¹ Hang hinra anrau, Yesus laku dua hang isa unengan. Hantek Hanye luput laku dua, erang kaulun hingka kawan murid-Ni kaeau ma Hanye, "Tuhan, awat ngajar kami laku dua sameh ialah hi Yohanes ngajar kawan muridni." ² Balalu Yesus kaeau ma here, "Hantek hanyu laku dua, laku dualeh kala yiti: 'Amah, na barasis ngaran-Nu. Hawi karajaan-Nu. ³ Ami ma kami makuta sa sukupni ma tiap anrau, ⁴ anri ampun kawan dusa kami daya kami pada ngampun ma tiap ulun sa hala anri kami. Nelang, ada ngenei kami ma wuang pansubaan.'" Lakuleh, Antaraleh, anri Talitikleh ⁵ Udi hiye Yesus kaeau ma here, "Umpamani erang kaulun teka naun bahengau balalu hanyu tulak ma lewu hengaunu yiru hang penah malem anri kaeau ma hanye, 'Hengau, pi ihau aku telu katipak ruti, ⁶ dagana hengauku sa ganyah hawuang pakiaan tarie hang lewuku, kude hang lewuku mahi budas pakai na surungan ma hanye.' ⁷ Umpamani hengaunu hingka wuang lewu nyangai, 'Ada ngangu aku! waanawang haut na kunsi nelang aku anri kawan anakku haut hang uneng paandrean. Aku puang tau amuan lagi ngami inun jua ma hanyu.' ⁸ Aku kaeau ma hanyu biar hengaunu yiru puang amuan anri puang ngami inun-inun ma hanyu padahal hanyu hengauni, kude daya hanyu tarus ilaku, hanye himat sagar amuan nelang ngami inun sa na parlunu. ⁹ Jari, Aku iwara ma hanyu lakuleh, hanyu sagar narime. Antaraleh, hanyu sagar kaiuh. Talitikleh, waanawang sagar na uka ma hanyu. ¹⁰ Daya hie eleh sa ilaku sagar narime. Hie eleh sa ngantara sagar kaiuh. Anri hie eleh sa nalitik waanawang sagar na uka ma hanye. ¹¹ Inun naan erang kaulun amah hang penah naun sa kai ngami anipe ma anakni amun hanye ilaku kenah? ¹² Atawa ngami alimangu, amun hanye laku atelui? ¹³ Amun hanyu sa jahat kataru kala awe ngami pangamiaan sa maeh ma kawan anaknu, magin hie Amahnu sa hang surga. Hanye sagar ngami Ruh Barasis ma kawan ulun sa ilaku ma Hanye." Yesus Makai Kuasa Alatalla ¹⁴ Hang hinra anrau, Yesus ngusir setan hingka erang ka ulun upu sa muna. Udi setan yiru kaluar, ulun sa asalni muna yiru kaiuh bapaner balalu ulun rama jari wauh. ¹⁵ kude, papire kaulun kaeau, "Hanye ngusir setan makai kuasa Beelzebul, pamimpin setan." ¹⁶ Papire kaulun kai nguji Yesus, here ilaku Hanye nantarang siri hingka surga. ¹⁷ Kude, Yesus karasa inun bahum here balalu kaeau ma here, "Amun hang karajaan sa tabagi nelang ipanyarang sagar hansur. Pada, kaluarga sa bamusuh isa anri sa lain sagar tapisah. ¹⁸ Jari, amun iblis pada tapuhi-puhi anri nawan tengani raerai, kala awe tau karajaan yiru tatap batahan? Aku kaeau kala yiru dagana hanyu ngantuh amun Aku makai kuasa Beelzebul ngusir kawan setan. ¹⁹ amun Aku ngusir kawan setan makai Beelzebul, anri kuasa hie kawan anaknu ngusir here? Daya yiru, here yati sa sagar jari hakimnu. ²⁰ kude, amun Aku makai kuasa Alatalla ngusir setan, Karajaan Alatalla haut hawi ma hanyu. ²¹ Amun erang kaulun sa tingkas anri ba sanapang langkap nyaga istanani raerai, harata banani pasti hang keadaan aman. ²² Kude, amun naan ulun sa labis tingkas hingka hanye kai manyarang nelang nyantalau hanye, himat ulun sa labis tingkas yiru kaiuh marabut kawan sanapang sa na andal daya ulun yiru palus babagi harata rabutanni. ²³ Hie eleh sa puang uma Aku, hanye nawan Aku. Anri hie eleh sa puang uma mangumpulni sinrah Aku, hanye sa mamisah-misahni." Mulekni Ruh Ala Murun ²⁴ "Amun ruh ala murun kaluar hingka tenga ulun, ruh yiru sagar bakuliling malupui kawan unengan sa karing ngantara unenganni baistirahat, kude hanye puang kahaba. Dagana yiru, hanye kaeau, 'Aku sagar mulek ma lewu sa haut tananku.' ²⁵ Hantek hanye mulek, hanye ninung lewu yiru haut barasis nelang na urus. ²⁶ balalu ruh ala murun yiru tulak palus nuntut pitu ruh sa labis murun hingka hanye pakai masuk nelang muneng hang lewu yiru hampe wangun ulun yiru jari lawit labis murun hingka asalni. Kawan Ulun sa Sanang Atei ²⁷ Hantek Yesus ngantuh kala yiru, erang kaulun wawei sa naan hang penah ulun rama bapaner mehet, "Na berkat wuntung sa ngayaan Hanyu anri umu sa ngampumu Hanyu." ²⁸ Kude, Yesus kaeau, "Labis sanang lagi kawan ulun sa nyanrengei lengan Alatalla nelang nampalusni." Siri hi Yunus. ⁵⁷ "Daya inun hanyu raerai