¹ Harani Kristus madung manadu parkancitan, hamupe papir ma pamatang dohot pargaluon na songon i, hara ni halak na manderta pargoluon na, inda be mambaen dosa. ² Hara ni i giot na sololot mangolu homu di tano on mangihutkon nagiot ni Allah inda nagiot ni halak. ³ Dompak najolo homu madung loloto mangihutkon nagiot ni halak naso manada Allah: nada denggan golununu. Homu mangihutkon giot ni roha, mabuk-mabuk marpesta-pesta dohot minum-minum dohot marsomba gana-ganaan songon naso pade. ⁴ Sannari halak naso manada Allah heran harana homu inda dohot mangolu songon halaki mangkarejohon dosa saroha-roha. Ima mamambaen halaki mangalayasi homu. ⁵ Harana halaki angkon mangalehen tanggung jawab tu Allah madung marsadia mangido tanggung jawab tu na mangolu dohot na mate. ⁶ Harani i barita na denggan i madung di baritaon tu halak na mate. Artina anso halaki nadung diadili di bagasan pardagingon songon sude halak angkon diadili bisa mangolu sian partondion sian nagiot Allah. ⁷ Sude sanga aha madung dapot ujungna harani sugari na homu bisa mangkuasoi diri dohot waspada homu bisa berdoa. ⁸ Hobi sian sasude na giot na homu botul-botul manghaholongi sada tu na asing, harana marsihaholongon homu gabe marsiampunan dosa ma homu. ⁹ Giotna homu marsijagitan sada tu naasing di bagas na be unang humolos. ¹⁰ Satiop halak madung manyigit borkat-borkat naso sarupo sian Allah, harani parkarejo na denggan sian borkat-borkat Allah giot na pargunahon tu haporluan munu sauna homu. ¹¹ Halak namambaritaon barita nasian Allah halak namelayani halak na asing. Giotna melayani orang lain dohot gogo nasian Allah anso di sasudena Allah dapot di pasongab marhite Yesus Kristus jananamarkuaso dohot dipasangal salolot ni lolotna. Amin. ¹² Saudaro-saudaro nani haholongon! Homu sannari marhancit situtu harana dompak diuji. Tai ulang ma trasonggot. Tarsongon na adong na luar biasa, natarjadi di homu. ¹³ Angke giotna homu marjolo ni roha markancit dohot Kristus, harana hakuasoon Kristus dipatidohon anso marjolo ni roha. ¹⁴ Marlabo homu anggo dipabile hara mangihut mararti Roh namarsangab, ina Roh Allah adong diho. ¹⁵ Ulang ua sada sian homu marhancit harana ia pambunu sanga panengko dohot parjahat sanga harani mandokoti (mancampuri) karejo ni halak na asing. ¹⁶ Harana muda marhancit homu harani halak Kristen, ulang na maila harani i. Martarimakasima tu Allah, arana homu maroban goar Kristus. ¹⁷ Madung dapot hatihana Allah mangadili parjolo au na anggo Allah marukloi sian hita, songon dia ma namasa naron dohot saudaro-saudaro naso porcaya tu barita nadenggan na sian Allah i. ¹⁸ Di dalam Alkitab tarsurat songonon; anggo saudaro-saudaro na burjupe madung maol di salamatkon; aha dope namasa dohot saudaro-saudaro na mardosa naso mananda Allah! ¹⁹ Harani i anggo adong saudaro-saudarongku na marhancit harani Allah marhagiot songonon saudaro-saudarongku mangolu benar (nadenggan) dohot porcaya diri niba tu Allah. Ia nangkon torus palaluon janji Na.