¹ Ketike Tuhen membetih ike jema-jema Farisi ngek memenge behwe We menghasilen nye membaptis lebih delle murid aripede Yohanes, ² (meskipeh Isa keniri gere membaptis, melainen murid-murid-E), ³ We menaringen Yudea nye geh mien ku Galilea. ⁴ Namun, We turah melewati wileyeh Samaria. ⁵ Sawahleh Isa i Samaria, i kota si bergelar Sikhar, si terletak i dekat tanoh si pudahna i'osahen Yakub ken anak'e, Yusuf. ⁶ Sumur Yakub ara i one. Nye, Isa si payah entap perjelenen, kunul i tepi sumur oya. Seet oya, kire-kire jem keonom. ⁷ Engehleh sejema benen Samaria tuk meneten aih. Isa bercerak ken'e, "Usaleh Aku minum." ⁸ (Sebeb, murid-murid-E ngek beluh ku kota tuk membeli pan'en). ⁹ Benen Samaria oya bercerak ken Isa, "Yakhi mungkin Engko, jema Yahudi, meniro aih inum ken'ku si araleh benen Samaria?" (Sebeb, jema Yahudi gere bertegur sapa urum jema Samaria). ¹⁰ Isa menjeweb nye bercerak ken'e,"Ike kam betih tentang karunie Allah nye betih sahen si bercerak ken'mu, 'Osahleh Aku minum', kam pasti male meniro ken-E, nye We male menosahmu air murip." ¹¹ Benen oya bercerak ken-E, "Tuan, Engko gere empu timba nye sumur ini relem beh, ari hi Engko male memperoleh aih murip oya? ¹² Hanakeh Engko lebih kul ari pede enek moyang kami, Yakub, si menosahen sumur ini ken kami nye si gek minum keniri ari sumur ini nye mehne anak nye piereen'e?" ¹³ Isa menjeweb nye bercerak ken'e, "Setiep jema si minum ari aih ini male gerahenmien, ¹⁴ tetapi jema si minum ari aih si Kuosahen ken'e gere male penah gerahen mien; melainen aih si Kuosahen ken'e oya male munjadi mata aih i was diri'e si male dor memancar sawah ken murip si kekal." ¹⁵ Benen oya bercerak ken Isa,'Tuan, osaleh aku aih oya kati aku gere male gerahen mien nye aku gere perlu geh mien kini tuk meneten aih." ¹⁶ Isa bercerak ken'e,"Beluhleh, talu aman'mu nye geh mien kini ." ¹⁷ Benen oya menjeweb, "Aku gere empu aman." cerak Isa ken'e, "Kam sunguh seet bercerak, 'Aku gere empu aman.' ¹⁸ Entap kam nge penah empu lime aman, nye rawan si taring berurum'mu siloni umekleh aman'mu. Was hel ini kam bercerak suguh." ¹⁹ Cerak benen oya ken-E, "Tuan, siloni aku betih behwe Engko araleh sejema Nabi. ²⁰ Enek moyang kami menyemah i gunung ini, tetape bengse-Mu mecerak'en behwe Yerualem'leh ton jema turah menyemah." ²¹ Isa bercerak ken'e," Perceyeleh ken-Ku, hai benen! Male tibe seet'e ketikeumek i gunung ini atopeh i Yerusalem jema menyemah Ama. ²² Kam menyemah si gere kam tene, tetape kami menyemah si kami tene entap keselemeten geh ari bengse Yahudi. ²³ Namun, male tibe seet'e, yaoya siloni, penyemah-penyemah sunguh male menyemah Ama was roh nye kebenaren; sebeb Ama menuntut si unang oya tuk menyemah We. ²⁴ Allah araleh Roh nye pakea si menyemah We turah menyemah-E was roh nye kebenaren." ²⁵ Benne oya bercerak ken-E,"Aku betih behwe Media's male enggeh (We si isebut Is a).Tengah We enggeh, We male mencerak'en segele sesuatu ken name." ²⁶ jeweb Isa ken'e, "Akusi tengah bercerak ken'mu araleh We." ²⁷ Set oya, enggehleh murid-murid'E nye pakea her an menenggon Isa tengah bercerak urum sejema been. Namun, gere sejema peh si beruger ken'E," Hana si Engko terah?" ato" Hana