¹ Nye, Saulus peh menyetujui penunuhen Stefanus oya . (Saulus Membenasaen Jemeet i Yerusalem) Pede lo oya, sara penganiayaen si kul terjadi terhedep jemeet i Yerusalem, nye pakea mehne terpencar ke wileyeh-wileyeh Yudea nye Samaria, kecuale pere rasel. ² Sesideh jema saleh menguburen Stefanus nye menggehen pongot si kul beh terhedepe. ³ Nye tetape, Saulus berusehe membenasaen jemeet urum mayo ke umah demi umah . We menyeret kiding-kiding nye benen, lalu menyerahen pakea ke penjere. ⁴ Lalu pakea si ngek terpencar oya berkeliling nye menungeren Injil. ⁵ Filipus turun ke sara kota i Samaria nye menungeren tentang Kristus. ⁶ Nye , jema delle urum seate memengge hana si Filipus ceraken dang pakea memengge nya menenggon tene-tene ejeib si we buh. ⁷ Sebeb, roh-roh jehet kederet ari jema-jema si irasukie , nye bertauk urum ling keras, nye delle jema lumpuh nye pincang si ijegeren. ⁸ Entap oya , ara behegie kul i kota oya. ⁹ Namun, ara sejema rawan bergelar Simon si segilene ngek memperaktek'en sihir i kota nye membuh kagum mehne jema Samaria, urum menyebut behwe dirie jema kul. ¹⁰ Mehne jema, mulei ari jema paling ucak sawah jema paling kul, bercerak,"Jema ini araleh kuese Allah si isebut 'Kul'." ¹¹ Nye, pakea menosah perhaten ken'e entap ngek sekien mokot we ngek membuh pakea takjub urum ilmu sihir'e. ¹² Nye, ngemari jema-jema oya memperceyei Filipus si meneunggeren Injil tentang Kerejeen Allah nye gelar Kristus Yesus , pakea ibaptis, baik rerawan nye benen. ¹³ Nye , Simon keniri perceye nye ngemari we ibaptis, we dor ara i dekat Filipus, nye dang menenggon berbage mukjizat nye tene-tene ejeib si terjadi, we munjadi takjub. ¹⁴ Pede lo oya, dang rasul-rasul i Yerusalem memengge behwe jema-jema Samaria ngek menerime firmen Allah, pakea mengutus Petrus nye Yohanes ken jema-jema i one , ¹⁵ si enggeh nye berdoa bagi pakea kati pakea menerime Roh Kudus. ¹⁶ Sebeb, Roh Kudus gilen turun atas sejema peh ari pakea, pakea renye ngek ibaptis i was gelar Tuhen Yesus. ¹⁷ Nye, Petrus nye Yohanes menumpangen pumue atas pakea nye pakea menerime Roh Kudus. ¹⁸ Dang Simon menenggon behwe Roh Kudus iosahen melalui penumpangen pumu rasul-rasul, Simon menawaren sen ken rasul-rasul oya, ¹⁹ urum bercerak ,"Osahen peh kenkukuese ini kati setiep jema si kene aku menumpangen pumu male menerime Roh Kudus." ²⁰ Nye tetape, Petrus bercerak ken Simon, "Semoga senmu oya benasa berurummu entap kam berpikir kam depet membuh karunie Allah urum sen! ²¹ KAm gere empu bagen ato hak was hel ini entap atemu gere lurus i arap Allah. ²² Jadi, bertobatleh ari kejehetenmu ini nye berdoaleh ken Tuhen kati, ike mungkin, niat atemu depet iampunen kenmu. ²³ Sebeb, aku menenggon behwe kam ara i was empedu si paet nye was jerat kejeheten." ²⁴ Namun, Simon menjeweb nye bercerak ,"Berdoaleh tuk aku ken Tuhen kati hana si ngek engko ceraken gere menimpa aku." ²⁵ Nye, ngemari Petrus nye Yohanes bersaksi urum sunguh-sunguh nye menceraken firmen Tuhen, pakea enggeh mien ke Yerusalem nye menunggeren Injil ku delle desa jema Samaria. ²⁶ Nye , malekat Tuhen bercerak ken Filipus , cerake, "Uwetleh nye beluhleh ku Selatan, ku dene si turun ari Yerusalem menuju Gaza. Dene oya araleh dene si sengap." ²⁷ Filipus peh uwet nye beluh. Nye, teridah sejema Etiopia , si araleh sida-sida ari jema pejebet pengadilen Sri Kandake, ratu Kerejeen Etiopia. We bertanggung jeweb etes mehne harta sang ratu. We ngek enggeh ku Yerusalem tuk beribadah, ²⁸ nye dang ulak, dang kunul i was kerete'e nye membaca kiteb Nabi Yesaya. ²⁹ Nye, Roh bercerak ken Filipus,"Beluh nye bergabungleh urum kerete oya." ³⁰ Nye, Filipus sangka ku kerete oya nye memengge jema oya dang membaca kiteb Nabi yesaya. Filipus berunger kene,"Hanakeh tuan mengerti hana si dang tuan baca?" ³¹ Nye, jema oya menjeweb,"Nyakhi aku nguk, kecuali sesejema membimbingku?" Nye, we mengundang Filipus tuk naik nye kunul berurume. ³² Pede lo oya, bagen ari Kiteb Suci si dang we baca araleh ini, "We imah unang domba ku ton kerat, nye unang anak domba sigilen igunting bulue membisu sehingge We gere menuke awah-E. ³³ Was kehinaen-E ketidakadilen irampas ari-E. Sahen si depet menceriten keturunen-E? Sebeb , murip-E ngek irampas ari bumi." ³⁴ Nye , sida-sida oya menjeweb nye bercerak ken Filipus ," Aku mohon kenmu, tentang sahen sang nabi menceraken ini, tentang dirie kiniri ato tentang jema laen?" ³⁵ Nye, Filipus menuke awahe, nye ,mulei ari Kiteb Suci ini, we berkhotbah tentang Yesus kene. ³⁶ Nye , seet pakea beluh menempuh dene, pakea sawah i ton si beraih, nye sida-sida oya bercerak," Engonleh , ara aih! HAna si menghalangiku tuk ibaptis ?" ³⁷ [Nye, Filipus bercerak,"Ike tuan perceye urum kip ate tuan, tuan nguk." Nye, we menjeweb nye bercerak ,"Aku perceye behwe Kristus Yesus araleh Anak Allah] ³⁸ Nye, sida-sida oya memerintahen kerete tuk setop. Nye , pakea roane turun kua aih, Filipus nye sida-sida oya, nye Filipus membaptise. ³⁹ Ngemari pakea roane kederet ari aih, Roh Tuhen memah Filipus beluh, nye sida-sida oya gere menenggone mien , nye melanjten dene'e nye bersukacite. ⁴⁰ Namun, Filipus mendepeti dirieberede i Asdod, nye dang we melewati kawasen oya, we menunggeren Injil ku mehne kota sawah we tibe i Kaisarea.