¹ Hei kau, orak-orak Galatia nang bodoh! Sapeh nang udah suka kau? ukatkah ka dapan mata kau Yesus Kristus li nele li'salibkan ka dapan orak banyak? ² Ote hal nang mao aku tanya ka kau, apehkah kau narima Roh kaena nurut UKum Taurat, atokah kaena nangar ngan iman? ³ banar bodoh ya kah kau na? kau udah mulai ngan Roh, apehkah kau ntu mao ngaher ya ngan daging? ⁴ Sia-sia kau nderita nang banyak banar na kalo mamang na sia-sia? ⁵ Jadi, apehkah Ia ngaruniakan Roh ka kau wan ngawe mujizat ka ntara kau kaena kau menjalan Ukum Taurat, ato kaena kau nangar ngan iman? ⁶ Sama bage Abraham nang pecaya ka Allah sampai hal na lipehitongkan ka ia sebage mane banar ya. ⁷ Kaena na, arus tau kalo orak-orak nang bariman lah nang li sabut anak-anak Abraham. ⁸ Kitab Suci, nang udah nao sabalum ya kalo Allah nak mbanarkan orak-orak ukat Yahudi kaena iman, udah labih dulu mberitakan Injil ka Abraham ngan bakata,"Samua bangsa nak li berkati lewat kau." ⁹ Jadi, mpuya nang bariman nak liberkati basama-sama Abraham, orak nang pecaya na. ¹⁰ Samua orak nang bagantong ka pegawe Ukum Taurat barada ka babah kutuk, sabab ada tetulis: "Tekutuklah satiap orak nang angin tunduk ka sagala suatu nang tetulis dalap kitab Ukum Taurat wan muatkan ya." ¹¹ Jadi, jelaslah ntu kalo angin ada seorak pun nang li banrkan ka dapan Allah oleh Ukum Taurat, sabab "Orak banar nak idup oleh iman". ¹² Tapi, Ukum Taurat angin lidasarkan ka iman. Sebalek ya, "orak nang melakukan Ukum Taurat na idup kaena ya". ¹³ Kristus nabus orak kitu dari kutuk Ukum Taurat ngan njadi kutuk ntuk orak kitu, sabab ada tetulis, "Tekutuklah orak nang ligantong ka kayu salib!" ¹⁴ Ngan ada dalap Yesus Kristus, barkat Abraham bisa samapi ka orak-orak ukat Yahudi sampai ngan iman orak kitu bisa narima Roh nang udah lijanjikan na. ¹⁵ Sabanyadi-sabanyadi, aku nak mere contoh dari idup sahari-hari:kalo perjanjian udah lisahkan, walopun hanya kontrak ntara kaleno, angin ada orak nang bisa mbantalkan ato nambahkan apeh pun dalap perjanjian na. ¹⁶ Ntu, tantang perjanjian nang lisampaikan Allah ka Abraham wan ka keturunan ya. Allah angin bakata," ka keturun-keturun ya," nang nunjuk ka banyak keturun, "wan ka keturun kau," bearti nunjuk ka seko orak, ya na Kristus. ¹⁷ Maksudku, Ukum Taurat nang muncul 430 taut udah na angin bisa mbatalkan perjanjian nang udah lisahkan oleh Allah. Jadi, perjanjian na angin bisa li anginkan. ¹⁸ Apeh bila warisan lidasarkan ka Ukum Taurat, maka warisan na angin agik lidasarkan ka perjanjian. Tapi, Allah nganugrahkan ya ka Abrahamlewat sabuah perjanjian. ¹⁹ Jadi, ngapeh ada Ukum Taurat? Ukum Taurat liberekan kaena pelanggaran-pelanggaran, sampai keturun na atak sebagemane maksud perjanjian. ²⁰ Tapi, perantara seko orak, padahal Allah na seko. ²¹ Kalo bagena, apehkah Ukum Taurat belawan ngan perjanjian Allah? tantu aja angin! Sabab, kalo Ukum Taurat liberekan ntuk bisa mere idup, kebanaran pasti barasal dari Ukum Taurat. ²² Tapi, Kitab Suci udah njara sagala suatu wan samua orak ka babah dosa biar perjanjian oleh iman dalap Kristus Yesus bisa limere ka mpuya nang pecaya. ²³ wa'tu iman gik angin atak, orak kitu litahan ka oroh Ukum Taurat, litahan sebage tahanan sampe iman nang nak atak linyatakan. ²⁴ Ngan bagena, Ukum Taurat na ngawas diri sampe Kristus atak biar diri bisa libanarkan oleh iman. ²⁵ Ntu, iman na udah atak. Orak kitu angin agik mbutuh Ukum Taurat sebage pengawas orak kitu. ²⁶ Dalap Yesus Kristus, kau samua na anak-anak Allah lewat iman. ²⁷ Kau samua nang udah li'babtis dalap Kristus udah mengenakan Kristus. ²⁸ Angin ada agik orak Yahudi tau orak Yunani, anak buah tau orak merdeka, ngelaki-laki tau mbini-mbini kaena kau samua sote dalap Yesus Kristus. ²⁹ Kalo kau na milik Kristus, kau na keturunan Abraham wan ahli-ahli waris sesuai ngan perjanjian.