¹ Barangsae nang picaya kade Yesus koa Kristus lahir dari Allah, dan barangsae ngasihi bapak uga ngasihi anak nang lahir dari ia. ² nyianlah nang mijawat diri nauan, kade dirik ngasihi anak-anak Allah: kalo dirik ngasihi Allah dan miharaparentah-He. ³ Sabab nyianlah kasih Allah kade dirik mihara parentah-parentah-He, dan parentah-parentah-He koa inak barat. ⁴ Sabab satiap urakng nang di lahiratn dari Allah ia ngalahatn dunia. Dan nyianlah kamanangan nang udah ngalapasatn dirik dari dunia, yakoa iman dirik. ⁵ Saelah urakng nang ngalahatn dunia? Urakng nang picaya kade Yedus koa Putra Allah ⁶ Nyianlah Ia nang udah atakng ba ai uga darah, yakoa Yesus Kristus, inak kahe ba ai tapi uga ai ba darah. ⁷ Sabab ada tiga nang basaksi: ⁸ Roh, ai uga darah, batiga koa sarupa ⁹ Kade diri narima kasaksiatn manusia, makamkasaksiatn Allah nang labih ayak. Karana nyianlah kasaksiatn Allah nang udah Ia saksiatn nganai Putra-E. ¹⁰ Sae nang picaya ka Putra Allah ia ada kasaksiatn daapm dirie. Sae nang inak picaya ka Allah ia udah minjawat Ia tolen pangalok, sabab ia inak picaya ka kasaksiatn nang udah Allah saksiatn bakenan ka Putra-E. ¹¹ Dan nyianlah kasaksiatn koa: Allah udah mare kaidupatn nang kakal ka dirik, dan kaidupatn kakal koa ada ka daapm Putra-E. ¹² Sae nang ada putra ia ada kaidupat kakal. sae nang inak ada putra Allah inak ada idup nang kakal. ¹³ Aku udah nulis hal- hal nyian ka kao biar kao nauan kade kao ada idup nang kakal, Ka kao nang picaya ka dama Putra Allah. ¹⁴ uga , nyianlah kayakinan dirik nang udah dirik ada ka Ia, Ahepun nang dirik minta nang sasuai bakahrndak-E, Ia akan nangaratn dirik. ¹⁵ uga dirik nauan kade Ia nangaratn dirik. ahe nang dirik minta, dirik nauan kade dirik udah namu ahe nang dirik minta dari Ia. ¹⁶ Kade saurakng nee kamaruk'e babuat dosa nang inak akibatatn kamatiatn, ia arus badoa, dan Allah akan ngaruniaatn ia idup. nang ku maksud koa kabatne nang babuat dosa nang inak akibatatn kamatiatn. Ada dosa nang mijawat kamatiatn; nganai koa aku inak ngataatn kade ia arus badoa ¹⁷ Sagala nang inak batol koa dosa; tapi ada dosa nang inak mijawat kamatiatn. ¹⁸ Dirik nauan kade satiap nang lahir dari Allah inak babuat dosa; tapi ia nang lahir dari Allah, Allah nyaga ia, uga ibalis inak akan bisa nyantuh ia. ¹⁹ Dirik nauan kade dirik barasal dari Allah, dan saluruh dunia barada ka kuasa roh jahat. ²⁰ Tapi dirik nauan kade Anak Allah udah atakng uga mare dirik pangaratiatn, kade dirik nganal Ia nang banar, uga kade dirik ada ka daapm nang banar, ka daapm Putra-E Yesus Kristus. nyianlah Allah nang banar uga idup nang kakal. ²¹ Hai anak-anakku nang takasih, jagallah diriknyu babaro dar berhala-berhala.