¹ Anak-anakku, ka daapm Yesus, Aku nulisatn nyian supaya kitak ina babuat dosa. Tetapi kade ada nang babuat dosa, dirik ada saurakng pambela nang adil ka Bapa yakoa Yesus Kristus. ² Sukarela Ia ngorbanan idup-pE buke kahe ngamponia dosa diri maan tapi untuk dosa saluruh dosa dunia. ³ Dari nyianlah diri nauan kade diri kanal Ia: kade diri narohi parentah-parentah-He. ⁴ Barangsae nang bakata, "Aku kanal Allah," tapi ina taat ka parentah-He ia urakng pangalok, dan kabanaratn ina ada ka ia. ⁵ Tetapi barangsae narohi Firman-Ne, kasih Allah sampurna ka ia. Dari nyianlah diri nauan kade diri ka daapm-Me. ⁶ Barangsae nang bakata kade ia basekutu ba Allah maka ia harus majaanan idup sarupa Yesus Kristus idup. ⁷ Page waris nang takasih ka daapm Kristus, Aku ina nulis parentah barahu ka kitak, malainkan parentah lama nang udah kita tarim waktu pamula. parentah nang lama koa udah kitak dangar. ⁸ Aku nulisatn parentah barahu nyian ka kitak, dimae kabanaratn nang ka daapm Kristus uga ka daapmnyu, sabab patakng udah dari dan tarakng kabanaratn udah basinar. ⁹ Barangsae nang bakata ia idup ka daapm tarakng tapi teget ka kamaruk'e baarti ia idup ka daapm patakng sampe gkitn. ¹⁰ karana barangsae nang kasih ka kamaruk'e ia ada ka daapm tarakng uga kasasatatn ina ada ka daapme. ¹¹ Tetapi barangsae teget ka kamaruk'e ia ada ka daapm patakng uga bajaatn ka daapm patakng; ia ina naun kamae ia ampus, karana patakng koa udah mijawat matae buta. ¹² Aku nulisatn ka kitak, Anak-anak namg takasih, karana Allah udah ngamponi sagala dosa kitak karana dama-E. ¹³ Aku nulisatn ka kitak, bapa-bapa, karana kitak udah kanal Ia sajak samula. Aku nulisatn ka kao, anak muda, sabab kitak udah ngalalahatn nang jahat.Aku nulisatn ka kitak hai anak-anak, sabab kitak udah nganal Bapa. ¹⁴ Aku udah nulisat ka kitak, bapa-bapa, karana kitak nauan Ia nang ada dari mulae. Aku udah nulisatn ka kitak, anak muda, karana kao kuat, dan Firman Allah ka daapmnyu dan kao dapat ngalahatn nang jahat. ¹⁵ Amelah ngasihi dunia ba sagala hal nang ada ka daapme. karana baramgsae ngasihi dunia, kasih Bapa ina ada ka daapm ia. ¹⁶ karana samua nang ada ka dunia kainginan daging, hawa nafsu ka paneeatn mata, dan kasombongan idup bukelah barasal dari Bapa malainkan barasal dari dunia. ¹⁷ Dunia ba sagala kamaoanne akan musnah. Tetapi barangsae nang majaanankahendak Allah akan tatap salamae. ¹⁸ Hai anak-anak kamuda enek, nyianlah waktu tarahir. tolen nang udah kitak dangar, saurakng antikristus udah atakng, dari koalah diri nauan masa ahir zaman udah atakng. ¹⁹ Kabatne udah muok dari diri, tapi sabatole kabatne bukelah barasal dari diri. karana kade kabatne barasal dari diri kabatne tatap diapm barage diri. koa nojokatn kade kabatne buke barasal dari diri. ²⁰ Tetapi kitak udah di urapi di nang kudus, uga kitak udah nauan kabanaratn. ²¹ Aku udah nulisatn ka kao buke karana kao inak nauan kabanaratn, malainkan karana kao udah nauan dan uga karan ina ada alok barasal dari kabanaratn ²² Saelah pangalok koa kade buke ia nang nyangka Yesus adalah Kristus? urakng koa adalah anati Kristus namg nyangka Bapa dan Putra. ²³ Inak ada urakng nang nyangka putra ada Bapa. Barangsae nang nyangka Anak ina ada Bapa; dan baransae nang ngako putra ia uga ada Bapa. ²⁴ Untuk kao, ijelah ahe nang kitak dangar dari samula ingatatn kao. kade ahe nang kao dangar dari samula tatap diapm ka daapmnyu, kao uga akan tatap diapm ka daapm putra dan ka daapm Bapa. ²⁵ Dan nyianlah janji nang Ia janjiatn ka diri; yakoa idup nang kakal. ²⁶ Aku udah nulis samua nyian ka kao mimpin kao ka jaatn nang sasat. ²⁷ Dan untuk kao nang udah narima urapatn dari Ia tatap diapm ka daapmnyu, uga kao ina paralu di ajari urakng lain. Tetapi karana urapatn-Ne udah ngajaratn kao sagala ahe dan koa batol dan buke alok, dan tolen pangajaratn koa ngajari kao, diapm ka daapm Ia. ²⁸ Dan angkitn anak-anak takasih, diapmlah ka daapm-Me, sahingga pas waktu Ia diri-E diri ada ka baranian uga ina akan supe ka adapatn-Ne waktu Ia atakng. ²⁹ kade kitak nauan Ia koa adalah batol, maka kitak nauan kade sae nang babuat kabanaratn ia di paranakatn daripada Ia.