¹ Lan inyong krungu suara sing merdu sekang njero Bait Suci ngmong meng kepitu malaekat kue: “ lunga lan suntekna kepitu cangkire murka Allah kue maring nduwur alam dunya.” ² Mula lunga malaekat sing kesiji lan deweke nyuntekna cangkire nang nduwur alam dunya; mula dadi muncul bisul (wudun) sing jahat lan sing bahaya nang kabeh wong sing nganggo tenger sekang kewan kue lan sing nyembah meng patunge. ³ Lan malaekat sing keloro nyuntekna cangkire maring nduwur laut; mula banyune dadi getih,kaya getih wong mati lan dadi mati kabeh sing ana nyawane,sing urip nang njero laut. ⁴ malaekat sing ketelu nyuntekna cangkire maring nduwur kali-kali lan titik banyu(mata air),lan sekabeane dadi getih. ⁵ Lan inyong krungu malaekat sing nguasani nang laut kue ngmong: “Adil Koe,Koe sing ana lan sing wis ana,Koe sing suci,sing wis nibakena ukuman kie. ⁶ Merga kae kabeh wis nyunteknka getih wong-wong suci lan para nabi,Koe uga wis ngaweh kae kabeh minum getih; masalah kue patut nggo kae kabeh!’’ ⁷ Lan nyong krungu mezbah kue ngomong: “ Ya Gusti,Allah,Sing Mahakwasa,bener lan adil kabeh pengakiman-Mu.’’ ⁸ Lan malaekat sing kepapat nyuntekna cangkir meng nduwur srengenge,lan meng deweke diwei kwasa nggo nggesengna menungsa sekang geni. ⁹ Lan menungsa digesengna sekang panase geni sing dahsyat,lan kae kabeh nghina jeneng Allah sing nduwe kwasa sekang bencana-bencana kue lan kae kabeh tetep ora tobat nggo mulyakana Kae (Gusti Allah). ¹⁰ Lan malaekat sing kelima nyuntekna cangkire meng nduwur takhta kewan kue lan kerajaane dadi peteng,lan kae kabeh nyokot ilate dewekke merga kelara-an, ¹¹ lan kae kabeh nghina Allah sing nang swarga merga kelara-an lan merga bisule kae kabeh,tapine kae kabeh tetep ora tobat sekang kelakuane-kelakuane dewekke. ¹² Lan malaekat sing keenem nyuntekna cangkire meng nduwur kali sing gede,kali Efrat,terus dadi garing (sat) banyune,ben wis siap dalan nggo raja-raja sing teka sekang sebelah wetan. ¹³ Lan inyong weruh sekang cangkem naga lan sekang cangkem kewan lan sekang cangkem nabi palsu kue metu telu roh najis sing mirip kodok. ¹⁴ Yakue roh-roh setan sing nganakena kelakuan-kelakuan ajaib,lan kae kabeh lunga meng raja-raja nang sekabeane alam dunya,nggo ngumpulna kae kabeh kon perang nang dina gede,yakue dina Allah sing mahakwasa. ¹⁵ “Deleng,Nyong teka kaya maling,ngrasa senenglah kae,sing ngati-ati lan sing nggatekna anggon-anggone,ben deweke aja mlaku ora karo wuda aja ngantek keton aurate(kemaluane).” ¹⁶ Terus deweke ngumpulna kae kabeh nang panggonan,sing kaya nang bahasa Ibrani kesebut Harmagedon. ¹⁷ Lan malaekat sing kepitu nyuntekna cangkire meng awang-awang langit. Lan sekang njero Bait Suci krungu ana swara sing merdu sekang takhta kue,jerene: “Wis kelakon.” ¹⁸ Mula nyorotl kilat lan gemuruh munine gludug, lan dadi lindu sing dahsyat kaya sing urung pernah kedadeyan kawit menungsa ana nang nduwur alam dunya.Saking gedene lindu kue. ¹⁹ Terus keparo kota gede kue dadi telu bagian lan ambruk kota-kota bangsa-bangsa sing ngenal Allah.Mula dadi kemutan Allah karo Babel gede kue nggo ngawehkena cangkir sing penuh karo anggur kekesuhane murka-Ne. ²⁰ Lan kabeh pulau ilang lenyap,lan ora ditemukna maning gunung-gunung. ²¹ Lan udan es gede,seabot 100 ton,tiba sekang langit nibani menungsa,lan menungsa ngelekena Allah merga bencana udan es kue,merga bencana kue gede banget.