(Duri delom Dageng Paulus) ¹ Ake harus bebangga walaupun iye hopi menguntungko. Ake nak menerusko pengolehon-pengolehon ngan penyataon-penyataon deri Tuhan. ² Ake mengetahui seseurang delom Kristus, nyo empat belas tahun lewat lah deundah ke surg tingkat tiga --entah de delom badannye, ake hopi tahuko; apo de luar badan, ake jugo hopi tahu, Allah nyo tahu. ³ Ngan, ake tahu upamone urang nie -- entah de delom apo de luar badannye, ake hopi tahu, Tuhanlah nye tahu -- ⁴ nye de angket ke Firdaus ngan mendongor kato-kato nyo hopi teucapko, nyo hopi pacok de buekko uleh mendesio. ⁵ Untuk ortang nie ake nak bebangga, cuma untuk dirike dewek, ake hopi nak bebangga kecuali atas kelamahon-kelamahonke. ⁶ Hambuk, munye ake ndok bebangga, ake hopi nak menjedi bodoh ulenyo ake nak nggrako kebonoron. Cuma, ake menahannye empuknyo hopi ado urangnyo ngelek lobe deri ape nyo rombongon koleh apenyo rombongon dongor tentang ake. ⁷ Untuk menjego empok ake hopi terlalu bebangga atas penyataon-penyataon nyo luor biaso iye, mengka sbuah unok deboriko delom degingke, nyoiye utusan iblis untuk menyusahko ake empuknyo ake hopi meninggiko diri. ⁸ Mengenai hal nie, ake memohon kepodo Tuhan seneman tiga kali empok hal iye meninggalko ake. ⁹ hambuk, Nye boek kepodoke, "AnugerahKe cukup bagime ulenyo kuasa-Ke desempurnako delom kelamahon." Sabab iye, ake lobeh senang bebangga atas kelamahonke empoknyo kuaso Kristus diom de delomke. ¹⁰ Iyelah sabab-nye, ake merasa senang delom kelamahon, delom siksaon, delom kesukaron, delom penganiayaon, ngan delom kesuliton ngan Kristus. Ulenyo ketika ake lamah, mangka ake kuat. ¹¹ Ake lah menjedi bodoh oleh kowe memaksoke untuk iye, padohal ake seharusnye depuji ulehme. Sabab, ake hopi kurang apo-apo debandingko para rasul nyo luor biaso iye, meskipun ake hopi ado apo-aponye. ¹² Tanda-tandonyo membuktiko seurang rasul lah deperkoleko de antaro kowe delom segelo katabahon, delom tando-tando, mujizat-mujizat, ngan keajaibon-keajaibon. ¹³ Sabab delom hal apokah kowe derendahko deri jemaat-jemaat loen, kecuali bahwa ake hopi menjedi bobon bageme? Maafkolah kehopiadelonke nie ¹⁴ Kinie, ake siap mengunjungi kowe untuk nyo ketiga kalinye ngan ake hopi nak menjedi bobon bagime ulenyo ake hopi ndelok ape nyo kou punyoi, meloenko kowe. Sabab, anak-anak hopi wajib mengumpulko reto untuk induk bepaknye, cuma induk bepaknye untuk anak-anaknye. ¹⁵ Ngan, ake nak ngan senang mengorbanko milikke ngan dirike untuk kowe. munye ake lobeh mengasihi kowe, apokah kowe nak kurang mengasihi ake? ¹⁶ Hambuk, begoh ake bukon bobon bagime, kowo nggrako ake licik ngan menjorot kowe ngan tipu musliohat. ¹⁷ Apokah ake ngambik keuntungon derime melalui urang-urang nyo kuutus kepodome? ¹⁸ Ake ndesak Titus untuk lari ngan mengutus dulur kami untuk lari besamonye. Apokah Titus ngambik keuntungon derime? Apokah kami hopi bejelon delom roh nyo samo ngan bejelon delom tijak-tijak nyo samo? ¹⁹ Mengka, apokah kowe lah lamo memikirko bahwa kami membela diri kami terhadap kowe? kami buek de hadapon Allah delom Kristus, hambuk hal-hal nie, hai nyo tekasih, adolah untuk membengun kowe. ²⁰ Sabab, ake takut, munye-munye ketika aku njongok, ake nak menjumpaime hopi upa nyo ake haropko, ngan kowe hopi nak menjumpaike upanyo kou haropko. Jengon-jengon ado perselisihon, iri hati, amarah, kepentingan diri dewek, fitnah, desas-desus, kesombongon, ngan kekacauon. ²¹ Ake khawatir munye ake njongok lagi, Allahke nak merendahko ake de depanme ngan ake nak beduka atas lobot urang nyo tekelahe sodah bedoso sebolumnye ngan cuma hopi betobat deri kenajison, pecabulon, ngan hawa nafsu nyo sodah rombongon iyoy lakuko.