¹ Hatian di Korintus dope si Apolos. Si Paulus madung manjelajahi daerah parkampungan sampe tu Efesus. Pasuo ma ia isi dohot murid-murid. ² Ning ia ma tu alai: madung itarimo homu ma Roh Kudus dung porcaya homu? Tai alus ni alai inda, bahkan inda jungada ami bege bahaso adong “Roh Kudus”. ³ Idokon si Paulus ma tu alai: “Anggo sangoni, baptisan nise do ipake mambaptis homu? Alus ni alai: “dohot Baptisan ni si Yohanes?” ⁴ idokon si Paulus: Baptisan ni si Yohanes ima dam Baptisan tu alak na dung “martubat”. Pandokon ia tu alak na bahat bahasa ingkon porcaya do alai tu Ia naro dung au, ima Yesus. ⁵ Dung di bege alai na songoni, di lehen alai ma diri ni alai anso di Baptis di bagasan goar ni Tuhan Yesus. ⁶ Dung di payak kon si Paulus tangan nia tu ginjang ni alai, turuh ma Roh Kudus tu alai, dungi mulai ma alai markobari pake bahasa Roh dohot mar Nubuat: ⁷ Marjumla ma alai kira-kira dua bolas alak. ⁸ Selama tolu bulan ma si Paulus botul-botul marjamita di bagas paribadatan. Inda marnajola ia mangajarkon taringot tu “kerajaan Allah”. ⁹ Tai, adong do deba alak na jogal roana, inda ra alai porcaya, malahan di incaki alai dope dalani Tuhan ijolo ni alak na bahat. Dungi itinggal kon si Paulus ma alai, kehe ma ia rap dohot murid-murid nia, satiop ari mangajar di sikola Tiranus. ¹⁰ Adong dua taon ibaen ia na songoni, ara ni i gop ma alak Asia manangion Firman Tuhan, songoni muse alak Yahudi dohot alak Yunani. ¹¹ Mangalalui si Paulus, ibaen Allah ma mujizat-mujizat na luar biaso. ¹² Bahkan ioban alak do sapu tangan dohot abit ni si Paulus, ipayakkon alai iginjang ni alak na marnyae, dungi malum ma alai, kaluar ma roh-roh jahat. ¹³ Adong ma deba datu ni alak Jahudi na markuliling di daerah i, mancubo mandokon goar ni Yesus tu alak na masukan roh jahat, gogoma sora nia mandokon: “usumpai maho demi goar ni Yesus na di jamitaon ni si Paulus”. ¹⁴ Namambaen songoni ima pitu alak anak ni sada imam kapala Yahudi na margoar si Skewa. ¹⁵ Tai, ijawap roh jahat i ma: “utandai do Yesus, Paulus pe utandai, tai ho, ise doho? ¹⁶ Dungi, mangambur ma alak na imasuki roh jahati, mangamuk maia, ibal-bal ia sude alak na isi, marlarian ma alai sian bagasi, mabugangi inda marpakean. ¹⁷ Tar bonggal ma sude na tu alak Yahudi dohot Yunani na di Efesus. Mabiar ma alai sude dungi mur tar sar ma goar ni Tuhan Yesus. ¹⁸ Gok ma sian alai na purcayo, ro mangoku di jolo ni alak na bahat, bahaso unjung do alai mambaen kelakuan na songoni. ¹⁹ Gok do sian alai, na unjung manjadi datu, i papungu alai ma kitab-kitab ni alai, dungi i tutung alai ma di jolo ni alak na bahat. Arga na kitab-kitab i kira-kira lima puluh ribu epeng perak. ²⁰ Dung kejadian mur tar sar ma Firman Tuhan dohot mur markuaso. ²¹ Dung tarjadi sudena, marrencana ma si Paulus giot kehe tu Yerusalem mangalewati makedonia dohot akhaya, ning ia ma: dung sian i, kehe dope au tu roma. ²² Dung i isuru ia ma dua alak pambantu nia, ima si Timoteus dohot si Erastus kehe parjolo tu Makedonia, tai anggo ia tinggal dope satongkin nai di Asia. ²³ Kira-kira ompak ima na terjadi kaributan taringot tu dalan Tuhan. ²⁴ Arana, adong sada alak namargoar si Demetrius tukang perak namambaen kuil-kuil dewi Artemis sian perak gok do pangomoan ni partukang nia sian usaho i. ²⁵ Ipaluhut ia ma alai rap dohot tukang-tukang na asing iparkarejoan nia i, ning ia ma: homu ale dongan, iboto homu do bahasa sian usaho on do pangomoan ta. ²⁶ Sannari madung tangkas di boto dohot ibege homu bahaso si Paulus, inda hum di Efesus, tai hampir tusude asia madung mangelek dohot paliluon alak nagok, idokon ia bahasa aha na i baen ni tangan ni alak inaa dewa i. ²⁷ Ara ni i, inda um parusahoan taon sajo na i indaki ni alak, tai dohot kuil Artemis, dewi na godang i, inda dong be gunana. Dung i Artemis i, Artemis na isomba ni sude alak Asia dohot na satano on, mago ma hagodangan na. ²⁸ Dung ibege alai, mangamuk ma alai, dungi gogo ma sora ni alai mandokon: “nagogo nagadong do Artemis dewi ni alak Efesus.” ²⁹ tarjadi ma keributan di sude kota i, roma alak na bahat tu bagas godang, isarat alai ma si gayus dohot Aristarkhus. Alak Makedonia dongan ni si Paulus i. ³⁰ Giot i paiut si Paulus do alak na abahat i tai inda di patola murid-murid Nia. ³¹ Bahkan adong do deba alak na marpangkat dongan ni si Paulus na sian Asia. Paingot kon ia anso ulang masuk tu bagas godang i. ³² Ribut ma sude halak na markumpul di bagas godang i, sudek na marsidokon nai dokon na be, gaor ma alai sude aran inda na iboto alai ahado masuk ni parrapotoh i. ³³ Dungi, ioban alak Yahudi ma tu jolo sada alalak na mar goar si Alexander, arana Ia do na itudu alai mambaen kaributani. Martudu tangan mai dungi ibela ia ma diri ni di jolo ni alak na bahat i. ³⁴ Tai, dung i boto alai bahasa alak Jahudi do ia, mar surak-surama alai kira-kira dua jora lolot na, “na gogo do Artemis dewi ni alak Efesus.” ³⁵ Dung ro juru tulis ni kotai tenang ma alak na bahati, ning ia ma: “Ale, alak Efesus, ise do pe langa di tano on na so momboto bahaso kota Efesus do na botul-botul manjago kuil dewi Artemis na godangi dohot na naturun sian langit i?” ³⁶ songa ise pe inda bisa mambantahi, arani i tenang ma homu, ulang mopop. ³⁷ Arana ioban ko mu do alai tuson, padahal inda na mongarampok kuil Artemis alai, dungi inda na di in caki ni alai goar nia. ³⁸ Jadi, pala adong pangaduan ni si Demetrius dohot par karejo nia, ita serahkon ma tu pangadilan anso bisa i putuskon pejabat (Gubernur). ³⁹ Dungi, pala adong na manggalajal di roa mu, ita saloseon mai ibagasn parrapoton na denggah. ⁴⁰ Arana, mabiar do ita pala itu du mambaen kaributan sadarion, inda adong muse alasan ta mambela parrapotoh na gaor on, dungi isuru ia ma bubar (marmulakan) alak na bahat i. ⁴¹ (19-40b) Dan dengan kata-kata itu ia membubarkan kumpulan rakyat itu.