¹ Teelah, ayak sidi kasih Bapa ka diri, sahingga diri di sabut anak Allah, dan nyian memang batol! karana nyianlah dunia ina kanal dirikarana dunia ina nganal Ia. ² pagewaris nang takasih, buke me diri angkitn anak-anak Allah, dan nape di nyataatn ayamae diri anae. Tetapi diri nauan kade Kristus nyataatn diri-E, diri akan sarupa tolen Ia, karana diri nee Ia sarupa ayamae Ia ada. ³ Satiap urakng nang ada kayakinan nganai masa anae ngudusatn dirie sama tolen Ia nang kudus. ⁴ Satiap urakng nang mijawat kàdurhakaatn, sabab dosa adalah kadurhakaatn. ⁵ Kao udah nauan kade Kristus nyataatn diri-E untuk ngapus dosa-dosa diri, dan kadaapm-Me ina ada dosa. ⁶ ina ada saurakng pun nang diapm ka daapm Ia mijawat dosa. ina saurakngpun nang tarus-tarusan mijawat dosa nee Ia ato nganal Ia. ⁷ Hai anak-anakku nang takasih, Amelah ada saepun nang mimpin kitak ka jaatn nang sasat. Ia nang babuat batol adalah urakng nang batol sarupa ba Kristus nang batol. ⁸ Ia nang babuat dosa barasal dari ibalis salalu babauat dosa. karana alasannyianlah Putera Allah nyataatn diri-E supaya karajaan ibalis dimusnahatn. ⁹ Barangsae nang lahir dari Allah ina badosa, karana banih Allah tatap ka ia. Ia ina bisa babuat dosa karana ia dilahiratn dari Allah. ¹⁰ Dari koalah diri nauan sae anak-anak Allah dan sae anak-anak ibalis. Barangsae nang ina babuat kabanaratn ina barasal dari Allah, yakoa uga ia nang ina ngasihi kamaruke. ¹¹ Karana nyianlah barita nang udah kitak dangar dari samula, kade diri arus ngsihi seko ba nang laine; ¹² buke tolen kain nang barasal dari nang jahat uga munuh kamaruke. Dan ngahe ia munuh kamaruke? karana pabuatan-pabuatane adalah jahat, dan kamaruke adalah batol. ¹³ Amelah heran pagewarisku, kade dunia teget ka kitak. ¹⁴ Karana diri nauan kade diri udah bakalih dari kamatiatn ka daapm kaidupatn, karana diri ngasihi kamaruk diri. Saepun nang ina ada kasih akan tatap diapm ka daapm kamatiatn. ¹⁵ Saepun nang teget ka kamaruk'e adalah pamunuh. kitak nauan kade kaidupatn nang kakal ina akan diapm ka daapm urakng pamunuh. ¹⁶ Dari koalah dirik nauan kasih, karana Kristus udah nyarahatn nyawa-E untuk dirik. Dirik uga arus nyarahatn nyawa dirik untuk kamaruk-kamaruk dirik. ¹⁷ Tapi barangsae nang ada harta duniawi, dan nee kamaruk'e ada kaparaluan, dan nutup atie dari kasih ka ia, yamae mungkin kasih Allah tatap ka ia? ¹⁸ Anak-anakku nang takasih, ijelah kasih dirik inak kahe ka jiah, tapi buktiatn ka pabuatan ba kabanaratn. ¹⁹ Dari koalah dirik nauan kade dirik barasal dari kabanaratn dan ngyakinan ati dirik ka adapatn-Ne. ²⁰ Karana, kade ati dirik nuduh dirik, Allah labih ayak dari pada ati dirik, uga maha nauan daapm sagala hal. ²¹ Pagewarisku nang takasih, kade ati dirik inak nuduh dirik, dirik ada kabaranian untuk ngadap Allah. ²² Dan ahe pun nang dirik minta, ditarima dari Ia, karana dirik ngalakuatn parentah-He sarata sagala hal bakenan ka adapàtn-Ne. ²³ Dan nyianlah parentah-He: kade dirik arus picaya ka daapm dama putra-E Yesus Kristus uga ngasihi seko ba nang laine, Sarupa parentah nang Ia bare ka dirik. ²⁴ Ia nang mihara parentah Allah tatap diapm ka daapm Ia. uag Allah diapm ka kadaapm Ia. Ba nyianlah dirik nauan kade Ia tatap barage ba dirik, Oleh Roh nang Ia mareatn ka dirik.