¹ Nye, ketike pakea sawah i Yerusslem , dekat Betfage nye Betania, i Bukit Zaitun , Isa mengkeni roa murid-E, ² nye bercerak ken pakea," beluhleh ku desa i arapmu, nye ngemari kam mayo, kam male mendemuen seuki kelede mude si teriket, si gilen penah i'naiki jema. Lepasenleh kelede oya nya mah'leh. ³ Ike ara jema si berunger ken'mu ,'Hanati kam melakunen'e?', cerak'en ,'Tuhen memerlakunen kelede oya nye male segere mengirim'e mien ku kini." ⁴ Lalu, pakea beluh nye mendemuen seuki kelede mude si teriket i pintu, i bagen deret, i denne, lalu pakea melepase'e. ⁵ Sesideh jema si sesuk i one berunger ken pakea, "Hana si kam bueten urum melepasen kelede oya?" ⁶ Pakea menjeweb unang si ngek Isa cerak'en ken pakea, nye jema-jema oya mendatenen pakea beluh. ⁷ Lalu, pakea memah kelede oya ken Isa, menebunen jubah pakea i atas kelede oya , nye Isa kunul i atas'e. ⁸ Nye, delle jema mendenangen jubah pakea i denne, nye si laen'e menyauen ranting-ranting si pakea kerat i bur. ⁹ Jema delle si remalan i arap nye si menunung bertauk, "Hosana ! I'berkatileh We si engeh was gelar Tuhen. ¹⁰ I'berkatileh ke'engehen kerejeen Daud, enek moyang kite! Hosana, i ton si maha'atas!" ¹¹ Kemudien, Isa mayo ke Yerusalem nye beluh ke Bait Allah. Nye, ngemari menengon segele sesuatu i sekeliling'e, We beluh ke Betania berurum keroa belas murid-E entap lo nge kelam. ( Isa Mengutuk Pohon Ara ) ¹² Nye, kelang lo'e, ketike pakea menaringen Betania, Isa merasa lape. ¹³ Ngemari menengon sebuah pohon ara si berulung ari kegaipen, We beluh tuk menengon ike mungkin ara sesuatu si nguk we demunen ari pohon oya. Ketike We sawah i pohon oya, We gere mendepet'en hana hana kecuali ulung-ulung'e sebeb lo oya ume musim uwah ara. ¹⁴ Entap oya, Isa bercerak ken pohon oya , "Enti ara mien jema si penah man uwah ari'mu tuk semokot-mokot'e." Nye, murid-murid-E memenge . ¹⁵ Kemudien, pakea sawah i Yerusalem. Nye, Isa mayo ke bait Allah nye mulei mengusir jema-jema si dang berjuel beli i Bait Allah. We membalik'en meja-meja penuker sen nye bangku-bangku jema si menjuel manuk-manuk merpati , ¹⁶ nye We gere mien mengizinen jema memah barang-barang melewati Bait Allah. ¹⁷ Kemudien, Isa mengejer pakea nye bercerak,"Umek'keh tertulis ,'Umah-Ku male i'sebut umah doa bagi mehne bangsa'? Nye tetape , kam ngek mengubah'e munjadi sarang penusuh." ¹⁸ Nye, imem-imem ulu nye ahli-ahli Tauret memenge'e nye pakea menerah cere nyakhi menunuh-E. Sebeb, pakea terih pede-E entap jema delle oya kagum male pengejeren-E. ¹⁹ Nye, ketike lo mulei kelam, isa nye murid-murid-E menaringen kota oya. ²⁰ Lalu , soboh-soboh ketike pakea lewat, pakea menengon pohon ara si ngek kering se'uyet-uyete. ²¹ petrus teringet nye bercerak ken isa, "Rabi, engon! Pohon ara si Engko kutuk nge munjadi kering"! ²² Nye, Isa menjeweb pakea," Empuileh imen i was Allah. ²³ Aku mencerak'en si sebenar'e ken-mu, sahen peh si bercerak ken bur ini, 'Terangkatleh nye tertekarleh ke was laut, nye gere ara keraguen i was ate'e, tetape perceye behwe hana si we cerak'en male terjadi, nye hel oya male terjadi pede'e. ²⁴ Sebeb oya, Aku bercerak ken'mu, hana peh si kam doa'en nye tiro, perceyeleh behwe kam nge menerime'e, nye hal oya male i'osahen ken'mu. ²⁵ Nye, hanabile kam sesuk nye berdoa, ampunileh ike kam menason sesuatu terhedep sejema, kati Apak'mu si ara i surge peh male mengampuni kesalahen-kesalahen'mu. ²⁶ Namun, ike kam gere mengampuni, Apakmu si ara i surge peh gere male mengampuni kesalehen-kesalaehenmu." ²⁷ Kemudien, pakea engeh mien ke Yerusalem. Sementere Isa remalan i Bait Allah, imem-imem ulu, ahli-ahli Tauret, nye tue-tue Yahudi engeh ken-E. ²⁸ Nye, pakea bercerak ken-E," Urum kuese hana Engko melakunen hel-hel oya, ato sahen si menosahen-Mu kuese tuk melakunen'e?" ²⁹ Isa bercerak ken pakea,"AKu male berunger sara pertanyaen ken-mu. Jewebleh Aku, nye Aku male menosah'mu urum kuese hana Aku membuh hel-hel oya. ³⁰ Hanakeh baptisen Yohanes berasal ari surge ato ari manusie? Jewebleh Aku!" ³¹ Pakea bepakat sara urum si laen nye bercerak , "Ike kite menjeweb, 'Ari surge,'We male bercerak ,'Lalu, hanati kam gere perceye ken'e ?' ³² Nye tetape, ike kite menjeweb,' Ari manusie'?" Para pemimpin oya terih ken jema delle entap pakea mehne menganggap behwe Yohanes sunguh-sunguh sejema nabi. ³³ Entap oya, pakea menjeweb Isa," kami gere betih." Kemudien, Isa bercerak ken pakea , "Unangoya peh Aku, AKu pehe gere male menosahbetihen urum kuese hanakeh Aku melakunen hel-hel oya."