¹ Songoni muse ma homu, angka ina-ina, angkon mangoloi do tu angka ama Anso anggo adong di antara ni halaki naso porcaya tu barita sian Allah, parange mu bisa mambaen halaki jadi porcaya, Jana inda porlu be homu mandongkon sanga aha ni halaki, ² Arana di ligi halaki do parangemu na ias dohot badia. ³ Ulang ma ha jejeson ni hum hajegeson di luar, songon padegeskon obuk sanga mamake sere, sanga mamake baju na arga. ⁴ Tai sabalikna, angkon sian roha do tarida hajegesan mi, parange na lambok dohot sonang: ima hajegesan na totop na hum arga manurut pangaligian ni Allah. ⁵ Dohot cara on ma na jolo dadaboru marugamo na mangharop tu Allah mampajeges iba ma mangoloi halak lali nia. ⁶ Songon muse do si Sara, ia mangoloi tu Abraham jana mandongkon ia ama na. Saudaro sannari ima daledanak ni si Sara, anggo homu mambaen pambahenan na denggan jana inda mabiar tu sanga ise pe. ⁷ Songoni muse ma homu, angka ama-ama, angkon mangolu dohot pangartian tu adaborumu, jana dohot hasadaron bahaso halaki halak na hurang gogo. Hormati ma halaki, arana halaki rap do dohot homu, giot manarimo silehen-lehen sian Allah. Baen ma songon on, anso inda adong na mangambati doamu. ⁸ Kasimpulanna ima: Saudaro-saudaro angkon sada hata dohot saperasaan. Homu angkon holong manghaholongi ma songon halak na marsaudaro solkot. Dungi angkon marsihaholongan do homu dohot marparange na toruk roha. ⁹ Ulang ma mambalos hajahaton dohot hajahaton. Sanga pangincakincaki dohot pangincakincaki; sabalikna balos ma songon mangido borkat sian Allah. Arana Allah mamio homu anso homu manarimo borkat sian Ia. ¹⁰ Di bagasan Alkitab tartulis songonon, “Halak na do menikmati ngolu dohot na olo mangarasahon ari-ari na denggan angkon manjago pamanganna anso inda mandok hata-hata na jot dohot inda mandok hata gabus. ¹¹ Ia angkon padaohon naso ture jana mambaen na denggan; angkon marjuang si tutu do ia anso mandapotkon pardamean. ¹² Arana Tuhan pe jot-jot do mamparateateon halak na manuruti nagiot nia. ¹³ Ise ma nagiot marjahat tu ho, anggo homu sonang mambahen na denggan? ¹⁴ Tai sakalipe homu angkon marhaancit do arana mambahen purkaro-purkaro na denggan, homu marlabo! Ulang ma mabiar tu sanga ise pe, jana ulang homu mobiar. ¹⁵ Tai dibagasan roha munu, angkon dilehen homu do tu Kristus panghormatan na hum denggan (khusus) na sarupo dohot hagodanganna songon Allah, jana homu angkon torus rade mangalehen alusna tu satiop halak na marsapa taringot pos ni roha na adong di homu. ¹⁶ Tai karejohonma i dohot lambok ni roha dohot hormat, jana giotna roha na ias si tutu do. Anso anggo homu difitnah arana homu mangolu dohot denggan songon pangikut Ni Kristus, jadi halak na mamfitnah i angkon manjadi maila sandiri. ¹⁷ Gumonan do marhancit arani mambahen na denggan – anggo i ma nagiot ni Allah – Pado marhancitarani mangkarejohon na jahat. ¹⁸ Arana Kristus sandiri mate holan sakali do, baen salolot ni lolotna arani dosa halak-sehalak na so marsala, mate baen tu halak na marsala. Kristus pe mambaheni anso Ia poisa mangulukon homu tu Allah. Pamotang nia do di bunu, tai dipangolu muse marhita tondina. ¹⁹ Di bagasan tondi ia kehe paboahan barita sian Allah tu tondi-tondi na di hurungan: ²⁰ Ima tondi ni halak naso manurut tu Allah di zaman Nuh. Di hatiha i Allah sobar paintehon, salolot si Nuh mambaen kapalna. Holau halak na adong di kapali sajo – sudena lapam halak na di paluahon sian banjir nagodang i. ²¹ Antong, namasa i ima songon umpama na sian pandidion na sannari on ma paluahon homu. Pandidion on ima inda holan sada upacara paiaskon sibuk sian sude na kotor, tai ima janjimu tu Allah sian roha na ias na denggan. Pandidion i paluahon homu arani Yesus Kristus nadung mulak mangolu sian na mate. ²² Dohot madung manaek tu surgo. Sannari Ia markuaaso dohot Alllah jana mamarentah sude suru-suruan, sude panguaso dohot sude hagogo on.