¹ Kemudien, Isa menaringen ton oya nye beluh ku wileyeh Yudea nye ku srap sunge Yordan. Nye, jema delle berkamul mengerumuni We mien . Nye unang kebieseen-E, We mengejer pakea mien. ² Kemudien, jema-jema Farisi mengehi-E, nye tuk mencubei We pakea berunger,"Hanakeh i'benaren sejema aman mencerenen inen'e?" ³ Isa menjeweb pakea, " Hana si Musa perintahen ken'mu?" ⁴ Pakea bercerak, "Musa mengizinen sejama aman membuh suret cere nye mencerenen'e." ⁵ Nye tetape, Isa bercerak ken pakea"Entap kekerasen atemuleh, Musa menulisen perintah ini ken'mu. ⁶ Nye tetape, sejak pudahna pencipteen ,'Allah menciptenen pakea rerawan nye benen. ⁷ Entap oyaleh, sejema rerawan male menaringen ayah nye amak'e. ⁸ Nye keroa'e male munjadi sara dengke .' Urum demikien , pakea ume mien roa, melainen sara dengke. ⁹ Jadi, hana si ngek Allah persaraen, enti ara manusie si memisahen'e." ¹⁰ Kemudien, i was umah, murid-murid-E berunger mien ken-E tentang hel oya. ¹¹ Nye, We bercerak ken pakea,"sahen peh si mencerenen inen'e nye kerje mien ku si laen, berbuet zina terhedep inen'e . ¹² Nye, ike inen mencerenen aman'e, nye kerje mien ku si laen, we berbuet zina." ¹³ Nye, pakea memah kekanak ucak ken Isa kati We menjontok kekanak oya, tetape murid-murid menegur pakea. ¹⁴ Namun, ketike Isa menengon'e, We munjadi bengis nye bercerak ken murid-murid , "Datenleh kekanak ucak oya engeh ken-Ku nye enti halang-halangi pakea entap Kerejeen Allah araleh empu jema-jema unang pakea. ¹⁵ Aku mencerak'en si sebenar'e ken-Mu, sahen peh si gere menyambut Kerejeen Allah unang sejema anak, gere male mayo ku was'e." ¹⁶ Kemudien, Isa menulik kekanak oya, We memberkati pakea nye meletak'en pumu-E ku pakea. ¹⁷ Lalu, ketike Isa dang mempersiepen perjelenen-E, sejema sangka ken-e nye berlutut i arap-E nye berunger," Guru si baik, hana si turah aku buh tuk mendepet warisen murip si kekal?" ¹⁸ Nye, Isa bercerak ken'e,"Hanati kam menungeren Aku baik? Gere ara sejema peh si baik, kecuale Allah keniri. ¹⁹ Kam membetihi perintah-perintah : 'Enti menunuh, enti berzina, enti menusuh, enti menosah kesaksien palsu, enti mendabak, hormati'leh ayah nye amak'mu.' '' ²⁰ Lalu, jema oya bercerak ken-E,"Guru, aku ngek mematuhi mehne oya sejak aku dang mude." ²¹ Namun, Isa memendang ken pemude oya nye membuh kasih ken'e , nye bercerak ken'e,'Sara hel si kurang ari'mu. Beluh nye juel'leh mehne si kam empu, nye osahe ken jema miskin, nye kam male empu harta i surge. Lalu, Kinileh nye tunung Aku." ²² Namun, perceraen oya membuh'e susah ate nye we beluh urum sedih entap we empu delle harta. ²³ Kemudien, Isa memandang ku sekeliling nye bercerak ken murid-murid-E,"Betapa sulit'e bagi pakea si baya tuk mayo Kerejeen Allah!" ²⁴ Murid-murid Gintes pede percerae-E. Namun, Isa bercerak mien ken pakea, "He kekanak , betapa sulit'e tuk mayo Kerejeen Allah! ²⁵ Lebih mudah seuki unte mayo melalui putuk jarum aripede jema baya mayo Kerejeen Allah." ²⁶ Murid-murid semakin gintes nye bercerak sara urum si laen," Lalu , sahen si nguk i'selemeten?" ²⁷ Isa memandang ken pakea nye bercerak,"Bagi manusie hel oya gere mungkin , tetape gere bagi Allah. Sebeb, segele sesuatu mungkin bagi Allah." (Upah Menunung Isa ) ²⁸ Petrus Mulei bercerak ken Isa," Engon kami ngek menaringen segele sesuatu nye menunung Engko!" ²⁹ Isa bercerak,"Aku mencerak'en si sebenar'e ken'mu, gere ara sejema peh si ngek menaringen umah, ato sudere-sudere rerawan, ato sudere-sudere benen, ato amak, ato bur-bur'e entap Aku nye entap Injil, ³⁰ si pede masa ini gere male menerimen seratus kali lipet umah-umah, nye sudere-sudere rerawan, nye sudere-sudere benen, nye amak-amak, nye kekanak, nye bur-bur, urum penganiayaen ; nye pede masa si male engeh , murip si kekal. ³¹ Nye tetape, delle jema si mulo male munjadi si terakhir, nye si terakhir munjadi si mulo."