jedi semaken en amat mengotos nye lagi kepado mike empok nyo mike pacok bersukacito tekela ngelek nye lagi, ngan berkurang lah kekhawatiron ke. ²⁹ Sambot lah Epafroditus delom Tuhan ngan sukacito ngan hormati lah urang upah enye. ³⁰ Kareno nye hamper mati gegara demi pekerjoon Kristus; nye mempertaroh ko nyawo nye ontok menggenti ko bentuon nyo pi pacok mika boriko ngan ake.