¹ Pede lo oya, Kaisar Agustus mengedereten perinteh kati i'adaen sensus bagi mehne penduduk i seluruh dunie. ² Inileh sensus penduduk si mulo i'adaen ketike Kirenius munjadi gubernur i' Sirai. ³ Nye, mehne jema enggeh ku kota asal pakea masing-masing tuk mendefteren diri. ⁴ Yusuf peh menaringgen Nazaret, kota i Galilea, nye menuju Yudea, ku kota Daud si i'sebut Betlehem, entap we beresel ari garis keturunen Daud, ⁵ kati we i'defteren berurum urum Maria, tunangen'e si tegah hamil. ⁶ Tegah Yusuf nye Maria berede i'Betlehem, tibeleh waktu'e bagi Maria tuk melahiren. ⁷ Maria peh melahiren Anak rawan'e si pertama. We membungkus-E urum serbet lampin nye membaringen-E i was palungen entap gere ara kamar bagi pakea tuk menginap. ⁸ I daerah si dis, ara pepien gembele si taring i pedeng tuk munjege kawanan domba pakea pede lo kelam. ⁹ Tibe-tibe malekat Tuhen sesuk i arap pakea nye kemulieen Tuhen bersinar i sekeliling pakea sehigge pakea peh keterihen. ¹⁰ Akan tetape, malekat oya bercerak ken pakea, "Enti terih sebeb penggenleh, Aku menosahen ken'mu keber baik tentang sukecite kul si i'peruntuk'en bagi mehne bengse. ¹¹ Pede lo ini, ngek lahir bagimu sejema Juru Selemet, yaoya Kristus , Tuhen i kota Daud. ¹² Inileh tene bagimu: Kam male mendepet Bayi si i'bungkus urum serbet lampin nye berbaring i was palungen. ¹³ Tibe-tibe, teridahleh berurum-urum malekat oya sekumpulen kul tentere surgewi si memuji Allah nye bercerak, ¹⁴ "Kemulieen bagi Allah i ton si meheatas nye dame sejahtera i bumi, i entere jema-jema si berkenan ken-E.'' ¹⁵ Tegah pere malekat menaringgen pere gembele oya nye enggeh ku surge, pere gembele oya bercerak sara ken si laen,"Tah kite ku Betlehen tuk menenggon hal-hal si ngek terjadi ini, si ngek Tuhen beritahuen ken kite.'' ¹⁶ Lalu, pakea dir-dir beluh nye mendemu'en Maria nye Yusuf, nye Bayi si terbaring i palungen. ¹⁷ Tegah pere gembele menenggon We, pakea menceritenen percerak'en si ngek i'cerak'en ken pakea tentang Anak oya. ¹⁸ Nye, mehne jema si memengge hal oya heran atas hal-hal si 'cerak'en pere gembele ken pakea. ¹⁹ Nye tetape, Maria menyimpen hal oya nye merenungen'e was ate'e. ²⁰ Lalu, pere gembele kembali ken domba-domba pakea nye memulianen nye memuji Allah atas mehne si ngek pakea enggon nye pengge unang si i'cerak'en ken pakea. ²¹ Nye, ngek genap waluh lo tuk menyunet'en Bayi oya, gelar-E i'sebut Isa, unang gelar si i'osahen oleh malekat semelum We i'kandungen i was rahim. ²² Tegah lo-lo penyucien sesue hukum Musa ngek usai, Maria nye Yusuf memah Isa ku Yerusalem tuk menyerahen-E ken Tuhen, ²³ unang si tertulis was hukum Tuhen, "Setiep anak rawan sulung turah i'kudusen bagi Tuhen. ²⁴ nye tuk menosah persembahen sesue urum han si i'cerak'en was hukum Tuhen, yaoya sepasang manuk dara ato roa ekor manuk merpati mude.'' ²⁵ Ara sejama rawan bergelar Simeon si taring i Yerusalem. We araleh jema si benar nye soleh, si menanti-nantinen penghiburen Allah atas Israel, nye Roh Kudus menyertai'e. ²⁶ Roh Kudus