¹ Pede Tahun Kelime belas masa pemerintahen Kaisar Tiberius, ketike Pontius Pilatus munjadi gubernur Yudea, Herodes munjadi reje Galilea : Filipus saudere Herodes munjadi reje wilayah Iturea nye Trakhonitis; nye Lisanias munjadi reje Abilene, ² Hanas nye Kayafas menjebet sebage imem agung , enggeleh firmen Allah ken Yohanes, anak Zakharia, si taring i pedeng belantara. ³ Nye, beluhleh Yohanes ku seluruh daerah i sekiter Yordan nye memberitanen baptisen pertobaten tuk pengampunen dosa. ⁴ unang si tertulis i was kiteb Nabi Yesaya; "Inileh ling jema si berseru-seru i pedeng belantara, 'Siepenleh denne bagi Tuhen, lurusenleh denne bagi-E. ⁵ Setiep lembah male i'timbun, nye setiep gunung nye bukit male i'ratanen. Denne si berliku-liku male i'lurusen, nye setiep denne si gere rata male i'mulusen. ⁶ Nye, mehne jema male menenggon keselemeten ari Tuhen"' ⁷ Lalu, Yohanes bercerak ken jema delle si enggeh tuk i'baptis oleh'e, "Hai, kam keturunen nepe beludak! Sahen si memperingetenmu tuk melarinen diri ari murka si male enggeh? ⁸ Oleh entap iya, hasil'en uwah-uwah si menuruhen pertobatenmu. Enti bercerak ken dirimu keniri,'Abraham araleh enek moyang kami !' Aku bercerak ken'mu, sesungguhe ari atu-atu ini Allah ngek membangkiten kekanak bagi Abraham! ⁹ Behwe, mulei siloni kapak ngek i'letak'en i akar pohon. Setiep pohon si gere menghasilen uwah si baik male i'tebang nye i'tekkaran ku was rara.'' ¹⁰ Jema-jema bercerak ken Yohanes,"Ike unangoya, hana si turah kam lakunen?" ¹¹ We menjeweb."Setiep jema si mempui roa baju, we turah membagi'e urum jema si gere mempui. Nye, setiep jema si mempui makanan, turah melakunen hal si dis," ¹² Pepien pengumpul pajak peh enggeh tuk i'baptis. Pakea bertanya ken Yohanes, "Guru, hana si turah kami lakunen ?" ¹³ Yohanes memberitahuen pakea, "Enti menarik pajak lebih ari si ngek i'tetapen bagimu." ¹⁴ Pepien tentere bertanya ken'e, "Nyakhi dengan kami? Hana si turah kami lakunen?" Yohanes bercerak ken pakea,'' Enti meniro sen ari sahen peh secere paksa ato dengan tuduhen palsu. Cukupleh dirimu dengan gajimu." ¹⁵ Ketike mehne jema tegah mengherep'en keenggehen Mesias, Pakea mehne bertanya-tanya was ate tentang Yohanes, hanakeh we Kristus ato ume. ¹⁶ Yohanes menjeweb pakea nye bercerak," Aku membaptis kam urum aih. Akan tetape, Sesejema si lebih berkuese aripede aku male enggeh. Tuk menukenen tali selop-E peh aku gere layak. We male membaptis kam urum Roh Kudus nye rara. ¹⁷ Alat penampi ngek ara i pumu-E tuk membersihen lante nye tuk mengkamulen gandum si jeroh ku was lumbung-E. Akan tetape, We male menelong sekam ku was rara si gere male penah padam. '' ¹⁸ Urum delle nasihat si laen, Yohanes mengejeren Injil ken delle jema. (Yohanes Pembaptis i'Penjerenen) ¹⁹ Akan tetapi, entap Yohanes menegur Herodes, reje Wilayah, atas hal si ngek i'lakunen'e urum Herodias, inen saudere Herodes, nye entap mehne hal jehet si ngek i'lakunen'e, ²⁰ nye Herodes menamahen ini atas mehne'e urum menjeblosen Yohanes ku was penjere. ²¹ ketike mehne jema i'baptis, Isa peh i'baptis. Nye, ketika We berdoa, langit teruke. ²² nye Roh Kudus turun ku atas-E was wujud manuk merpati. Lalu, ara ling enggeh ari langit nye bercerak,"Engko araleh Anak-Ku si Kukasihi. Ken-Muleh Aku berkenan." ²³ Ketike Isa memulei peleyenen-E, We berumur kire-kire tulu puluh tahun. Jema-Jema berpendepet behwe Isa araleh anak Yusuf. Yusuf anak Eli ²⁴ Eli anak Matat. Matat anak Lewi. Lewi anak Malkhi. Malkhi anak Yanai. Yanai anak Yusuf. ²⁵ Yusuf anak Matica. Matica anak Amos. Amos anak Nahum. Nahum anak Hesli. Hesli anak Nagai. ²⁶ Nagai anak Maat. Maat anak Matica. Metica anak Simei. Simei anak Yosakh. Yosakh anak Yoda. ²⁷ Yoda araleh anak Yohanan. Yohanan anak Resa. Resa anak Zerubabel. Zerubabel anak Sealtiel. Sealtiel anak Neri. ²⁸ Neri anak Malkhi. Malkhi anak Aldi. Aldi anak Kosam. Kosam anak Elmadam. Elmadam anak Er. ²⁹ Er anak Yesua. Yesua anak Eliezer. Eliezer anak Yorim. Yorim anak Matat. Matat anak Lewi . ³⁰ Lewi araleh anak Simeon. Simeon anak Yehuda. Yehuda anak Yusuf. Yusuf anak Yonam. Yonam anak Elyakim. ³¹ Elyakim anak Melea. Melea anak Mina. Mina anak Matata. Matata anak Natan. Natan anak Daud. ³² Daud anak Isai. Isai anak Obed. Obed anak Boas. Boas anak Salmon. Salmon anak Nahason. ³³ Nahason araleh anak Aminadab. Aminadab anak Admin. Admin anak Arni. Arni anak Hezron. Hezron anak peres. Peras anak Yehuda. ³⁴ Yehuda anak Yakub. Yakub anak Ishak. Ishak anak Abraham. Abraham anak Terah. Terah anak Nahor. ³⁵ Nahor anak Serug. Serug anak Rehu. Rehu anak Pelag. Pelag anak Eber. Eber anak Salmon. ³⁶ Salmon araleh anak Kenan. Kenan anak Arpakhsad. Arpakhsad anak Sem. Sem anak Nuh. Nuh anak Lamekh. ³⁷ Lamekh anak Metusalah. Metusalah anak Henokh. Henokh anak Yerad. Yerad anak Mahalaleel. Mahalaleel anak Kenan. ³⁸ Kenan anak Enos. Enos anak Set. Set anak Adam. Adam araleh anak Allah