¹ Dungi si Paulus maninggalkon Atena, dungi kehe tu Korintus. ² Di korintus pasuo ma ia dohot sada halak Yahudi na margoar si Akwila, na marasal sian Pontus. Baru ro dope ia sian Italia dohot si Priskila, dadaborunia, harana Kaisar Klaudius madung mamarentahon, anso sude halak Yahudi maninggalkon Roma. Maradian do si Paulus tu bagas ni halahi. ³ Jana harana rap mangkarejon parkarejoan na sarupa halahi, tinggal ma ia rap dohot halahi. ⁴ Jana satiop ari Sabat mangkobari do si Paulus di bagas paribadatan jana marusaho mayakinkon halak Yahudi dohot halak Yunani. ⁵ ompak ro si Silas dohot si Timoteus sian Makedonia, Paulus dohot sepenuhna bisa mambaritahon hata ni Tuhan, didia ia mangalehen hasaksian tu halak Yahudi, bahaso Yesus ima Mesias. ⁶ Tapi dompak dimusuhi halahi ia jana dikutuk, diirpaskon ia ma abu sian pakeannia jana mandok tu halahi: “Biarlah darahmu tertumpah ke atas kepalamu sendiri; ias do au, inda marsala. Mulai sian sannari kehe ma au tu bangso-bangso na asing.” ⁷ Jadi kaluar ma ia sian i, dungi ro tu bagas ni sahalak na margoar Titius Yustus, na maribadah tu Allah, jana mardampingan bagasna dohot bagas paribadatan. ⁸ Tapi si Krispus, kapala ni bagas paribadatan i, manjadi porcaya tu Tuhan dohot pangisi ni bagasnia, jana bahat sian halak Korintus, na mambege pambaritaan ni si Paulus, manjadi porcaya jana mangalehen diri ni halahi di Baptis. ⁹ Di sada borngin mangkatai ma Tuhan tu si Paulus di bagasan sada parnidaan: “Jangan takut! Torusma mambaritahon hata ni Tuhan jana unang so! ¹⁰ Harana au mandongani ho jana inda adong sahalak pe na manjama sanga manganiaya ho, harana bahat umat-Ku di kota i.” ¹¹ Jadi tinggalma si Paulus di si sataon onom bulan lolotna jana ia mangajarkon hata ni Allah di tonga-tonga ni halahi. ¹² Tapi dung si Galio manjadi gubernur di Akhaya, bangkitma halak Yahudi rap-rap mangalo si Paulus, dungi maroban ia tu jolo ni pangadilan. ¹³ Ningi halahi: : Ia on marusaho mayakinkon halak maribadah tu Allah dohot dalan na martentangan dohot hukum Taurat. ¹⁴ Hatiha mulai mangkobari si Paulus, didok si Galio ma tu halak Yahudi i: “Ale halak Yahudi, sugarina tuntutanmu taringot tu sada palanggaran sanga hajahatan, madung ma sapatutna hutarimo purkaromu, ¹⁵ Tapi anggo hum na parsalisian taringot tu hata-hata sanga goar sanga hukum na marlaku di antara munu do, dengananma hamu sandiri mangurusna: inda rela au manjadi hakim ni parkaro na songoni.” ¹⁶ Dungi di usir ia ma halahi sian bagas pangadilan. ¹⁷ Jadi halak i sude mangaroro si Sostenes, kapala ni bagas paribadatan, dungi mamukuli ia di jolo ni pangadilan i; tapi inda di pardulihon si Galio i sama sekali. ¹⁸ Tinggal dope si Paulus piga-piga ari nai di Korintus. Dungi mangido ijin ma ia sian saudaro-saudaro na di si, jana marlayar tu Siria, dung di cukur ia obuk nia di Kengkrea, harana madung marnazar ia. Si Priskila dohot si Akwila ma mandongani ia. ¹⁹ Dungi lalu ma halahi di Efesus. Ditinggalkon si Paulus ma si Priskila dohot Akwila di si. Ia sandiri masuk tu bagas paribadatan jana mangkobari dohot halak Yahudi. ²⁰ Di pangido halahi tu sia anso tinggal ia um lolot nai di si, tapi inda di kabulkon ia. ²¹ Mangido ijin ma ia jana mandok: “Mulak do au mangulahi tu hamu, anggo di hagioti Allah.” Dungi marangkat ma ia sian Efesus. ²² Lalu ma ia di Kaisarea jana dung manaek tu darat jana mangalehen salam tu jemaat, marangkat ma ia tu Antiokhia. ²³ Dung piga-piga ari lolotna ia tinggal disi, marangkat ma ia muse, dungi manjelajahi sude tano Galilea dohot Frigia laho patoguhon roha ni sude murid. ²⁴ Sementara i ro ma tu Efesus sada halak Yahudi na margoar si Apolos, na marasal sian Aleksandria. Na sangat bisukna mangkobari jana mahir sajo dibagasan soal-soal kitab suci. ²⁵ Ia madung manarimo pangajaran dibagasan dalan ni Tuhan. Dohot semangat ia mangkobari jana dohot teliti ia mangajar taringot tu Yesus, tapi ia hum na mamboto baptisan ni si Yohanes. ²⁶ Ia mulai mangajar dohot habaranian di bagas paribadatan, tapi dung dibege si priskila dohot Akwila, di boan halahi ma ia tu bagas ni halahi jana dohot teliti manjelaskon tusia dalan ni Allah. ²⁷ Harana giot manyoborang si Apolos tu Akhaya, saudaro-saudaro di Efesus mangirim surat tu murid-murid di si, anso di sambut halahi ia. Dung lalu di Akhaya, jadi ia, harani holong ni roha ni Allah, manjadi sada halak na sangat marguna di halak na porcaya. ²⁸ Harana inda marnaloja ia mangalo halak Yahudi di jolo ni na bahat jana mambuktihon sian kitab Suci bahaso Yesus ima Mesias.