¹ Pagewaris takasih , Amelah picaya ka satiap Roh, tapi ujilah roh-roh koa untuk mastiayn ahe ge roh koa barasal dari Allah, karana manyak nabi palsu muok ka dunia. ² Ba nyianlah kao nganal Roh Allah: satiap roh nang ngako kade Yesus Kristus atakng daapm ujud manusia ia barasal dari Allah, ³ dan satiap roh nang inak ngakoi Yesus Kristus buke dari Allah. Koalah roh antikristus, nang udah kitak dangar ka atangan-Ne, dan nang angkitn udah ada ka dunia. ⁴ Kao barasal dari Allah, anak-anak namg takasih, uga ngalahatn roh jahat, Karana Ia nang ada ka daapmnyu labih ayak dari pada ia nang ada ka daapm dunia nyian. ⁵ Kabatne babaro barasal dari dunia, ba karana koa ahe na g kabatne kataatn koa barasal dari dunia, dan dunia nangaratn kabatne. ⁶ dirik barasal dari Allah. Saepun nang nganal Allah ia nangaratn dirik. Sae nang inak barasal dari Allah ia inak nangaratn dirik. Ba nyianlah dirik nauan roh kabanaratn uga roh kasehatatn. ⁷ Pàgaewaris nang takasih, ijelah dirik saling ngasihi, karana kasih barasal dari Allah, dan barangsae nang ada kasih lahir dari Allah uga nganal llah. ⁸ Urakng nang inak nganal kasih uga inak nganal Allah, karana Allah koa kasih. ⁹ Daapm hal nyianlah kasih Allah di nyataatn ka daapm dirik, kade Allah udah utus putra-E nang tunggal ka dunia supaya dirik bisa idup ngalalui Ia. ¹⁰ Daapm hal nyian, kasih koa bukelah karana dirik udah ngasihi Allah, malainkan karan Ia babaro udah ngasihi dirik, dan udah utus putra-E sabagai pardamean untuk dosa-dosa dirik. ¹¹ Kade Allah udah ngasihi dirik, dirik uga arus ngasihi saurakng ka urakng lain. ¹² inak saurakng pun paranah nee Allah. kade dirik ngasihi saurakng ba nang laine, Allah tatap diapm ka daapm dirik uga kasih-He udah di sampunaatn ka daapm dirik. ¹³ Karana koalah dirik nauan kade dirik tatap diapm ka daapm Ia dan Ia ka daapm dirik, Karana Ia udah anugerahatn Roh-He ka dirik. ¹⁴ Uga, dirik udah nee dan basaksi kade Bapa udah utus putra untuk jaji juruselamat dunia ¹⁵ Barangsae nang ngako kade Yesus koa putra Allah, maka Allah tatap diapm ka daapme dan ia ka daapm Allah. ¹⁶ Uga, dirik udah nganal dan udah picaya akan kasih Allah nang ada ka dirik, Allah koa kasih, dan ia nang diapm ka daapm kasih, maka ia tatap diapm ka daapm Allah uga Allah ka daapme ¹⁷ Daapm nyianlah kasih udah di sampurnaatn barage diri, supaya diri ada kabaranian untuk ngadapi ari panghakiman, karan àyam Ia koa ada, dirik uga ada ka daapm dunia nyian. ¹⁸ Ka daapm kasih inak ada kagaianan.sabalike,kasih nang sampurna muang ka uwas kagaianan, karana kagaianan ngandong ukuman. Tetapi sae nang ga'i ia nape di sampurnaatn ka daapm kasih. ¹⁹ Dirik ngasihi Ia karana Allah labih doho ngasihi dirik. ²⁰ Barangsae nang bakata, "aku ngasihi Allah" tapi teget ka kamaruk saiman, ia koa pangalok. karana ia nang inak ngasihi kamaruk'e saiman nang ia nee, inak mungkin ngasihi Allah nang nape paranah ia tee. ²¹ uga, nyianlah parentah dari Ia: Saepun nang ngasihi Allah, uga arus ngasihi kamaruk'e saiman.