¹ Hingka awe asalni rawek anri babur sa naan hang helang hanyu? Puangsah yiru baasal teka hawa nafsunu sa naan berperang hang wuang anggota-anggota tenganu? ² Hanyu kabahumen isabana, kude hanyu pakaiyuh inun sa nahamennu, makani balalu hanyu ipamunu. Hanyu kasiwa anri puang iyuh inun-inun, maka yiru hanyu babur. Hanyu puang kaiyuh inun sa nahamenu daya hanyu puang laku. ³ Atawa, hanyu laku, kude hanyu puang kaiyuh inun-inun daya hanyu laku anri alasan sa hala, neu pakai mamuaskan hawa nafsunu. ⁴ Hi, naun sa bazina, puang karasa sah naun bahwa bahengau anri dunia baarti bamusuh anri Alatalla? Daya yiru, hie sa hamen bahengau anri dunia, hanye ngulah tengani bamusuh anri Alatalla. ⁵ Inun kiranu Kitab Suci mahi alasan kaeau, "Roh sa naanak Alatalla hang wuang tenga takam nahamen-Ni anri ngadidit."? ⁶ Kude, Alatalla ngami anugerah sa labih lagi. Daya yiru, Kitab Suci kaeau,"Alatalla manentang ulun sa sakah, kude ngami anugerah ma ulun sa ime atei." ⁷ Daya yiru, nasarahleh tenganu ma Alatalla. Nanawanleh setan, maka hanye sagar mahulu hingkanu. ⁸ Nyanrietleh ma Alatalla, maka Hanye sagar nyanriet hanyu. Nabarasisleh tangannu, hi kawan ulun sa badosa, anri murnikanleh ateinu, hi kawan ulun sa rush atei. ⁹ Prihatin, berduka, anri ngiakleh; elahni kihinu baubah jari nungkau anri miaraynu jari dukacita. ¹⁰ Rendahkanleh ateinu nahadapan Tuhan, maka hanye sagar ngenat pamelumnu. Ada Ngaja anri Ngahakim Sasamehnu ¹¹ Kawan pulaksanai, ada naun ngantuh sa raat hang helang naun. Ulun sa kaeau sa raat hal pulaksanaini, atawa ngahakimi pulaksanaini, sameh anri nawan hukum Anri ngahakimi hukum. Dami hanyu ngahakimi hukum, hanyu puang ngunu hukum, melainkan hakimni. ¹² Ekat naan isa sa Ngami Hukum anri Hakim, ialah Hanye sa kaiyuh nyalamat anri nampatei; kude hie sa hanyu hampe hanyu heei menghakimi sasamehnu? Kahandak Alatalla wuang Katuluh Rencana Murunsia ¹³ Wayahyina, sanrengei hi hanyu sa kaeau, "Andrau iti atawa katuni kami sagar tulak ma kota iti anri yiru, balalu muneng hang yiru salawahni erangtaun, badagang anri sagar kaiyuh untung," ¹⁴ padahal hanyu puang karasa inun sa sagar terjadi katuni. Inun arti welumnu? Welumnu yiru sameh kala uap sa muncul erangitus, balalu wawai. ¹⁵ Jari, saharusni hanyu kaeau, "Amun Tuhan menghendaki, kami sagar welum balalu ngagawi iti atawa yiru." ¹⁶ Kude wayahyina, hanyu baparagah wuang sakahnu; ulahnu sameh yiru adalah maraat. ¹⁷ Jari, dami isakaulun karasa kalaawe ngulah sa maeh, kude puang ngagawini, hanye badosa.