(Paulus ngan Rasul Pelesu) ¹ Ake beharop, kowe sabar terhadopke delom kekecikon kebodohonke, ngan kowe memang sabar terhadop ake. ² Sabab, ake meraso cemburu kepodo kowe ngan kecemburuon ilahi ulenyo ake sodah menunangko kowe ngan siko laki, yaitu mempersembahkome sebagai perawan nyosuci kepodo Kristus. ³ Hambok, ake takot, jengon-jengon,samo upa ulor nyo ngan kelecekonnye menipu hawo, upa iyoy pekeronme nak desosotko deri ketuloson ngan kemurnionme pengabdion delom Kristus. ⁴ Sabab, kowe sabar bae ketika seseurang njongok ngan memberitako tentang Yesus nyo loen, nyo bebeda ngan nyo kami beritako, apo tekalo kowe menerimo roh nyo bebeda, nyo bolum perenah kowe terimo, apo injil loen nyo bolum perenah kowe terimo. ⁵ Menurotke, ake hopilah kurang deri para rasul luor biaso iye. ⁶ Walupun ake hopi pandai delom hal pembueon, cuma hopi upanioi delom hal pengetahuon, ulenyo dengan lobot caro, kami lah menunjokonyokepodome delom segelo hal. ⁷ Apo, apokah ake melakuko doso tekalo merendahko dirike dewek empoknyo kowe depot detinggiko ilenyo ake memberitako Injil Allah kepodome ngan cuma-cuma? ⁸ Ake merampok jemaat-jemaat loen ngan menerimo upah deri rombongon untok melayani kowe. ⁹ Ngan, tekalo ake besamome ngan melarat, ake hopi memboboni seurang pun ulenyo dulor-dulor nyo njongo deri Makedonia memonohi kebutohonke. Ngan, delom segelo hal, ake menjego dirike untok hopi menjedi bobon bageme ngan ake nak terus melakukonnye. ¹⁰ Seumpamone kebonoron Kristus de delomke, kebanggaonke nie hopi nak dehalangi de wilayah-wilayah Akhaya. ¹¹ Mengka? Apokah ulenyo ake hopi mengasehime? Allah nyo mengetahuinye! ¹² Cuma hambok, ake nak teros melakuko ape nyo kulakukoh sehingga ake depot menotok kesempaton deri rombongon nyo mengendoko kesempaton untok dedepoti samo upa kami delom hal-hal nyo rombongon banggako. ¹³ Sabab, urang-urang upa iye adolah rasul-rasul palsu, penggawe-penggawe nyo curang, nyo menyamar sebagai rasul-rasul Kristus. ¹⁴ Hal iye hopi mengejutko ulenyo Iblis pun menyamar menjedi upa malaikat tarang. ¹⁵ ulenyo iye, hopilah mengejutko munye para pelayannye jugo menyamar upa para pelayan kebonoron, nyo kesodahon rombongon iye nak setimpal ngan perbuatonnye dewek. ¹⁶ Sekali lagi, ake membueko jengon ado sikok pun nyo menganggap ake nie bodoh. Walupun upaiyoy, terimolah ake sebagai urang nyo bodoh empoknyo ake jugo depot kekecikon bebangga. ¹⁷ Ape nyo ake buekko delom hal keyakenon nak kebanggaon nie, ake hopi membuekkonye upa kehendok Tuhan, meluinko upa delom kebodoho. ¹⁸ Lobot urang nyo bebangga secaro degeng. Jedi, ake jugo nak bebangga. ¹⁹ Sabab, kowe sajo bijaksana sehingga ngan senang hati kowe besabar terhadop urang bodoh! ²⁰ Kowe besabar, empok ado urang nyo memperhamba kowe, menolon kowe, mengambek keuntongon atas kowe, meninggiko dirinye, apo menampor mokame. ²¹ Ngan sajo malu ake haros membueko bahwa kami terlalu lamah untok hal iye! ²² Apokah rombongon urang Ibrani? Ake jugo. Apokah rombongon urang Israel? ake jugo. Apokah rombongon keturonon Abraham? ake jugo. ²³ Apokah rombongon melayani Kristus? Ake lobeh-lobeh lagi ake buek-buek upa urang gila. Jereh payohke lobeh lobot, lobeh recap delom penjara, pukolon-pukolon nyo hopi depot dehitong, ngan lobeh recap berado delom behayo maut. ²⁴ Deri urang-urang Yahudi, selobot lima kali ake lah menerimo empat puloh kurang sikok cambukon. ²⁵ Tiga kali ake depukol ngan routon, sikok kali de tohuki betu, tiga kali ake berado de kapal tenggolom, siko malom ngan sikok hari ake deheret ombak de lout. ²⁶ Lobot kali delom perjelononke, ake terancam behayo deri sungoi, deri para perampok, pihak urang-urang Yahudi, ngan urang-urang bukon Yahudi. Ake deancam behayo de kota, de padang belantara, de lout ngn jugo behayo deri dolor-dolor palsu. ²⁷ Ake sodah bejereh payo ngan begawe berat, tetap terjego, kelaporon ngan kerauson, recap hopi ado makonon, delom kedingemnon, ngan tanpo pakoyon. ²⁸ Ngan, seloen hal-hal nie ado jugo masalah sehari-hari nyo menjedi tanggung jawabke untuk memeliharo atas segelo jemaat. ²⁹ Siape nyo lamah, ngan ake hopi lamah? Siape nye titek, ngan ake hopi berdukacita? ³⁰ Munye ake harus berbangga, ake nak bangga atas hal-hal nyo menunjukko kelamahonke. ³¹ Allah ngan Bepa Tuhan Yesus, nyo harus depuji selamo-lamonye, mengetahui bahwa ake hopi pelato. ³² De Damaskus, gubernue de bewoh Rajo Aretas mengawasi kota Damaskus untuk menangkop ake. ³³ Hambuk, ake deturunko delom sebuah keranjang deri sebuah jendelo de tembok, empuknyo ake telapas deri tangonnye.