¹ Nye, Saulus , dang dor membuh ancaman nye penunuh terhedep murid-murid Tuhen, beluh menghedep Imem Kul, ² nye meniro suret arie , si ituruhen ken sinagoge-sinagoge i Damsyik nye ike we mendemunen sahen peh si perceye ken Dene oya, baik rawan merapeh benen, we depet memah pakea tuk dibelenggu i Yerusalem. ³ Semokot we dang remalan, we semakin dekat urum Damsyik, nye tibe-tibe ara ceheye ari langit memancar mengelilingi'e. ⁴ Nye, we tauh ku tanoh nye memengge ling si bercerak ken'e, "Saulus, Saulus, hanati kam menyikse Aku?" ⁵ Saulus berunger, "Sahenkeh Engko, Tuan?" Nye , We bercerak," Akuleh Yesus , si kam sikse. ⁶ Nye tetapi, uwet nye mayoleh ku kota, nye kam male iosahen hana si turah kam buh." ⁷ Jema-jema si beuh berurum Saulus sesuk nye bercerak-cerak ngemari memengge ling oya, tetape gere menenggon sahen peh. ⁸ Saulus sesuk i tanoh nye meskipeh matae teruke, we gere menenggon hana-hana. Nye, jema-jema oya menuntuntune urum pumu nye memahe mayo ku Damsyik. ⁹ Nye, semokot tulu lo, Saulus gere depet menenggon nye peh gere man nye inum. ¹⁰ Pede lo oya, ara sejema murid i Damsyik, bergelar Ananias. Tuhen bercerak kene was sebueh penenggonen," Ananias!" Nye, Ananias bercerak," Ini aku, Tuhen." ¹¹ Nye, Tuhen bercerak kene," Uwet nye beluhleh ku dene si isebut Dene Lurus, nye i umah Yudas, terahleh jema Tarsus si bergelar Saulus entap, enggonleh, jema oya dang berdoa, ¹² nye we ngek mendepet sebueh penenggonen behwe sejam bergelar Ananias engeh nye menumpangen pumu ku atase kati we nguk menenggon mien." ¹³ Nye, Ananias menjeweb," Tuhen , aku ngek memengge ari delle jema tentang jema ini, delle kejeheten si ngek we buh terhedep umet kudus-Mu i Yerusalem, ¹⁴ nye i one we empu kuese ari imemm-imem kepala tuk membelenggu mehne jema si menalu gelar-Mu." ¹⁵ Nye tetape, Tuhen bercerak kene , Beluhleh entap jema ini araleh alat si Kupilih tuk memah gelar-Ku ku hedepen bengse-bengse laen, nye reje - reje , nye bengse Israel. ¹⁶ Sebeb, Aku male menuruhen kene betapa delle'e we turah menderite demi gelar-Ku." ¹⁷ Nye, Ananias berangkat nye mayo ku umah oya, nye ngemari membuh pumue ku atas Saulus, we bercerak,"Sudere Saulus, Tuhen Yesus, si meneridahen diri kenmu was denemu kinin, ngek mengutusku kati kam depet menenggon mien nye ikipi urum Roh Kudus." ¹⁸ Nye, seketike oya peh , sesuatu unang sisik-sisik iken tauh ari matae nye we depet menenggon mien. Nye we uwet nye ibaptis. (Saulus Mule Menunggeren tentang Yesus) ¹⁹ Nye , ngemari man, Saulus ikueten. We berurum murid-murid i Damsyik semokot sesideh lo. ²⁰ Nye, segere we menunggeren Yesus i sinagoge-sinagoge urum bercerak , "Yesus araleh Anak Allah." ²¹ Mehne jema si memenggene takjub nye bercerak,"Umekkeh we ini si ara i Yerusalem menunuh pakea si menyebut gelar oya nye si ngek engeh ku hin urum maksud memah pakea was keedeen terbelenggu ku hedepen imem-imem kepala?" ²² Nye tetape, Saulus munjadi semakin kuet nye membingungen jema-jema Yahudi si taring i Damsyik urum