Engko bercerak urum we?" ²⁸ Nye, benen oya menaringgen kendi aih'e nye beluh kunkota nye bercerak ken jema-jema i one, ²⁹ "Kini, engonleh ara Sejema si menceraken ken'ku segele sesuatu si ngek kulakunen. Mungkinleh We Mesias oya? " ³⁰ Pakea peh beluh ku deret kota nye mendemui Isa. ³¹ Nye oya, murid-murid-E medesak Isa urum bercerak "Rabi, Panleh." ³² Nye, Isa bercerak ken pakea , " Aku peh man si gere kam tene." ³³ Lalu, murid-murid beruger sara ken si laen, "Hanakeh gere ara jema si memah sesuaru ken'E tuk i'pan?" ³⁴ Isa bercerak, "Pakan-Ku araleh melakunen kehendak We si mengutus Aku nye menyelesainen buet-E. ³⁵ Umekeh kam bercerak,'Opat bulen mien musim panen geh'? Engonleh, Aku bercerak ken'mu, ukeleh matamu nye engonleh perlah-perlak nge useng tuk i'panen. ³⁶ Siloni peh, we si panen nge menerime upah'e nye mengumpulen uwah tuk murip kekal sehingge panen nye penekar depet bersukecite berurum-urum. ³⁷ Was hel ini perceraen ini benar,' Si sejema penabur nye si laen panen.' ³⁸ Aku mengutus kam tuk panen sesuatu si gere kam bueten; jema laen nge membueten'e nye kam nge mayo ku was buet pakea.'' ³⁹ Delle jema Samaria ari kota oya munjadi perceye ken Isa entap perceraan benen oya, si menosahen kesaksien,"We memberitahuen aku mehne hel si nge kulakuen." ⁴⁰ Jadi, ketike jema-jema Samaria oya sawah ken ISa , pakea meniro-E tuk taring urum pakea nye Isa taring i one sawah roa lo. ⁴¹ Nye, ara lebih delle jema mien si perceye ken perceraan Isa keniri. ⁴² Pakea bercerak ken benen oya,"Ume mien entap perceraenmu kami munjadi perceye, melainen entap kami keniri nge memenge, nye kami betih We ini benar-benar Juru Selemet dunie.'' ⁴³ Ngemari 2 lo, isa menaringen ton oya nye menuju Galilea. ⁴⁴ (Semelum'e, Isa keniri nge menosahen kesaksien behwe sejema nabi gere i'hormati i negeri'e keniri) ⁴⁵ Tengah Isa tibe i Galilea, jema-jema Galilea menyambut-E entap pakea nge menengon segele sesuatu si i'bueten Isa was perayaen Paskah i Yerusalem entap pakea peh beluh ku perayaen oya. ⁴⁶ Entap oya, Isa engeh mien ku Kana, Galilea, ton We penah membuh aih munjadi air anggur. I Kapernaum ara sejema pegawai istana si anak rerawan'e tengah sakit. ⁴⁷ Tengah pegawai istana oya memenge behwe Isa nge engeh ari Yudea ku galilea, we beluh mendemui nye memohon ken Isa kati engeh nye menjegeren anak'e entap anak'e nge hampir mate. ⁴⁸ Lalu, Isa bercerak ken'e, "Ike kam gere menengon tene-tene nye hel-hel ajaib, kam gere mera perceye." ⁴⁹ Pegawai istana oya bercerak,"Tuen, engeh'leh semelum anak'ku mate." ⁵⁰ Isa bercerak ken'e, "Ulakleh, anak'mu murip!" Jema oya perceye pede perceraen si i'ceraen Isa ken'e nye beluhleh jema oya. ⁵¹ Seet pegawai istana oya ilen was perjelenen, budak-budak'e berdemu urum'e nye menosah betihen behwe anak rerawan'e murip. ⁵² Pegawai istana oya bertanya ken pakea tentang jem hide kondisi anak'e mulei membaik. Nye , pakea menjeweb , " Mane kire-kire jem pitu porek'e mosop." ⁵³ Ayah anak oya betih, pede lo oyaleh Isa bercerak ken'e, " Anakmu murip." Jadi, Pegawai istene oya nye seluruh keluarga'e munjadi perceye ken isa. ⁵⁴ Oyaleh tene ajaib keroa si i'lakunen Isa setelah ulak ari Yudea ku Galilea.