¹ Ngek ara delle jema berusehe menyusuh sebueh ceteten tentang peristiwe-peristiwe si ngek terjadi i lah-lah kite ² unang hal'e ceteten si ngek i'sawahen ken kite oleh jema-jema si sejak semulo ngek munjadi saksi mata nye penosah Firmen. ³ Entap aku ngek mempelejeri mehne'e urum teliti ari awal, baekleh aku peh menulisen'e secere beruruten bagimu, hai Teofilus si mulie, ⁴ kati engko depet membetihi kebeneren tentang hal-hal si ngek i'ajaren ken mu. ⁵ Pede mese pemerintahen Herodes, reje Yudea, ara sejema imen bergelar Zakharia si beresel ari kelompok imem Abia. Inen'e bersel ari keturunen Harun, nye gelar'e araleh Elisabet. ⁶ Zakharia nye Elisabet araleh jema-jema si benar i mata Allah. Pakea murip gere cacat sesue urum hukum nye perinteh Tuhen. ⁷ Akan tetapi, pakea gere mempu anak entap Elisabet mandul bye keroa'e ngek tue beh. ⁸ Ketike tibe giliren rombongen'e tuk betuges, Zakharia mendepet tuges tuk munjadi imem i hedepen Allah. ⁹ Menurut kebieseen keimemen, Zakharia tepilih berdeseren undien tuk mayo ku Bait Allah nye menelong kemenyan. ¹⁰ Pede seet kemenyan i'persembahen, mehne umet berdoa i deret. ¹¹ Tibe-tibe, malekat Tuhen meneridahen diri kupede Zakharia nye sesuk i semelah kuen altar kemenyan. ¹² Ketike menenggon malekat oya, Zakharia munjadi gemetar nye keterihen. ¹³ Akan tetape, malekat oya bercerak kupede'e, " Enti terih, Zakharia, sebeb doa permohonenmu ngek i'pengge. Inenmu, Elisabet, male melahiren sejema anak rawan bagimu nye kam male mengelari'e Yohanes. ¹⁴ Kam male bersukecite nye bergembire, nye delle jema peh male urum bersukecite atas kelahiren'e. ¹⁵ We male munjadi kul i hedepen Tuhen nye gere male minum anggur ato minum minumen keras lain'e, Behken, sejak ari was kandungen amak'e we male i'engkipi oleh Roh Kudus. ¹⁶ We male membuh delle jema Israel berbalik ken Tuhen, Allah pakea. ¹⁷ We male berjelen mendahului Tuhen urum roh nye kuese Elia, tuk membuh ate apak-apak berbalik ken kekanak pakea.' We peh male membuh jema-jema si gere teet tuk berbalik ken hikmet jema-jema benar. urum demikien we mempersiepen umet si ngek i'sedienen bagi Tuhen.'' ¹⁸ . Zakharia bercerak ken malekat iya,'' Yakhekeh aku male membetih tentang hal ini? Sebeb, aku ini ngek tue nye inenku peh ngek lanjut usie.'' ¹⁹ Malekat oya menjeweb, "Aku araleh Gabriel, malekat si sesuk i hedepen Allah. Aku I'utus tuk bercerak urum'mu nye menyawahen keber baik ini kenmu. ²⁰ Namun, siloni penggeleh! Kam male munjadi bisu nye gere depet bercerak sawah pede lo ketike hal-hal ini terjadi entap kam gere perceye pede percera'en ku, si male i'genapi pede lo'e.'' ²¹ Sementere iyo, umet menampin Zakharia. Pakea bercerak-cerak hanati Zakharia berede mokot beh i was Bait Allah. 