¹ Ba cara nang sama, bini - bini ngogolah ka akinyu. Sahingga, kade ada nang inak taat ka firman Jubata sakaipun, ngalalui kalakuan bini - bini kabatne bisa di manangan tampa pakataatn. ² Karana kabatne dah nee kalakuannyu nang murni panuh hormat ka kabatne. ³ Amelah ngalakuatn koa ba pariasan lahiriah: buuk di ikat, pariasan amas, ato pakean nang gagas. ⁴ Tetapi biaratnlah koa tajadi ka panampilannyu nang barasal umpat ka ati, dan tarigas kekal umpat ka roh nang lamut uga tenang, nang baraga ka mata Allah. ⁵ Karana nang bini - nang bini are mantingan hal koa. Kabatne yakin sidi ka Allah dan kabatne ngogoatn diri ka aki - akie. ⁶ Ba cara nang sarupa Sarah taat ka Abraham dan nyaru ia tuan. kao lah anak - anake kade kao ngalakuatn ahe nang baik dan kade kao pun inak gai kasusahatn. ⁷ Bacara nang sarupa pun, aki - aki aruslah idup ba bininyu ba pangaratiatn kade bininyu koa pasangan nang labih lamah, ngangap kabatne sabagai sasama panarima karunia kaidupatn. Lakuatnlah nyian supaya doa - doanyu inak tahalangi. ⁸ Ka akhire, kitak samua, jajilàh urakng - urakng nang bapikran sarupa, murah ati, saling ngasihi, bati lamut, dan rendah ati. ⁹ Ame balas kajahatatn ba kajahatan agi ato maki - maki; justru sabalike, tarus barakati seko ba nang laine, karana untuk koalah kao di saru, supaya kao ngawarisi barakat. ¹⁰ Barangsae mao ngasihi idup dan nee ari - ari nang baik, hendaklah ia tahan jiahhe dari kajahatatn dan bebere untuk inak bakata pangalok. ¹¹ Haruslah ia bapelok dari ahe nang jahat tarus ngalakuatn ahe nang baik. Haruslah ia ngago dan galah kadamaian koa. ¹² Mata Tuhan nee urakng - urakng nang banar, dan tarenyekngE nangaratn pamintaatne. Tetapi muha Jubata ngalawan kabatne nang ngalakuatn kajahatatn. ¹³ Sae nang mao nyakitia kao kade kao babuat baik? ¹⁴ Tapi kade kao mandarita karana kabanaratn, kao di barakati. ame gaik ka ahe nang kabatne gaik'atn. ame uga gelisah. ¹⁵ Tapi kudusatnlah Kristus ka daapm atinyu sabagai Jubata. basiaplah salalu untuk jawab samua urakng nang batanya ka kao ngahe kao yakin sidi ka daapm Allah. Lakuatnlah nyian sacara lamah lamut uga hormat. ¹⁶ banurani nang baiklah supaya urakng nang ngoloan kaidupatnnyu nang baik ka daapm Kristus jaji supe karana kabatne ngataatn kade kao koa urakng jahat. ¹⁷ Labih baik, kade Allah hendaki, kao mandarita karana ngalakuatn kabaikatn daripada karana kao ngalakuatn kajahatatn. ¹⁸ Kristus uga paranah skai mandarita ka dosa. Ia nang banar mandarita untuk dirik, nang inak banar, supaya Ia ngicakng dirik ka Alla, Ia mati daapm tubuh, tapi jaji idup ka daapm roh. ¹⁹ Ka daapm roh , Ia ampus kotbah ka roh - roh nang angkitn ada ka daapm pinjara. ²⁰ Kabatne inak taat pas kasabaran Allah gi ngantiatn ka ari - ari Nuh, pas ari - ari gi minjawat sabuah bahtera, dan Allah nyalamatatn basangahe urakng-lapan nyawa-ngalalui ai bah koa. ²¹ Nyianlah lambang kasalamatnnyu, yakoa baptisan-buke untuk nyasah dabu dari tubuh, tapi sabagai pamohonan untuk nurani nang baik ka Allah-ngalalui kabangkitatn Yesus Kristus. ²² Kristus ada ka kokot kanan Allah. Ia ampus ka subayatn . Malaekat - malaekat, kuasa - kuasa, dan kakuatan - kakuatan arus tunduk ka Ia.