puang tau mamutus inun sa bujur? ⁵⁸ Hantek hanyu tulak sinrah musuhnu kai mahadap pamarentah, kakalileh himpan ngampi beres parkaranu anri hanye hang penah pakiaan himpan hanye puang mait hanyu ma hakim dagana hakim sagar nyarah hanyu ma pangawal, balalu pangawal yiru sagar nawut hanyu ma wuang panjara. ⁵⁹ Aku kaeau ma hanyu, hanyu puang sagar kaluar hingka yaru sahuan na wayat katuluh utangnu." ³¹ Hang andrau pangalisan, Ratu hingka Salatan sagar amuan sinrah kawan ulun hingka katuluh turunan yina palus hanye sagar nukum here dagana hanye hawi hingka hujung dunia neu nyanrengei hikmat hi Salomo, padahal hang yina naan erang ka ulun sa labis hante hingka hi Salomo. ³² Hang andrau pangalisan, kawan ulun Niniwe sagar amuan sinrah katuluh turunan yiti palus na hukumni, dagana kawan ulun Niniwe batobat hantek hi Yunus bakhotbah hang hadapan here, padahal hang yina naan erang ka ulun sa labis hante hingka hi Yunus." Mate yiru Lampu Ma Tenga ³³ "Mahi erang kaulun jua sa udi nyamelum lampu, balalu nganak lampu yiru hang unengan sa tasanina atawa hang kapit gantang. Here sagar nganak lampu yiru hang uneng pihawitan himpan kawan ulun sa masuk kaiuh ninung raaini. ³⁴ Mate yiru lampu ma tenganu. amun matenu maeh, katuluh tenganu sagar na tampenu anri raai. Kude, amun matenu murun, katuluh tenganu sagar na tampenu ala murun. ³⁵ Dagana yiru, mamaehleh himpan raai hang wuang tenganu puang jari maieng. ³⁶ Amun tenganu na tampenu anri raai nelang mahi unengan sa maieng, tenganu yiru sagar maraai urasni sameh ialah hantek lampu nyanraai hanyu anri sahayani." Yesus Ngiai Ulun Farisi anri Panai Taurat ³⁷ Dami Yesus luput bapaner, erang kaulun Farisi nerawan Hanye kuman. Hanye jua hawi, balalu maharung palus kuman. ³⁸ Kude, ulun Farisi yiru wauh hantek ninung Yesus puang mui tangan-Ni dahulu sa huan kuman. ³⁹ Kude, Tuhan kaeau ma hanye, "Kawan ulun Farisi ialah hanyu ngabarasis sangkir anri piring hang luarni ai, sadang hawuang tenganu penu andri kasarakahen nelang kajahaten. ⁴⁰ U kawan ulun lunga! ang sa Hanye sa ngulah luarni amput ngulah hawuangni? ⁴¹ Dagana yiru, bagileh inun sa naan hawuangnu yiru jari sadakahnu. hanyu sagar tatu'u barasis. ⁴² Kude, silaka hanyu, kawan ulun Farisi! Daya, hanyu ngami persapuluhan hingka hasil salasih, ingu, anri uras masam amulean kabunnu, kude hanyu puang ngarasa kaadilan anri kasih Alatalla. Sapatutni hanyu ngulah urasni yiru pada ngarasa ulah gawi salainni. ⁴³ Silaka hanyu, kawan ulun Farisi daya hanyu katuju maharung hang unengan sa panga maeh hang sinagoge anri pada katuju narime hurmat hang penah pakan. ⁴⁴ Silaka hanyu daya hanyu ialah pasaran sa puang ba siri, sa na rarah ulun anri puang na singaja daya here." ⁴⁵ Balalu, erang kaulun panai Taurat kaeau ma Yesus, "Guru, hantek Hanyu ngantuh kawan hal yina, Hanyu pada mahina kami." ⁴⁶ Kude, Yesus nyangai, "Silaka hanyu, u kawan panai Taurat! Dagana, hanyu nganak bana sa maweat himpan naenat ulun lain, kude hanyu raerai puang hakun negei banda yiru sunah makai isa kingking jua. ⁴⁷ Silaka hanyu, dagana ngapinri pasaran kawan nabi sa na wunu daya datu nininu. ⁴⁸ Diwi likan, hanyu nahampe ma katuluh ulun amun hanyu mangaku urasni yiru ulahan datu nininu; hanye hare sa munu kawan nabi yiru, kude hanyu sa ngulah pasaranni. ⁴⁹ Ina sababni, Alatalla hawuang hikmat-Ni kaeau, 'Aku sagar ngutus kawan nabi anri kawan rasul ma here, kude papire hingka kawan ulun sa na utus-Ku yiru sagar na wunu anri na siksa,' ⁵⁰ himpan ira uras nabi, sa tunrak hingka mulai dunia na sanuput, iyuh na laku tangung jawab hingka katuluh turunan yina, ⁵¹ mulai hingka ira hi Habel hampe ira hi Zakharia, sa na wunu hang helang altar andri Bait Allah. Bujur, Aku kaeau ma hanyu amun katuluh turunan yena sagar batangung jawab anri kajadian yiru. ⁵² Silaka hanyu, kawan panai Taurat! dagana hanyu haut ngalap kunsi kaharatien, kude hanyu raerai puang hakun masuk nelang mahalang-halang ulun lain sa hamen masuk." ⁵³ Dami Yesus nanan unengan yiru, Kawan panai Taurat anri kawan ulun Farisi mulai mamusuh Hanye nelang mada hanye anri bamasam tuntian. ⁵⁴ Here bakumplut hamen nyama Yesus anri paneran sa na eau-Ni.