membuktinen behwe Yesus araleh Kristus. ²³ Ngemari genap sesideh lo, jema-jema Yahudi bersekongkol berurum tuk menunuh Saulus, ²⁴ tetapepesekongkolen pakea oya ngek ibetih oleh Saulus. Pakea mengewesi pintu-pintu gerbang peraklo nye kelam kati pakea depet menunuhe. ²⁵ Nye tetape, murid-murid Saulus memahe pede lo kelam nye menurunene melalui sebueh tembok urum mengulurene ku tuyuh i was sebueh keranyang. ²⁶ Dang Saulus tibe i Yerusalem, we mencube tuk bergabung urum pere murid. Nye tetape, pakea mehne terih kene entap gere perceye behwe we araleh murid . ²⁷ Namun, Barnabas menggandeng Saulus nye memahe ken pere rasul, nye menceriten ken pakea nyakhi we ngek menenggon Tuhen i was perjelenen, nye behwe Tuhen ngek bercerak kene, nye nyakhi we urum berani ngek bercerak was gelar Yesus i Damsyik. ²⁸ Nye, Saulus berurum-urum pakea dang pakea mayo nye kederet ari Yerusalem sambil bercerak urum berani was gelar Tuhen. ²⁹ We bercerak nye berdebat urum jema Helenis, tetape pakea berusehe menunuhe. ³⁰ Dang sudere-sudere seimen membetihi hel ini, pakea memahe turun ku Kaisarea nye mengutuse ku Tarsus. ³¹ Entap oya, jemeet i mehne Yudea, nye Galilea , nye Samaria mendepet dame nye betumuh. Nye , murip was terih terhedep Tuhen nye was penghiburen Roh Kudus, pakea dor bertamah delle. (Petrus i Kota Lida nye Kota Yope) ³² pede suatu lo, seet Petrus mengelilingi mehne wileyeh oya, we peh mendemui jema-jema kudus si taring i Lida. ³³ I one, we mendepeti sejema si bergelar Eneas, si ngek terbaring i ton nome'e semokot waluh tahun entap we lumpuh. ³⁴ Nye, Petrus bercerak kene,"Eneas, Kristus Yesus menjegerenmu. Uwetleh nye rapen ton nomemu!" Nye sekijep oya peh, Eneas uwet. ³⁵ Nye, mehne jema si taring i Lida nye Saron menenggone nye pakea berbalik ken Tuhen. ³⁶ Suatu seet, i Yope ara sejema murid bene bergelar Tabita, si ike iterjemahen berarti Dorkas. We kip urum buet baik nye tindaken sedekah. ³⁷ Pede lo-lo oya terjadileh , we sakit nye mate, Nye dang jema-jema ngek menirinen'e, pakea membaringene i ruang atas. ³⁸ Entap Lida berede i dekat Yope, pere murid, ngemari memengge behwe Petrus berede i one, mengutus roa jema ken Petrus nye memohon ken'e, "Enti menunda beluh ku ton kami!" ³⁹ Nye, Petrus bangkit nye beluh berurum pakea. Nye, we sawah, pakea memah Petrus ku ruang atas. Mehne janda sesuk mongot , nye menuruhen tunik-tunik nye peken-paken laene si biese'e ibuh oleh Dorkas serlo we dang berurum urum pakea. ⁴⁰ Namun, Petrus mengkeni pakea mehne kederet, nye berlutut nye berdoa . Nye, we berpaling ken meyet Tabita nye we bercerak, "Tabita, uwetleh!" Nye, benen oya menuke matae nye dang we menenggon Petrus, we kunul. ⁴¹ Nye, Petrus menguluren pumu kene nye membantue sesuk. Nye, sambil menalu jema-jema kudus nye pere janda, we menuruhen behwe Tabita murip. ⁴² Nye, kejadenen oya tersebar i mehne Yope, nye delle jema perceye ken Tuhen. ⁴³ Nye, Petrus taring mokot i Yope berurum sejema bergelar Simon, sejam penyamak kulit,.