¹ Oleh karana koa, karana Kristus mandarita badan, langkapi diriknyu batujuan nang sarupa. Barangsae dah mandarita badan udah namu parantiatn ka dosa. ² Sabagai asile, saparati urakng, salama sisa idupe, inak agi idup untuk kamaoan manusia, ngalainan kamoan Allah. ³ Karana udah cukup manyak waktu untuk ngalakuatn ahe nang urakng - urakng buke Yahudi lakuatn-hawa nafsu, kamaoan, kamabuk, bacocok, bapoya - poya dan nyambah bahala nang di ngalarang. ⁴ Kabatne bapikir inak pantas rasae kade kao inak ngalakuatn hal - hal koa ba kabatne, ahire kabatne ngataatn hal - hal nang jahat nganai kao. ⁵ Kabatne batanggung jawab ka Ia nang siap hakimi baik nang idup maopun nang mati. ⁶ untuk tujuan koalah injil di kabaratn ka nang udah mati, walopun kabatne udah di hakimi ka daapm tubuh sabagai manusia, kabatne bisa idup sacara rohani manurut kahendak Allah. ⁷ Akhir dari sagalae udah samak. Oleh karana koa, haruslah pikirannyu caitn, dan pamikirannyu baraseh supaya kao bisa badoa. ⁸ Labih dari nang laine, arus ada kasih nang batol - batol ka antara kao, karana kasih manyak sidi nutupi dosa. ⁹ Barelah tumpangan ka sasamanyu ame sambi mareco. ¹⁰ Ayamae kao udah narima sabuah karunia, gunaanlah untuk ngalayani seko ba nang laine, sabagai palayan umpat ka Allah nang ada manyak karunia. ¹¹ Umpamae ada nang bakata, haruslah bakata sabagai pamberita pasatn Allah. Kade ngalayani lakuatnlah kakuatan umpat ka Allah. Lakuatnlah hal - hal nyian ka daapm sagala ahepun , Allah bisa di muliaatn ngalalui Yesus Kristus. kamuliaatn ba kuasa koa nu Yesus Kristus salama - lamae. Amin. ¹² Kamaruk - kamaruk nang di kasihi, Amelah anggap mara api koa siksaan nang atakng ka kao sabagi ujian, sabagai ahe nang heranan, sarupa ahe nang aneh atakng ka kao. ¹³ Tapi sangahe manyak kao ngalami pandaritaan Kristus, basukacitalah, Sahingga kao uga narima sukacita dan repolah ka panyataatn dari kamuliaanNe. ¹⁴ Kade kao di olok karana dama Kristus, kao dibarakati, karana Roh kamuliaatn ba Roh Allah diapm ka kao. ¹⁵ Tapi, ame sampe ada ka antara kitak nang mandarita karana kao pamunuh, pangait, panjahat, ato pangaco. ¹⁶ tapi kade ada nang mandarita sabagai urakng kristen, Amelah ia supe, tetapi biaratlah ia muliaatn Allah daapm dama koa. ¹⁷ Karana dah atakng waktue panghakiman rumah Allah, Dan kade koa di mulaik dari dirik, ahelah jajie ka kabatne nang inak taat ka injil Allah? ¹⁸ Dan kade urakng banar di salamatatn dari kasusahatn, ahe jajie ka urakng fasik ba urakng nang badosa? ¹⁹ Oleh karana koa, biarlah kabatne nang udah mandarita sasuai ba kahendak Allah micayaatn jiwae ka pancipta nang satia, basalalu babuat baik.