¹ Pratikanlah kalo wa'tu ari-ari terakhir, masa-masa susah mao atak. ² Sabab, orak akan njdi pecinta diri'ya sorak, pecinta duit, pembohong, sombong, penghujat, ngin patuh ka ntua, ngin tau beterima kasih, ngin suci, ³ ngin nao mengasihi, ngin suka badamai, suka mfitnah, ngin bisa ngendalikan diri'ya sorak, kejam, ngin suka ngan apeh nang ba'ik, ⁴ pengianat, cerobok, angkuh, labih suka ncintai hawa nafsu daripade ncintai Allah, ⁵ li nele saleh tapi nyangkal kuasa'ya. Usah samak ngan orak-orak mage ntu. ⁶ Sabab, li ntara mpuya ada orak-orak nang nyusup ka dalap jemaat wan ngasut kobo bini-bini nang lamah nang li mbeban ngan manyak dosa wan narik mpuya ngan bemacam hawa nafsu. ⁷ Bini-bini mage ntu slalu belajar, tapi ngin pernah bisa sampe ka pengenalan tentang kebanaran. ⁸ Sama mage Yanes wan Yambres nang ngelawan Musa, mage na uga orak-orak ntu nang ngelawan kebanaran. Pikiran mpuya udah rusak wan iman mpuya ngin tahan uji. ⁹ Tapi, mpuya ngin bisa labih jauh agi kaena kebodohan mpuya akan nyata ntuk satiap orak, sama mage orang nang badua na. ¹⁰ Tapi, ka'u udah nuna ajaranku, cara idupku, tujuan idupku, imanku, kesabaranku, kasihku, wan kerajitanku, ¹¹ Mage penganiayaan wan pnderitaan nang ku ngalam ka Antiokhia, Ikonium, wan Listra. Aku betahan dalap penganiayaan, wan Tuhan nyelamatkanku dari samua na. ¹² Sesungguh'ya, samua orak nang mao idup saleh dalap Yesus Kristus akan li nganiaya, ¹³ tap orak-orak ja'at wan kobo penipu akan njadi labih buruk agi, mpuya na nyasatkan wan li nyasat. ¹⁴ Tapi ntuk ka'u, lanjut jak ngan apeh nang udh ka'u pelajari wan udah ka'u nyakin kaena ka'u nao dari sapeh kau mplajari'ya, ¹⁵ mage mane wa'tu gig amuk ka'u udah nganal Kitab Suci nang mampu mere ka'u hikmat keselamatan ngelalui iman dalap Yesus kristus. ¹⁶ Samua Kitab Suci li napasi oleh Allah wan beguna ntuk ngajar, ntuk madah kesalahan, ntuk maik kelakuan, wan ntuk ndidik dalap kebanaran. ¹⁷ Ngan na, kaleno nyak Allah akan ba'ik wan di ngelakapi ntuk satiap pebuatan ba'ik.