(Isa Bercerak mien tentang Kemate'en-E)(Mat. 20:17-19; Luk. 18:31-34) ³² Pakea dang was perjelenen naik ku Yerusalem nye Isa remalan i arap pakea. Nye, pakea merasa takjub, sementere jema-jema si menunung-E merasa terih. Nye, isa kembali memah serta keroa belas murid-E, We mulei menosahbetihen pakea hana si male terjadi pede-E , ³³ Cerak-E,"engon, kite dang naik ku Yerusalem nye Anak Manusie male i'serahen ken imem-imem ulu nye ahli-ahli Tauret. Pakea male menghukum-E hingge mate nye male menyerahen-E ken jema-jema ume Yahudi. ³⁴ Pakea male mencaci-E, nye menulihi-e, nye menghajar-E , nye menunuh-e . Nye tetape, ngemare tulu lo, We male bangkit." ³⁵ Kemudien , Yakobus nye Yohanes, kekanak Zebedeus, engeh ken Isa nye bercerak, "Guru, kami mera Engko melakunen bagi kami hana peh si kami tiro ," ³⁶ Nye, Isa bercerak ken pakea,"Hana si kam mera'en tuk Aku lakunen bagimu?" ³⁷ Pakea bercerak ken-E,"Izinen sejema ari kami kunul i semelah kuen-Mu, nye si sara'e i semelah Kiri-Mu, was kemulieen-Mu." ³⁸ Nye tetape, isa bercerak ken pakea, "kam gere betih hana si kam tiro. Sanggupkeh kam inum ari cawan si turah Ku'inum ato i'baptis urum baptisen si i'baptisen ken-Ku?" ³⁹ pakea bercerak ken-E," Kami sanggup!" Lalu, Isa bercerak ken pakea,"Cawan si Aku inum memang kam inum , nye kam male i'baptis urum baptisen si i'baptisen ken-Ku. ⁴⁰ Nye tetape, tuk kul i semelah kuen-Ku ato i semelah kiri-Ku, umek hak-Ku tuk menosahen'e, tetape ton oya araleh tuk pakea si ngek i'persiepen ." ⁴¹ Memenge oya, sepuluh murid si laen munjadi bengis ken Yakobus nye Yohanes. ⁴² Lalu, Isa menalu pakea nye bercerak ken pakea, " Kam betih behwe pakea si i' anggap sebage pemerintah jema-jema umek yahudi berbuet seolah-olah berkuese atas pakea. Nye, petinggi-petinggi pakea memake kekueseen'e etes pakea. ⁴³ Namun, gere seturah'e i entere kam. Sebalik'e, sahen peh si mera munjadi kul i entere kam, turah munjadi peleyenmu, ⁴⁴ nye sahen peh si mera munjadi si mulo i entere kam, turah munjadi peleyen ari mehne'e. ⁴⁵ Sebeb, Anak Manusie peh engeh umek tuk i'leyeni, tetape tuk meleyeni, nye tuk menosahen nyewe-E sebage tebusen bagi delle jema." ⁴⁶ Kemudien, pakea sawah i Yerikho . Ketike Isa menaringen Yerikho berurum urum murid-murid-E nye jema delle, sejema pengemis bota bergelar Bartimeus, anak Timeus, dang kunul i tepi denne. ⁴⁷ Ketike we memenge behwe ara Isa ari Nazaret, we peh mulei bertauk nye bercerak," Isa, Anak Daud, kasihileh aku!" ⁴⁸ Nye, delle jema menegur'e nye mengkeni'e sip. Namun, we semakin bertauk ,"Anak Daud, kasihileh aku!" ⁴⁹ Lalu, Isa teduh nye bercerak,"Talu we." Nye, pakea peh menalu jema bota oya nye bercerak ken'e,"Kueten atemu! Sesukleh , We menalu'mu. " ⁵⁰ Dang melepasen jubah'e, jema bota oya sesuk nye engeh ken Isa . ⁵¹ Nye, Isa bercerak ken'e,"Hana si kam meraen tuk Aku buh bagimu?" Jema bota oya menjeweb,"Rabi, datenen aku menengon." ⁵² Lalu, Isa bercerak ken'e," Beluhleh. Imenmu, ngek menjegeren'mu ." Seketike oya peh, we mendepet mien penengonen'e, nye we menunung Isa senaru denne.