¹ Pado ari nyo ketiga, ado pesta perkawenon de Kana, Galilea, ngan indok Yesus ado de sane. ² Yesus ngan murid-murid-Nye jugo deundang ke pesta perkawenon iye ³ Tekaloh aek anggur habes, indok Yesus boek kepado-Nye, " mika kehabeson aek anggur." ⁴ Yesus menjawab, "betina, ape hubungonnye dengan-Ke? wektu-Ke bolum njongok." ⁵ Indok Yesus boek kepado paro pelayon, "Apepon nyo Enye gerahko kepadome, lakuko iye." ⁶ De sane, ado enom gentong jak betu, nyo biaso depakoi urang Yahudi pado upacara penyucion. Maseng-maseng gentong iye muat kiro-kiro dua atau tiga buyung. ⁷ Yesus boek kepado paro pelayon, "Isilah gentong-gentong iye dengan aek."Ngan, mike mengisi gentong-gentong iye dengan aek sampoi ponoh. ⁸ Kemudion, Yesus boek kepado mike, "Kinie, ambeklah kekecikon ngan undalah kepado pemimpin pesta." Lalu, mika ngundanye kepado pemimpin pesta. ⁹ Tekaloh pemimpin pesta mengicap aek nyo sodah dejediko anggur iye, ngan nye hopi engetahui jak mone tong iye asalnye (hambok padong pelayon nyo ngambek aek iye tahuko), mengka pemimpin pesta iye mantou mempelai jenton, ¹⁰ ngan buik kenempatnye, "Setiap urang menghidangko aek anggur nyo beik telobeh dehulu ngan tekaloh segelo urang puas minom, berulah de hidangko anggur nyo kurang beik. Hambok, kou ngerawoko anggur nyo beik sampoi kinie." ¹¹ Tando ajaib pertamo nie Yesus lakuko de Kana, Galilea, ngan menyatako kemuliaon-Nye, ngan mured-mured-Nye pecayo kenempat-Nye. ¹² Sesodah iye, Yesus toron ke Kapernaum besamo indok, dolor-dolor, ngan mured-mured-Nye. Mike tinggal desane selamo beberapo hari. ¹³ Hari Raya Paskah urang Yahudi la parok, ngan Yesus pon noik ke Yerusalem. ¹⁴ De Bait Allah, Enye ngoleh urang-urang menjual lembu, domba, ngan merpati, sereta paro penukor duet dodok de sane. ¹⁵ Yesus membiken cambok deri tali ngan menggera mike segelo keluor jak Bait Allah, termasok segelo domba ngan lembu mike. Enye jugo ncampok duet-duet koin deri padong penukor duet ngan membalekko meja-meja mike. ¹⁶ Kepado padong pedegong merpati, Yesus buik, "undah keluor segelo ie jak nie! Jengon menjediko rumah Bepa-Ke tempat untok bejual boli!" ¹⁷ Mured-mured-Nye teringot behwo ado tetulis: "Cinta bakal rumah-Me, menghangusko Ake." ¹⁸ Kemudion, urang-urang Yahudi menjawab ngan buik kenempat-Nye, "Tando ajaib ape nyo Engkau tunjukko kenempat kamie singgo Kowe berhak melakuko hal-hal nie?" ¹⁹ Yesus nyimbot mike, 'Hancurko Bait Allah nie ngan delom tiga ari Ake nak membengunnye belek." ²⁰ Mike menjawab, "perlu 46 tahun untok membengun Bait Allah nie, ngan Kowe nak membengunnye delom wektu tiga ari?" ²¹ Hambok, nyo Yesus maksudko Bait Allah adolah badan-Nyo dewek. ²² Ulenyo iye tekaloh Yesus debangketko jak antaro urang teelek, mured-mured-Nye teringot akan perkataon nie; ngn mike pecayo pado Kitab Suci ngn perkataon nyo Yesus ucapko. ²³ Tekaloh Yesus berado de Yerusalem selamo Perayaon Paskah, lobot urang pecayo delom namo-Nye ulenyo ngoleh tando-tando ajaib nyo delakuko-Nye. ²⁴ Cuma hambok, Yesus dewek hopi mempercayoko diri-Nye kepado mike ulenyo Nye mengenal segelo urang, ²⁵ ngan hopiu membutuhko siape pon untok membori kesaksion tentang mendesio sabab Nye tahuko ape nyo ado delom hati mendesio.