memberitahuen'e behwe we gere male mate semelum menenggon Kristus si i'urapi Tuhen. ²⁷ lalu, Simeon enggeh ku Bait Allah atas tuntunen Roh Kudus, Ketike Yusuf nye Maria memah Bayi Isa ku bait Allah tuk melaksanaen ken-E hana si ngek i'tentunen oleh hukum Tauret. ²⁸ Kemudien, Simeon menopah Bayi oya nye memuji Allah, cerak'e, ²⁹ " Siloni, ya Tuhen, kire'e Engko mengizinen peleyen-Mu ini beluh was dame, sesue urum firmen-Mu; ³⁰ sebeb mataku ngek menenggon keselemeten-Mu, ³¹ si ngek Engko sedianen i hedepen mehne bengse; ³² yaoya ceheye si male munerangi bengse-bengse si gere menene Tuhen, nye si munjadi kemulieen bagi umet-Mu Israel.'' ³³ Yusuf nye Amak Anak oya munjadi heran atas hana si i'cerak'en Simeon tentang We. ³⁴ Kemudien, Simeon memberkati pakea nye bercerak ken Maria, Amak Isa,"Penggen, Anak ini ngek i'tetapen tuk mentauhen nye membangkiten delle jema i Israel, nye munjadi tene si i'tentang delle jema ³⁵ (Nye, siwah pedang male menusuk jiwemu) kati isi ate delle jema male i'nyataen. " ³⁶ I one peh ara sejema nabiah bergelar Hana, anak Fanuel ari suku Asyer. We ngek senget tue, We peh murip urum aman'e semokot pitu tahun pernikahen'e, ³⁷ nye kemudien munjadi janda sawah usie 84 tahun. We gere penah menaringgen Bait Allah, tetape beribadah porak lo nye kelam nye berpuese nye berdoa. ³⁸ Pede lo oya, enggehleh Hana nye we mengucep syukur ken Allah nye menceritenen tentang Isa ken mehne jema si munanti,natinen penebus Yerusalem. ³⁹ Ngemari Yusuf nye Maria melakunen segele sesuatu sesue hukum Tuhen, pakea kembali ku Galilea, ku kota asal pakea, yaoya Nazaret. ⁴⁰ Anak oya peh bertumbuh semakin kul , kuet, kip urum hikmet nye Allah memberkati-E. ⁴¹ Setiep tahun, Jema Tue Isa beluh ku Yerusalem pede Lo Reye Paskah. ⁴² Tegah Isa berumur roa belas tahun, pakea beluh ku hu sesue kebieseen lo reye oya. ⁴³ Ngemari pereyeen oya berakhir, pakea ulak. Namun, Isa tetap taring i Yerusalem tanpa sepembetihen jema tue-E. ⁴⁴ Entap jema tue Isa mengire behwe We berede i entere rombongen, pakea peh melanjuten perjelenen sawah serlo engkip. Lalu, pakea mulei menerah-E i entere kaum keluerge nye jema-jema si pakea tene. ⁴⁵ Tegah pakea gere mendemunen Isa, pakea kembali ku Yerusalem tuk menerah-E. ⁴⁶ nye tulu lo, pakea mendemunen Isa i Bait Allah tegah kunul i entere guru-guru egeme, tegah memenggenen nye mengajunen pertanyaan ken pakea. ⁴⁷ Mehne jema si memengge-E terheran-heran atas pengetahuen nye jeweben-jeweben-E. ⁴⁸ Ketike jema tue-E menenggon We, pakea peh heran. lalu, Amak-E bertanya, "Nak, Hanati Engko melakunen ini terhedep kami? Ayah-Mu nye aku cemas menerah-Mu." ⁴⁹ Jeweb Isa ken pakea. "Hanati kam menerah Aku? Gere betihkeh engko behwe Aku pasti berede i umah Apak-Ku?'' ⁵⁰ Akan tetape, pakea gere mengerti hana si i'cerak-E ken pakea. ⁵¹ Lalu, Isa ulak berurum pakea ku Nazaret nye menuruti pakea. Namun, Amak-E menyimpen percerak'en oya was ate'e. ⁵² Isa peh bertumbuh semakin kul nye semakin bijaksana. We peh semakin i'sukei Allah nye manusie.