¹ Ampat balas taut satalah na, aku atak agik ka kota Yerusalem ngan Barnabas wan maba Titus ngan aku. ² Aku ampus kaena ada nang penyataan ntuk mastikan kalo apeh nang kugawekan wan nang udah kugawekan na sia-sia. 3 Titus nang basama wan aku, angin arus li'nyunan walau ia na orak Yunani. ⁴ Hal ntu tejadi kaena ada sabanyadi-sabanyadi palsu nang diap-diap tama wan nyusup ntuk memata-mata kebabasan nang orak kitu ada dalap Yesus Kristus biar orak kitu li maba agik ka anak buahkan. ⁵ Tapi, orak kitu mao tunduk ka mpuya mila pun biar kabanaran Injil tatap diap dalap kau. ⁶ Tapi, dari orak-orak nang bapangaruhna, nang kedudukkan ya anginlah panting bagiku kaena Allah angin mbeda-mbedakan, mpuya angin nambahkan apeh-apeh bagiku. ⁷ Sebalekya, mpuya nele kalo ka aku udah li pecaya Injil ntuk orak-orak nang angin besunan, sama bage Petrus nang lipecayakan Injil ntuk orak-orak nang basunan. ⁸ Sabab, Ia nang udah begawe lewat Petrus ntuk njadi rasol bagi orak-orak basunan, Ia ugak nang begawe lewat rasul bagi orak-orak ukat Yahudi. ⁹ Satalah Yakobus, Petrus, wan Yohanes, nang litele bage saka guru ka Barnabas wan ka aku biar orak kitu ampus ka orak-orak Yahudi, sedangkan mpuya ampus ka orak-orak basunan. ¹⁰ Mpuya hanya minta ka orak kitu ntuk ingan ka orak-orak miskin, sote hal nang aku sorak banar-banar semangat ntuk muatkan ya. ¹¹ Tapi, pas Kefas atak ka kota Antiokhia, aku tarang-tarangan nantang ya kaena jalas banar ia basalah. ¹² Kaena gik angin rak-orak tetantu dari rombong Yakobus atak, Kefas udah bisa makat basama orak-orak Yahudi. Tapi, pas mpuya atak, ia mulai mondor wan misahkan diri ya kaena gali ka kalompok orak nang basuanan. ¹³ Orak-orak Yahudi nang lain nuna batindak munafik basama ya, bahkan Barnabas pun teseret oleh kemunafikan mpuya. ¹⁴ Pas aku nele kalo mpuya babuat angin sejalan ngan kebanaran Injil, maka aku madah ka Kefas ka dapan samua orak, "Kalo kau orak Yahudi idup bage orak ukat Yahudi, bagemane mungkin kau maksa orak ukat Yahudi ntuk idup bage orak Yahudi?" ¹⁵ Orak kitu ntu orak-orak nang liberanakan sebage bangsa Yahudi wan ukat orak-orak bedosa dari bangsa ukat Yahudi. ¹⁶ Tapi, orak kitu nao kalo angin seorak pun libanarkan kaena muat Ukum Taurat, melainkan lewat iman dalap Yesus Kristus. Bahkan, orak kitu ugak udah pecaya ka Yesus Kristus biar orak kitu libanarkan oleh iman dalap Kristus, ukat kaena muat Ukum Taurat. Sabab, angin seorak pun libanarkan kaena muat Ukut Taurat. ¹⁷ Tapi, sementara orak kitu berusaha ntuk libanarkan dalap Kristus, orak kitu namu diri orak kitu ugak pedosa, apehkah pelayan dosa? tantu aja angin! ¹⁸ Kalo aku mbangun agik apeh nang udah aku bongkar, aku mbuktikan kalo aku na seorak pelanggar ukum. ¹⁹ Sabab, lewar Ukum Taurat, aku udah mati bagi Ukut Taurat biar aku bisa idup ntuk Allah. ²⁰ Aku udah li'salibkan wan Kristus. Ukat agik aku nang idup, melainkan Kristus nang idup dalap aku. Idup nang jaman ntu kuidup dalap daging na idup oleh iman dalap Anak Allah, nang ngasih aku wan udah mere diri-Ya ntuk aku. ²¹ Aku angin mbantalkan anugrah Allah kaena kalo kebanar ya atak lewat Ukum Taurat, sia-sialah kematian Kristus!