¹ Sakwise Yesus mudun seka gunung, wong akeh bareng-bareng melu Deweke. ² Banjur teka wong meriang lapra maring Deweke, banjur sujud nyembah Deweke karo ngomong: “Majikan, yen Majikan gelem, Majikan teles marekna inyong”. ³ Banjur tangane Yesus mulung, ndemek wong iku karo ngomong: “ Inyong gelem, dadia kowe mari. Saknalika wong iku banjur padha mari saka liprane. ⁴ Yesus banjur ngomong karo deweke: “Aja di omong-omongna karo sapa bae babagan iki, nanging tunjukna awak kowe maring imam lan persembahna persembahan sing diperintahna Musa, kanggo bukti kowe kabeh. ⁵ Nalika Yesus mlebu meng Kapernum, ana sijining perwira teka maring Deweke karo njaluk maring Deweke: ⁶ “Majikan, batur inyong nggletha meng umah marga lumpuh karo deweke sangsara banget. ⁷ “Yesus ngomong maring deweke : “ Inyong arep teka marekna. ⁸ nanging perwira iku mangsuli marang Deweke, Majikan inyong ora pantes nampa majikan meng umah inyong, nomong bae mengko kuli inyong iku mesti mari. ⁹ merga inyong iku kuli sak ngisore Inyong ana kuli maning. Yen Inyong ngomong maring kuli iku : Lunga, mesti deweke lunga, lan maring liyane maning: Teka, mesti deweke teka, utawa maring kuli Inyong: Kerjakna iki deweke mesti ngerti ngerjakna. ¹⁰ banjur Yesus krungu krungu bab iku, Deweke gumun bangat lan ngomong maring kabeh wong sing melu Deweke: “ Inyong ngomong maring kowe, sak temene iman sing kaya kiye urung pernah Inyong weruh siji-sijine wong Israel. ¹¹ Inyong ngomong maring kowe: Akeh wong teka saka Wetan lan Kulon lan njagong mangan bareng-bareng karo Abraham, Ishak lan Yakub ning Krajaan Suwerga, ¹² Nanging anak-anak krajaan iku bakal diuncalna meng panggonan sing peteng dedet. Ning kana nampa kasengsaran nganti untune nggeget-nggeget. ¹³ Banjur Yesus ngomong maring Perwira iku: “Mulih kana lan dadia maring kowe kaya sing kowe percaya. Ing wektu iku uga kuli iku dadi mari. ¹⁴ Sak wise tekan meng umah Petrus, Yesus banjur ndeleng biyung mertuane Petrus turon merga meriang rumep. ¹⁵ Banjur Deweke nyekel tangane wong wadon iku, dadi ilang meriang rumepe. Wong wadon iku tangi banjur nglayani Deweke. ¹⁶ Wis arep wengi ana wong akeh sing ketempelan setan digawa maring Yesus, karo setitik omongane Yesus ngurak setan-setan iku lan marekna wong-wong sing mirang iku. ¹⁷ Babakan iku kedadean kanggo netepi firman sing diopmongna karo nabi Yesaya: Deweke sing mikul kelemahane dewe lan nanggung meriange dewe kabeh. ¹⁸ Nalika Yesus ndeleng wong akeh ngiteri Deweke, Deweke ngakon mbalik nyeberang. ¹⁹ banjur teka ahli taured, lan ngomong maring Deweke, guru inyong arep melu Rika, mengendi bae Rika lunga. ²⁰ Yesus ngomong maring deweke, “Srigala duwe leng manuk duwe susuh, nanging Anak Manungsa ora duwe panggonan kanggo ndeleh endase. ²¹ Wong liyane, saka antarane muride, ngomong karo Deweke, Gusti ijina inyong nguburna rama inyong disit. ²² Nanging Yesus ngomong maring deweke, melu Inyong lan mene wong mati nguburna wong-wong mati kae kabeh. ²³ Banjur Yesus munggah meng njeru prahu lan murid-muride uga melu Deweke. ²⁴ Ujuk-ujuk angin lisus ngamuk danau, dadi prahu iku ditabrak ombak, nanging Yesus turu. ²⁵ Dadi murid-muride padha teka nangekna Deweke, ngomonge: Gusti, tolong, inyong kabeh binasa. ²⁶ Deweke ngomong maring kae kabeh, ngapa kowe wedi, kowe sing kurang percaya ? Banjur Yesus tangi ngendekna lisus, lan ombake danau iku dadi anteng banget. ²⁷ wong-wong iku padha gumun ngomonge, “ Wong apa kiye Deweke iki, kok lisus karo danau taat uga maring Deweke? ²⁸ Sak tekane sebrang, yaiku daerahe wong Gadara, teka wong loro saka kuburan sing ketempelan setan nemoni Yesus. Deweke kabeh mbebayani banget, dadi langka wong sing wani lewat dalan iku. ²⁹ Lan kae kabeh padha njerit, jerene: “ Apa urusan Rika maring inyong kabeh, he Anak Allah ? ³⁰ Ora adoh seka kono ana celeng sing akeh cacahe agi golet mangan. ³¹ Banjur setan-setan iku padha njaluk maring Deweke, ngomonge: Yen Rika ngurak inyong, konen inyong ngalih meng celeng-celeng iku”. ³² Yesus ngomong maring kae kabeh: “ Kana kowe kabeh lunga, banjur kae kabeh mlebu meng celeng-celeng iku, banjur celeng-celeng iku saka pinggiran jurang nyemplung meng ndanau lan ngelem banjur mati kabeh. ³³ Banjur tukang jaga celeng padha mlayu, banjur sak tekane meng kutha, diomongna babagan iku apa bae sing kedadean, uga wong-wong sing padha ketempelan setan iku. ³⁴ Banjur wong-wong kutha iku padha metu nemoni Yesus, banjur kae kabeh wis temu karo Deweke, wong-wong iku ndesek supaya ninggalna daerahe wong kae kabeh iku.