¹ Ara sejema Farisi bergelar Nikodemus . We araleh sejema pemimpin bengse Yahudi. ² Suatu kelam, we geh ken Isa nye bercerak , "Rabi, kami betih behwe Engko araleh Guru si geh ari Allah entap gere ara sejema peh si depet melakunen tene-tene ejeib si Engko lakunen, kecuali Allah ara berurum'e." ³ Jeweb Isa ken'e , "Sebenar-benar'e Aku bercerak ken mu , ike sejema gere i lahiren mien, we gere depet menegon Kerejeen Allah." ⁴ Nikodemus berunger, "Yakhi mungkin sejema depet i lahiren mien ike we ngek tue? Depetkeh we mayo mien ku was rahim ine'e nye i lahiren mien?" ⁵ Jeweb Isa ken'e, "Sesungguhe, Aku bercerak ken'mu, ike sejema gere i lahiren ari aih nye Roh, we gere depet mayo ku was Kerejeen Allah. ⁶ Hana si i lahiren ari dengke araleh dengke, nye hana si i lahiren ari Roh araleh roh. ⁷ Entileh heran entap Aku bercerak ken'mu, 'Kam turah i lahiren mien.' ⁸ Kuyu beryup ku hi peh we mera nye kam memenge ling'e, tetape kam gere betih ari hi esel'e nye ku hi we male beluh. yakoya peh urum setiep jema si i lahiren ari Roh." ⁹ Nikodemus beruger, "Yakhi mungkin mehne hel oya terjadi?" ¹⁰ Isa menjeweb, "Umekeh kam guru jema Israel, tetape kam gere mengerti mehne hel ini? ¹¹ Sebenar-benar'e, Aku menceraken ken'mu behwe kami bercerak tentang hana si kami betihi nye menosah kesaksien tentang hana si kami engon, tetape kam gere menerime kesaksien kami. ¹² Ike Aku menungeren'mu tentang hel-hel duniewe seje kam gere perceye , yakhi mungkin kam male perceye ike Aku menungeren'mu tentang hel-hel surgewi? ¹³ Gere sejema peh penah naik ku surge , kecuale We si ngek turun ari surge, yaoya Anak Manusie . ¹⁴ Dis unang Musa menaiken nipe tembaga i pedeng belentere , demikien juge Anak Manusie turah i' atasen , ¹⁵ kati setiep jema si perceye ken-E mendepeten murip si kekal. ¹⁶ Entap Allah mengasihi beh dunie ini, We menosahen Anak-E si tunggal kati setiep jema si perceye ken-E gere benasa, melainen mendepet murip si kekal. ¹⁷ Entap Allah mengutus Anak-E ke was dunie ume tuk menghakimi dunie, melainen kati dunie i'selemeten melalui Anak-E. ¹⁸ Jema si perceye ken-e gere male i hukum, tetape jema si gere perceye ngek berede i tuyuh hukumen entap we gere perceye pede gelar Anak Tunggal Allah. ¹⁹ Inileh hukumen oya: Terang ngek geh ku was dunie, tetape manusie lebih denem kegelapen ari pede terang entap hana si pakea lakunen araleh jehet. ²⁰ Entap setiep jema si membuh jehet membenci Terang nye gere geh juge ken Terang oya kati perbueten-perbueten'e gere i'ungkit-ungkit. ²¹ Tetape, jema si melakunen kebenaren geh ken Terang oya kati i'nyatanen perbueten-perbueten'e oya i'lakunen'e i was Allah." ²² Ngemari oya, Isa nye pere murid-E beluh ku tanoh Yudea. I one, We mengmehen lo berurun pakea nye membaptis. ²³ Yohanes peh membaptis i Ainon dekat Salim entap ara delle aih i one. jema-jema bergehen nye i'baptis. ²⁴ lo oya, Yohanes gilen i'mayonen ku was penjere. ²⁵ Nye, Timbuleh perdebaten entere pepien murid Yohanes nye jemas Yahudi mengenai penyucien. ²⁶ Pakea mendemui Yohanes nye bercerak," Guru, Jema si berurum'mu i serap Yordan , si tentang We engko ngek bersaksi, egonleh, We peh membaptis nye mehne jema geh ken-E.'' ²⁷ Yohanes menjeweb , "Manusie gere depet menerime hana peh, kecuale hel oya i'osahen ken'e ari surge. ²⁸ Kam keniri depet menosah kesaksien behwe aku penah bercerak,'Aku ume Mesias,'tetape aku i'utus tuk mendahului-E. ²⁹ Jema si mempu inen mayak araleh aman mayak, tetape sehebet aman mayak , si sesuk nye memege'e, bersukecite beh memege ling aman mayak. Jadi , sukecite ku ini ngek i'jadinen kip. ³⁰ We turah semakin kul nye aku turah semakin ucak." ³¹ "We si geh ari atas araleh i atas mehne'e, We si beresel ari bumi araleh ari bumi nye bercerak tentang hel-hel si ara i bumi. We si geh ari surge araleh i etes segele sesuatu. ³² We menosah kesaksien tentang hana si i'engon nye i'penge-E, tetape jema-jema gere menerime kesaksien-E. ³³ Jema si menerime kesaksien-e mengakui urum sugguh behwe Allah oya benar. ³⁴ Sebeb, jema si i'utus Allah male menyampenen perceraen Allah entap Allah menosahen Roh si gere terbatas. ³⁵ Ama mengasihi Anak nye ngek menyerahen segele sesuatu ku was pumu-E. ³⁶ Jema si perceye ken Anak mempu murip si kekal, tetape jema si gere meneeti Anak gere male menegon kemuripen, melainen begis Allah tetap ara pede'e."