¹ Kalo ka'u udah li mbangkit besama Kristus, gagolah hal-hal nang ka atas, tampat Kristus bediap, duduk ka sebalah kanan Allah. ² Pikirkan hal-hal nang ka atas, ukat hal-hal nang ka bumi. ³ Sebab, ka'u udah mati wan idupka'u tesemunyi besama Kristus dalap Allah. ⁴ Wa'tu Kristus, nang adalah idup ka'u, nyatakan diri Ia, ka'u uga akan li nyatakan dalap kemuliaan besama-sama ngan Ia. ⁵ Kaena na, bunuhlah sifat apeh pun nang berasal dari sifat dunia ka'u, ya'na pencabulan, kecemaran, hawa nafsu, kamaoan nang ja'at, wan keserakahan, nang adalah penyembahan ka berhala. ⁶ Hal-hal nang nyebabkan murka Allah gig atak. ⁷ Ndulu, ka'u uga muat'ya wa'tu ka'u masih idup ka dalap'ya. ⁸ Tapi, kini ntu, buaklah semua na: kemarahan, kemurkaan, kebencian, fitnah, wan kata-kata kotor dari beber ka'u. ⁹ Usah kajah mbo'ong kaena ka'u udah ngelapas kaleno lama ka'u ngan pebuatan-pebuatan'ya. ¹⁰ Pakailah kaleno baru, nang melulu li mbaru dalap pengetahuan sesuai ngan gambar dari Pencipta'ya. ¹¹ Dalap hal ntu, ngin ada agi orak Yunani, budak ato orak merdeka, tapi Kristus adalah segala'ya wan dalap semua'ya. ¹² Jadi, sebagai orak-orak pilihan Allah, nang kudus wan nang li ngasih, pakailah ka ka'u belas kasih, keramahan, kerendahan hati, kelembutan, wan kesabaran. ¹³ Sabarlah seorak tehadap nang lain, wan kajah ngampun kalo tenyata ada seorak nang besalah tehadap nang lain. sama mage Tuhan udah ngampun ka'u, jadi ka'u uga arus kajah ngampun. ¹⁴ Ka atas semua ntu, pakailahkasih, nang njadi pengabat nang sampurna. ¹⁵ ka'ati lah damai sejahtera Kristus ngendali ati ka'u kaena memang ntuk na lah ka'u la manggel njadi sote tubuh, wan besyukurlah. ¹⁶ Ka'ati lah kata-kata kristus diap ka dalap ka'u ngan belimpah, ngan segala hikmat ka'u ngajar wan nasehati seorak tehadap nang lain, nyanyikanlah mazmur, lagu-lagu pujian,wan nyanyian-nyayian rohani, semua'ya ngan panuh ucapan syukur ka dalap ati ka'u ka allah. ¹⁷ Apeh pun nang ka'u muat, dalap kata-kata ato pebuatan, buatlah semua na dalap nama Tuhan yesus, sambel ngucap syukur ka Allah Bapa, ngelalui Ia. ¹⁸ Bini-bini, tunuklah ka laki ka'u sebagaimane seharus'ya dalap Tuhan. ¹⁹ kobo laki, kasihilah bini ka'u wan usah belaku kasar tehadap mpuya. ²⁰ Kobo muda, taatilah orak tua ka'u dalap segala hal kaena hal ntu nyenangkan Tuhan. ²¹ Apak-apak, usah mancing kemarahan anak-anak ka'u supaya mpuya ngin njadi patah semangat. ²² Budak-budak, taatilah tuan-tuan ka'u nang ada ka dunia ntu dalap segala hal. Buatlah na ukat hanya wa'tu mpuya nele ka'u wan ntuk nyenagkan mpuya tapi ngan tulus ati kaena gali ka Tuhan. ²³ Apeh jak nang ka'u muat, buatlah ngan segenap ati mage ntuk Tuhan wan ukat ntuk manusia, ²⁴ sebab ka'u nao kalo dari Tuhan ka'u akan nerima warisan sebagai upah ka'u. Kristus Tuhanlah nang gig ka'u ngelayan. ²⁵ Sebab, orak nang bebuat salah akan nerima balasan atas kesalahan nang li muat'ya wan ngin ada nang li ngecuali.