¹ Pede lo si ketulu, ara pesta kerje i Kana , Galilea , nye ine Isa ara i'one. ² Isa nye murid-murid-E peh i'undang ke pesta kerje oya . ³ Ketike aih anggur meh, ine Isa bercerak ken-E, " Pakea kemehen aih anggur." ⁴ Isa menjeweb 'Benen , hana hubungen'e urum-Ku? Lo-Ku gilen Tibe." ⁵ Ine Isa bercerak ken pere peleyen, "Hana peh si We cerak'en ken'mu, Lakunen oya." ⁶ I One , ara onom gentong ari atu, si guk i'pake jema Yahudi pede upecere penyucien . Masing-masing gentong oya nguk kire-kire roa ato tulu buyung. ⁷ Isa bercerak ken pere peleyen ,"Isileh gentong-gentong oya urum aih." Nye, pakea mengisi gentong-gentong oya urum aih sawah kip. ⁸ Nye , Isa bercerak ken pakea , "Siloni, etenleh tik nye mahleh ken pemimpin pesta."Nye, pakea memah'e ken pemimpin pesta. ⁹ Ketike pemimpin pesta mencicipi aih si ngek i'jadinen anggur oya , nye we gere membetihi ari hi oya beresel (tetape pere peleyen si meneten aih oya betih), nye pemimpin pesta oya menalu aman mayak, ¹⁰ nye bercerak ken'e, "Setiep jema menghindangen aih anggur si jeroh terlebih mulo nye ketike mehne jema pues munim, nye baruleh i'edangi anggur si kurang jeroh. Namun, engko menason anggur si jeroh sawah siloni." ¹¹ Tene ejeib pertama ini Isa buh i Kana, Galilea , nye menyatanen kemulieen-E, nye murid-murid-E perceye ken-E. ¹² Ngemari oya, Isa turun ke Kapernaum berurum ine, sudere-sudere, nye murid-murid-E. Pakea taring i one semokot pepien lo. ¹³ Lo Reye Paskah jema Yahudi ngek dekat, nye Isa peh naik ku Yerusalem. ¹⁴ I Bait Allah, We menegon jema-jema menjuel lemu, domba, nye merpati, nye pere penuker sen kunul i one. ¹⁵ Isa membuh cambuk ari tali nye mengusir pakea mehne kederet ari Bait Allah, termasuk mehne domba nye lemu pakea. We peh menekar sen-sen koin ari pere penuker sen nye membalik'en meja-meja pakea. ¹⁶ Ken pere pedagang merpati, Isa bercerak," Mah kederet mehne ini ari hen ! Enti menjadinen umah Ama-Ku ton tuk berjuel beli!" ¹⁷ Murid-murid-E teringet behwe ara tertulis: "Cinte male umah-Mu menghangusen Aku." ¹⁸ Nye , jema-jema Yahudi menjeweb nye bercerak ken-E , ''Tene ejeib hana si Engko turuhen ken kami sehingge Engko berhak melakunen hel-hel ini?" ¹⁹ Isa menjeweb pakea, " Hancuren Bait Allah ini nye was tulu Lo Aku male membangun'e mien." ²⁰ Pakea menjeweb, "Perlu 46 tahun tuk membangun Bait Allah ini, nye Engko male membangun'e was tulu lo?" ²¹ Namun, si Isa maksud'en Bait Allah araleh tubuh-E keniri. ²² Entap oya, ketike Isa i'bangkiten ari entere jema mate, murid-murid-E teringet perceraen ini: nye pakea perceye pede Kiteb Suci nye perceraen si Isa ucepen. ²³ Ketike Isa berede i Yerusalem semokot Pereyeen Paskah, delle jema perceye was gelar-E entap menegon tene-tene ejeib si i'lakunen-E. ²⁴ Nye tetape, Isa keniri gere memerceyenen diri-E ken pakea entap We menene mehne jema, ²⁵ nye gere membutuhen sahen peh tuk menosah kesaksien tentang manusie sebeb We betih hana si ara was ate manusie.