(Kunjungon Paulus nyo Ketiga) ¹ Nie adolah ketiga kalinye ake mengunjungime. Harus ado keterangon deri dua apo tiga saksi, mengka suatu perkaro debuekko sah. ² Sebolumnye, ake sodah memperingotko rombongonyo bedoso ngan segelo nyo loen. Kinie, walaupun ake hopi besamo kowe, aku memperingotko rombongon upa iyoy ake lakuko delom kunjungonke kedua, yaitu munye ake njongok lagi, ake hopi nak menyayangi rombongon iye, ³ ulenyo kwe ndelok bukti tentang Kristus, nyo buek delomke ngan nyo hopi lamah terhadop kowe, meloenko bekuaso de delomme. ⁴ Sesungguhnye , Kristus desalibko delom kelamahon, cuma Nye hidup uleh kuaso Allah. Sabab, kami jugo lamah de delom Nye, cuma kamie nak hidup besamo-samo ngan Nye ule kuaso Allah terhadop kowe. ⁵ Ujilah dirime dewek untuk ngoleh, apokah kowe tetap de delom imanme. Periksolah dirime dewek! Apo, apokah kowe hopi mengenali dirime dewek bahwa Kristus Yesus ado dedelomme, kecuali munye kowe gagal de delom ujion. ⁶ Ake berharop kowe nak mengetahui bahwa kami bukonlah urang nyo hopi tahan uji. ⁷ Hambuk, kamie bedoa kepodo Allah empuk kowe hopi melakuko kesalahon, bukon empuk kami tekoleh tahan uji, munye empuk ko nyo kowe melakuko ape nyo bonor, meskipun pengolehonnye kamie lah gagal ujion. ⁸ Kami hopi depot melakuko ha-hal nyo betentangon ngan kebonoron, meloenko hanyo bagi kebonoron. ⁹ Kami senang munye kami lamah dan kowe kuat. Doa kami adolah empuknyo kowe menjedi sempurna. ¹⁰ Iyelah sebabnye, ake menulis hal-hal niye ketika ake jouh derime empuknyo ketika ake njongok ake hopi perlu menggunako ngan karas, kuaso nyo Tuhan beriko podoke untuk membengunme ngan bukon untuk meruntuhkome. ¹² Borikolah salam sikok ngan nyo loen ngan ciumon kudus. ¹³ Segelo urang-urang kudus mengirimko salam untukme. (13-14) Anugerah Tuhan Yesus Kristus, ngan kaseh Allah ngan persekutuon deri Roh Kudus menyertai kowe segelo.