¹ Inalah isi utama papaneran takam: wat takam naan Imam Hante sa maharung hang tuhi kawan tahta Sa Paling amau hang surga. ² Hanye melayani hang Ruang Mahakudus pada hang Kemah Barasis sejati sa naapindri daya Alatalla raerai, puang daya murunsia. ³ Daya tiap imam hante natutui nampam mempersembahkan ngami pada parapah, maka Imam Hante yina harus naan eneain nampan napersembahkan. ⁴ Amun Imam Hante na welum hang tane, Hanye puang sagar jari imam daya hang tane haut naan kawan imam sa mempersembahkan pangamian sesuai hukum Taurat, ⁵ hanye yiru here sa sembahyang ngalut tiruan pada bayang-bayang hingka hal surgawi ialah katika Alatalla ngampiitung Musa katika hanye kai ngapindri Kemah Suci: ''Pastilah hanyu ngulah katuluhni sasuai andri rancangan sa haut Aku nutui ma hanyu hang amau gunung.'' ⁶ Kude, taati, Yesus narime tugas palayanan sa lawit labih mulia daya perjanjian wau sa naperantara daya-Ni yiru pada lawit labih amau kude tatap berdasarkan pada janji-janji sa labih maeh. ⁷ Sabab, amun perjanjian sa kaisa puang baisi kahalaen, puang akan naan sa hamen perjanjian sa karueh. ⁸ Daya Alatalla kahaba kahalaan murunsia, Hanye kaeau, '''Dinunglah wayahni akan hampe,' eau Tuhan, 'dami Aku sagar ngulah isa perjanjian wau andri kaum Israel pada kaum Yehuda. ⁹ Puang ialah perjanjian sa haut Aku ngulah andri datu nini here, hanyeyiru katika aku nganyak here andri tangan-Ku nampan mamimpin here kaluar teka tane Mesir. Daya here puang setia ma perjanjian sa naami dayaKu, maka Aku puang perduli andri here,' eau Tuhan. ¹⁰ 'Inalah janji sa sagar naulahKu andri bangsa Israel udi masa yiru,' eau Tuhan: 'Aku sagar nganak kawan hukum-Ku hangwuang pikiran here, pada Aku sagar manulisni hang atei here. Aku sagar jari Alatalla here, pada here sagar jari umat-Ku ¹¹ Here pada puang sagar lagi ngajar sasameh bangsani atau pulaksanaini andri kaeau, 'Katarulah Tuhan' daya katuluh ulun sagar kataru Aku, hingka sa halus hampe sa paling hante. ¹² Sabab, Aku sagar pilelu hang amau kahalaan andri kawan dosa here. Pada, Aku pun puang sagar lagi ngitung kawan kahalaan here.''' Yeremia 31:31-34 ¹³ Dami Alatalla ngantuh perjanjian wau, Hanye ngulah perjanjian sa uhang puang bariran lagi. Pada, inun sa haut puang bariran lagi haut uhang sagar langsung wawai.