¹ Harani i, ambungkon ma sian dirimu sude na jahat; ulang be margabus dohot ulang marpura-pura. Ulang cimburu (lak) dohot ulang manghino halak na lain. ² Giot na homu manjadi songon dak-danak na baru sorang, na torus manguas tu susu partondion na ias. Dung songoni homu angkon mangolu dohot di selamatkon. ³ Di bagasan Alkitab tartulis songon on, “homu madung mangaraso i sandiri songoni ma denggan na Tuhan.” ⁴ Harani i, ro ma tu Tuhan. Ia songon batu na mangolu, batu na di ambungkon ni halak harana dianggapo inda marguna; tai na di pili ni Allah songon batu na mararga. ⁵ Homu songon batu-batu na mangolu harani i giot na homu ro di pake giot mambangun bagas Allah dohot tondi dung songon i homu manjadi imam-imam na mangolu hum tu Allah, dohot na marhik Yesus Kristus marparsomba on tu Allah, kurban partondion na rade di roha Allah. ⁶ Au madung mamili sada batu na mararga, na ahu payakkon di sion songon batu parsuhi, dohot halak na porcaya tu sia inda be di paila. ⁷ Batu i mararga botul di homu na porcaya. Tai di halak naso porcaya, marlakuma ayat-ayat Alkitab songon on. Batu naso di pake ni tukang-tukang bangunan i tarnyato manjadi batu na poilu. ⁸ Dohot dohot batu na mambaen au tar tuk-tuk, batu na mambaen homu madabu, Halak i madabu harana halaki inda porcaya tu hata-hata Allah. Songon i ma sude di tontuhon Allah taringot halak i. ⁹ Tai homu ima bangsa na tarpili, imam-imam na malayani raja, bangso na badia, hum tu Allah, umat Allah sandiri. Allah mamili homu dohot ma mio homu haruar sian hagolapan giot masuk tu bagasan hatorangan na na dohot maksud anso homu pararatkon barita taringot pambaenan-pambaenan na na luar biaso. ¹⁰ Na jolo homu inda umat Allah, tai sannari homu madung umat Allah. Na jolo homu inda di haholongi ni Allah, Tai sannari homu manarimo holong ni roha na. ¹¹ Saudaro-saudaro na haholongi homu ima halak na asing dohot pangaran to di dunia on. Harani i hupangido dohot godong anso homu ulang mangoloi nagiot (hawa nafsu) ni halak na torus marporang mangalo roha. ¹² Pangalaho mu di tonga ni halak naso mananda Tuhan giot na denggan situtu, sahinggo muda halahi mangincahi homu songon halak na jahat, halaki tong angkon mangoku pambaenan mu na denggani sahinggo halak i angkon mamuji di ari haroro na. ¹³ Harani Tuhan, giot na homu mangoloi tu sude halak panguaso, ima tu kasisar na manjadi panguaso na lumabi. ¹⁴ Sangapi tu Gubernur na di pili ni Kaisar giot manguhumi halak parjahar dohot giot manghormati halak na denggan. ¹⁵ Harani Allah marhagiot anso sude pambaenan-pambaenan nu na denggan homu manutup pamangan ni halak na mar hata rorang. ¹⁶ Giot na mangolu ma homu songon halak na mardeka, tai ulang ma manutupi hajahatan, malainkon mangolu ma songon hamba Allah. ¹⁷ Argaima sude halak, haholongi ma sude halak, haholongi ma saudaro-saudaro mu halak Kristen. Mabiar mu tu Allah, dohot hormati ma Kaisar. ¹⁸ Saudaro-saudaro na manjadi parhabas, unduk ma tu tuan mu dohot sahormat-hormat na; inda hum tu halak i na denggan roha dohot na ramah, tai juo tu halak i na kajam. ¹⁹ Allah angkon mamborkati homu, anggo homu harani sabar di nagiot Allah, sabar marhancit harani pambaenan na so tigor. ²⁰ Harana aha ma sumurung na anggo homu sobar manaon uhuman na tutu na homu taon hara na marsala? Tai anggo homu sobar manaon parhancitan na ro tu ho harani na mambaen na botul, dungi Allah angkon mamborkati mu. ²¹ Harani ima Allah mamio mu. Harana Kristus sandiri madung manaon parkan citan mu, haran i mangelehen tu ho sada sitiruon, anso homu mangihut di dalam Na. ²² Ia inda jungada mambaen dosa, dohon inda jungada sada halak pe mambege ia margabus. ²³ Di waktu ia di incahi, Ia inda mambalos dohot incak-incak. Di waktu ia marhancit, Ia inda mangancam. Ia manyorahkon parkaro Nia tu Allah, Hakim na tigor i. ²⁴ Kristus sandiri mamorsan dosa-dosanta tu diri Na di ginjang hayu parsilang, anso hita malua sian hakuasoan dosa, dohot mangolu manurut nagiot ni Allah. Bugang-bugang Kristus ma na pamalumkon homu. ²⁵ Najolo homu songon biri-biri na linu, tai sannari homu madung di oban mulak giot mangihutkon parmahan dohot mamaliharo roha mu.