2 Ketike kederet, Zakharia gere depet bercerak ken pakea. Pakea peh behti behwe Zakharia ngek mendepet penenggonen i was Bait Allah sebeb we terus-menerus membuh isyarat ken pakea, tetape gere depet bercerak. ²³ Gemari jangka waktu tuges keimenen'e berakhir, ulakleh Zakharia ku umah'e. ²⁴ Gemari peristiwe oya, Elisabet hamil nye menenepen diri semokot lime bulen. We bercerak, ²⁵ "Inileh si ngek Tuhen lakunen ken'ku. We memperhatinenku nye menghapus aibku ari entere jema delle.'' ²⁶ Pede waktu usie kehamilen Elisabet berusie onom bulen, Allah mengutus malekat Gabriel ku sebueh kota i wilayah Galilea, si bergelar Nazaret. ²⁷ We i'utus tuk mendemui sejema perawan si bertunagen urum sejema Yusuf, keturunen Daud. Gelar perawan oya araleh Maria. ²⁸ Lalu, malekat oya enggeh ken Maria nye bercerak, "Salam, hai engko si i'berkati! Tuhen besertamu.'' ²⁹ Memengge percerak'en oya, Maria munjadi heran. We bercerak-cerak was ate'e tentang arti salam oya. ³⁰ Malekat oya bercerak ken'e,''Enti terih, Maria, entap Allah ngek menosahen kasih karunie-E ken'mu. ³¹ Penggenleh, engko male hamil nye melahiren sejema Anak rerawan, nye engko male mengelari'e Isa. ³² We male munjadi kul nye male i'sebut Anak Allah Si Meheatas. Tuhen Allah male menosahe-E takhta Daud, enek moyang-E. ³³ We male memerinteh etes keturunen Yakub tuk semokot-mokot'e nye kerejeen-E gere male penah berakhir.'' ³⁴ Lalu, maria bercerak ken malekat iya, "Nyakhe hal ini male terjadi sedangen aku ngilen beraman?'' ³⁵ Malekat oya menjeweb nye bercerak ken'e, ''Roh Kudus male enggeh etesmu nye kuese Allah Si Meheetes male menaungimu. Oyaleh sebeb'e, Anak si male lahir oya araleh kudus nye male i'sebut Anak Allah. ³⁶ Nye, betihileh behwe Elisabet, sauderemu oya, tegah mengandung juge pede usie tue'e. We si pudahna i'sebut mandul, siloni ngek hamil semokot onom bulen. ³⁷ Sebeb, gere ara hal si mustahil bagi Allah.'' ³⁸ Nye, Maria bercerak, "Sesungguh'e, aku ini hambe Tuhen. Trjadileh pedeku unang si engko cerak'en oya.'' Nye, malekat oya beluh menaringgen'e. ³⁹ Pede lo-lo iya, Maria bersiep-siep tuk tir beluh ku daerah pegunungen, ku suatu kota i Yehuda. ⁴⁰ We mayo ku umah Zakharia nye menosah salam ken Elisabet. ⁴¹ Ketike Elisabet memenggen salam ari Maria, anak i was kandungen'e meluncet nye Elisabet i'engkipi Roh Kudus. ⁴² Kemudien Elisabet bersaksi urum ling kulak,"Iberkatileh engko i entere mehne benen, nye i'berkatileh uwah kandungenmu. ⁴³ Sahenkeh aku ini sehingge amak Tuhenku enggeh ken'ku? ⁴⁴ Sungguh, Ketike ling salammu sawah ku kemiringku, anak was kandungenku melunyet entap sukecite. ⁴⁵ Berbahagieleh we si perceye behwe hana si i'ceraen Tuhen kupede'e male i'engkipi ⁴⁶ Lalu, bercerakleh Maria, "Jiweku memulianen Allah, ⁴⁷ nye Rohku bersukecite i was Allah, Juru Selemetku. ⁴⁸ Sebeb, Allah ngek mempehitungen hembe-E si hine ini. Penggenleh, mulei siloni nye seterus'e, mehne generasi male menyebutku berbahagie. ⁴⁹ Entap We si Mehekuese ngek melakunen hal-hal si kul ken'ku, nye kudusleh gelar'E. ⁵⁰ Rehmet-E i'osahen ari generasi ku generasi, ken jema-jema si terih ken We. ⁵¹ We ngek menuruhen kuese-E urum pume-E. We mencerai-berai'en jema-jema si sombong was pikiren ate'e. ⁵² We menurunen pere penguese