¹ Pemboekon nie bonor, "Munye seurang menghendaki jabaton penilik jemaat, nye mengendoko penggaweon nyo beik." ² Ulehnyo iye, penilik jemaat harosla seurang nyo hopi becela, suami deri sikok bini, bijaksana, menguasoi diri, dehormati, endok membori tumpangon, ngan terampil mengajor, ³ bukon peminom, bukon urang nyo kasar meloenkoh lemah lombot, hopi endok belago, ngan bukon urang nyo cinta uang. ⁴ Nye haros pacok mengurus ruma tanggonye dewek ngan beik ngan menjago anak-anaknye untok taat ngan raso hormat. ⁵ Sabab, munye nye hopi tau upamone mengurus ruma tanggonye dewek, upamone nye akan mengurus jemaat Allah? ⁶ Jengonlah nye seurang petobat baru supayo nye jengon menjedi sombong ngan titek ke delom hokuman iblis. Detamboh lagi, nye haroslah seurang nyo memeleki reputasi nyo beik de antaro urang-urang luor sehinggo nye hopi titek delom kehinoon ngan jebakon iblis. ⁸ Cuma jugo diaken, nye haroslah seurang nyo dehormayti, hopi becabang lidah, hopi kecanduan minoman anggur, ngan hopi mendelok keuntungan nyo hopi jujur. ⁹ Mike haros pacok memogong rahasia kebonoron iman ngan hati nurani nyo bereseh. ¹⁰ Mike jugo haros de uji terlobeh dahulu ngan cuma bukti hopi becela, mike pacok melayani sebagoi diaken. ¹¹ Demikian jugo betina-betina diaken, mike haroslah urang nyo dehormati, bukon pemfitnah, cuma pacok menguasoi diri ngan pacok depercayo delom segelo hal. ¹² Diaken haros laki ngan deri sikok bini, pacok mengatur anak-anaknye ngan ruma tanggonye ngan baik. ¹³ Sabab, mike nyo elah melayani sebagoi diaken ngan beik akan mendepotko kehormatan bage diri nyo dewek ngan keyakinon nyo godong akan imannye delom Yesus Kristus. ¹⁴ Ake beharop ake pacok segera detong kepodome, cuma ake menuliskon hal-hal nie kepodome supayo ¹⁵ seandoinye ake terlambot, kowe sodah tahu upamone mike haros hidop delom ruma Allah, iyelah gereja deri Allah nyo hidop, tiang penyokong, ngan dasar deri kebonoron. ¹⁶ Kite mengakui alangkah godongnye rahasia kesalehon iye: "Nye, denyotoko delom daging, debenarko uleh Roh, dekelek uleh malaikat-malaikat, deberitahko de antaro bangsa-bangsa, depecoyo delom dunia, deangket kepodo kemeliaon."