¹ Oleh karana koa singkiratn samua kajahatatn, kamunafikatn, dangki dan fitnah. ² sarupa ba ola nang baru di lahiratn ngantiaatn ai susu rohani nang asli, aya koa kao bisa tumuh ka daapm kasalamatatn ngalalui Ia, ³ kade kao udah nyacapi Tuhan koa baik. ⁴ Ataknglah ka Ia, batu idup nang di nolak manusia, tapi dah di pilih Allah dan baraga ka Ia. ⁵ kitak samuae uga sama ba batu idup nang agi di minjawat untuk rumah rohani, supaya bisa jaji imamat kudus nang mare korban rohani bisa di tarima Allah ngalalui Yesus Kristus. ⁶ Firman Tuhan bakata, "paratiatnlah, Aku ngakaatn sege batu panjuru ka Zion, nang utama tapilih dan baraga. Barang sae pun nang picaya ka Ia inak akan di pasupe'ia." ⁷ kamuliaatn ka kitak nang picaya. Tapi, "Batu nang di muang tukang bagunan, udah jaji batu panjuru"- ⁸ dan "Batu nyantuhi ba narantuki. "Kabatne tarantuk, inak nuruti firman Tuhan, untuk koa kabatne udah di nantuatn. ⁹ Tapi kao bangsa nang tapilih, imamat rajani, bangsa kudus, umat nu Allah, supaya kao ngabaratn pabuatan gagas umpat ka Ia nang dah nyaru kao ka uwas umpat ka tampat patakng ka taraknge nang ajaib. ¹⁰ Kao dee bukelah umat Allah, tapi angkitn kitak samuae umat Allah. kao dee pun inak narima balas kasihaatn, tapi angkitn udah narima balas kaaihaatn. ¹¹ kamaruk - kamaruk nang terkasih, aku nyaru kitak, sabagai urakng asing dan pagembara utk jauhatn diri kamaoan dagen, nang baparang ngalawan jiwanyu. ¹² kao harus baparilaku nang baik ka antara bangsa buke Yahudi, supaya pas kabatne nuduh kitak samua udah ngalakuatn hal - hal jahat, kabatne bisa nee pabuatan baiknyu dan muji Allah pas ari ka atangane. ¹³ Taatilah sàtiap kuasa manusiawi demi Tuhan, baik raja sabagai kuasa nang tingi, ¹⁴ baik gubernur nang di tugasatn untuk ngukum urakng nang babuat jahat dan untuk hargai kabatne nang babuat baik. ¹⁵ karana nyianlah kahendak Allah, pabuatan baiknyu akan bungkam omong kosong dari urakng - urakng bodo. ¹⁶ Sabagai urakng mardeka, amelah gunaan kabebasatn nyu untuk nutupi kajahatan, tapi jajilah saparati hamba Allah. ¹⁷ Hormatilah samua urakng. kasihilah kamaruk - kamaruk nyu. gaiklah akan Allah. Hormatilah raja. ¹⁸ Hamba - hamba, jajilah hamba nang taat ka tuan nyu dan hormat, buke kahe ka tuan nang baik dan lamut, tapi ka tuan nang garang uga. ¹⁹ karana tapujilah urakng nang bisa tahan di aniaya akibat inak ada kaadilan, karana kasadaran ka Allah. ²⁰ Karana ahelah nilai nang di tamu kade kao badosa lalu tabah pas di bare ukuman? Tapi kade kao udah babuat baik lalu arus mandarita ukuman dihe, koalah nang tapuji ka Allah. ²¹ Ka hal koalah kao di saru, karana Kristus uga mandarita untuk kao, mare taladan untuk kao tunaan jejakKe. ²² Ia inak ngalakuatn dosa, uga inak ada kata pangalok ka mootTe. ²³ pas Ia dicaci maki, Ia inak caci maki agi. pas Ia mandarita , Ia inak balas, tapi Ia mareatn Dirie ka Ia nang hakimi adil. ²⁴ Ia babaro nang mikut dosa diri ka daapm Tubuhe ka kayu salib, sahingga diri inak paralu agi bahubungan ba dosa, supaya diri bisa idup ka kabanaratn. Oleh uka ukaE diri udah di samuhan. ²⁵ kitak samua dah ngembara sarupa domba nang sasat, tapi angkitn kao udah muakng ka gembala ba panyaga jiwanyu.