ari takhta pakea, nye meningginen jema-jema si renah ate. ⁵³ We ngek menggorongen jema si lape urum kebaiken, tetapi mengusir jema bayak beluh urum pumu kosong. ⁵⁴ Allah ngek menosah pertolongen ken Israel , hembe-E, entap menginget rehmet-E. ⁵⁵ Si'nyakhi si ngek We ceraen ken enek moyang kite, ke Abraham nye keturunen'e tuk semokot-mokot'e" ⁵⁶ Nye, Maria taring berurum Elisabet kire-kire tulu bulen mokot'e, lalu we ulak ku umah'e. (Kelahiren Yohanes Pembaptis) ⁵⁷ Siloni tibeleh waktu'e bage Elisabet tuk melahiren nye we melahiren sejema anak rawan. ⁵⁸ Pere tetangga nye keluerge'e memengge behwe Tuhen ngek meneridahen rehmet-E si kul ken Elisabet, nye pakea turut bersukecite berurum-urum'e ⁵⁹ Pede lo si kewaluhen, pakea enggeh tuk menyunet'en anak oya. pakea hendak meng'gelari anak oya Zakharia, unang gelar Apak'e. ⁶⁰ Akan tetape, Amak'e bercerak , "Gere, we male i'gelari Yohanes," ⁶¹ Jema-jema oya bercerak ken Elisabet, "Gere ara sejema peh i entere sauderemu si i'gelari urum gelar oya. ⁶² Nye, pakea menosah isyeret ken Zakharia tuk menanya'en ken'e, gelar hana si male i'osahen'e ken anak'e oya. ⁶³ Zakharia meniro sebueh pepen tulis, nye menulis unang ini: "Gelar'e Yohanes." Nye, mehne jema munjadi heran. ⁶⁴ Seketike oya peh, awah Zakharia teruke nye ledah'e terbebas. We peh mulei bercerak nye memuji Allah. ⁶⁵ Mehne tetangga pakea munjadi terih nye kejadien ini munjadi bahan percerak'en i mehnw desa perbukiten Yudea. ⁶⁶ Nye, mehne jema si memengge hal ini bertanya-tanya was ate pakea, "Nye munjadi hanakeh anak ini kahe?" Sebeb, pumu Tuhen menyertai'e. ⁶⁷ (Zakharia Memuji Allah) 67 Zakharia, Ayah Yohanes, peh i'engkipi urum Roh Kudus nye bernubuet cerak'e. ⁶⁸ "Terpujileh Tuhen Allah Israel, Sebeb We ngek enggeh nye menebus umet-E. ⁶⁹ We ngek membangkiten tanuk keselemeten tuk kite ari keturunen Daud, hembe-E, ⁷⁰ unang si we firmen'en melalui awah nabi-nabi si kudus sejak pudahna kala ⁷¹ kati kite i'selemeten ari musuh-musuh kite, nye ari pumu mehne jema si membenci kite. ⁷² We melakunen'e tuk menuruhen rehmet ken enek moyang kite, nye entap We inget perjajien-E si kudus, ⁷³ yaoya sumpah si We ucepen ken enek moyang kite, Abraham, ⁷⁴ behwe kita male i'bebasen ari pumu musuh-musuh kite kati kite depet meleyeni-E tanpa rese terih, ⁷⁵ was kekudusen nye kebenaren i hedepen-E, seumur murip kite. ⁷⁶ Nye engko, anakku male i'sebut nabi Allah Si MeheAtas, sebeb engko male berjelen mendahului Tuhen, tuk mempersien denne bagi-E. ⁷⁷ Tuk menosahen pengertien tentang keselemeten ken umet-E malalui pengampunen atas dosa-dosa pakea. ⁷⁸ Entap rehmet nye belas kasih Allah kite, sinar Matalo male menyinari kite ari ton atas. ⁷⁹ tuk menyinari pakea si taring was kegelepen nye si berede was bayeng-beyeng maut, tuk menuntun kiding kite menuju ku denne dame sejahtera ⁸⁰ Nye, anak oya bertumbuh semakin kul, nye semakin kuet i was roh. We taring i pedeng belantara sawah tibe waktu'e tuk meneridahen diri ken bengse Israel.