¹ Kawan pulaksanaiku, ada kajut rama hang helang hanyu sa jari guru daya hanyu karasa bahwa takam sa mangajar sagar nahakimi anri ukuran sa labih weat. ² Takam katuluh hala huang rama hal. Dami naan ulun sa pasuah hala wuang paneranni, hanye adalah ulun sempurna, sa pada kaiyuh mengendalikan katuluh tengani. ³ Takam mamasang kekang hang wawa kuda nampan here ngunu ma takam, balalu takam kaiyuh mangandalikan katuluh tenga kuda. ⁴ Dinung jua kapal-kapal, bere here hante tuu balalu naan riwut sa mehet tau minahni, kapal yiru tau nakendalikan daya kamudi sa rumis, balalu sagar tulak ma awe - awe sasuai aheng jurumudini. ⁵ Kalayiru pada, ilat adalah bana sa rumis hang tenga takam, kude ilat iyuh baparagah hal-hal sa hante. Dinung tamam luasni pulau haket sa rakit daya apui sa awalni rumis. ⁶ Ilat yiru sameh apui, ialah dunia kejahatan, sa na anak hang helang bagian-bagian tenga balalu kaiyuh menajiskan katuluh tenga. Hanye ngarakit katuluh arah welum takam samentara hanye narakit daya apui naraka. ⁷ Daya, katuluh masam satua liar anri wurung, wu'ah anri satua sa welum hang laut yiru kaiyuh naampijinak daya murunsia, ⁸ kude mahi isakaulun sa kaiyuh ngampijinak ilat. Ilat ialah sa raat sa pakaiyuh tanang, penu rasun sa tau nampatei. ⁹ Anri ilat takam memberkati Tuhan anri Alatalla Amah takam, kude anri ilat pada takam ngutuk ulun, sa naulah sarupa anri Alatalla. ¹⁰ Teka wawa sa sameh balua pujian anri kutukan. Kawan pulaksanaiku, saharusni ada hampe kalayiru ¹¹ Inunsah kakira isa mate ranu iyuh sindrah ngampibalua ranu sa Mamis palus anri ranu sa mapait? ¹² Kawan pulaksanaiku, iyuhkah kakau ara menghasilkan wua zaitun; atawa kakau anggur menghasilkan wua ara? Kalayiru pada, mate ranu sa maerang pakaiyuh menghasilkan ranu sa segar. Rueh Masam Hikmat ¹³ Hiesah hang helang hanyu sa berhikmat anri bapengertian? Elah anri wangunni sa maeh yiru, hanye nutui ulahani wuang kelembutan anri hikmat. ¹⁴ Kude, dami hanyu naan kasiwa anri penu kapahitan nelang ambisi sa egois hang wuang ateinu, ada sakah anri ada ipusu nawan kebenaran. ¹⁵ Hikmat kala yiru puang minau hingka entu, tetapi teka dunia, sa puang rohani, anri maraat. ¹⁶ Dami naan kasiwa anri ambisi sa egois, hang yiru naan kakacauan anri bamasam ulahan sa maraat. ¹⁷ Hikmat sa hawi hingka entu, partamani murni, udihie suka damai, lamah lembut, ta'uka, penu walas ahi anri wua-wua sa maeh, puang ngampibeda, anri puang munafik. ¹⁸ Wua kebenaran nawuwur wuang damai daya kapanan pendamai.