KRISTUS HAUT MAMBEBASKAN ULUN SAPARISAYA ¹ Neu kebebasan, Kristus haut membebaskan takam. Daya yiru, tatap mindri nelang ada lagi hakun nasameat jari walah. ² Rengeilah! Aku Paulus, iwara manaun amun naun narime sunat, Kristus puang uweng gunani manaun. ³ Hindra lagi, aku iwara makatuluh ulun sanarime sunat hanye wajib nampalus Hukum Taurat. ⁴ Amun naun bausaha naangap bujur ngaraja Hukum Taurat, welum naun haut napisah hingka Kristus nelang naun haut nanan pangamian Alahtalla. ⁵ Mitah Roh, andri Iman, takam tatap ngadrei nelang baharap kebenaran sana harapkan. ⁶ Daya, hang wuang Yesus Kristus, basunat atawa puang basunat pauweng artini.Ekat iman bakaraja mitah lelu ahi sa naan artini. ⁷ Naun haut nempat andri maeh. Hiye sanahalang naun hingka ngaraja pikaeh nelang bujur? ⁸ sanuntut yiru puang hawi hingka Hanye sa haut nerau naun. ⁹ "Butit ragi haut ngulah katuluh adonan kamer." ¹⁰ Aku naan parisaya nadap naun hawuang Tuhan pasti naun puang sagar narime pamikiran sa lain. Kude, hiepun sa`nyantawang naun sagar nangung hukumanni. ¹¹ Jari pulaksanai katuluh, amun aku magun iwara hal sunat, daya inun aku masih nasiksa? Amun kalayiru, watu sanahalang nadap salib haut na umpe. ¹² Ahengku here sa ngadaadu naunyiru sagar mengebiri tengani raerai. ¹³ Pulaksanai katuluh, naun haut naherau himpan jari bebas. Kude, ada na pakai kebebasan naun yiru jari kasampatan neu welum hang wuang daging, sa maehni layanileh isakaulun ma salain andri kasih. ¹⁴ Daya, katuluh Hukum Taurat haut nasimpul hang wuang isaparintah Lengan Alahtalla yiti, "Paleluleh sasameh naun murusia kala tenga naun raerai." ¹⁵ Amun naun ipangikit palus ipanelen, mamaehlah himpan naun puang saling mambinasa. KAHAMENEN ROH PUANG SAMEH ANDRI KAHAMENEN DAGING ¹⁶ Jari, aku iwara, welumleh hang wuang Roh, balalu naun puang sagar ngaraja kawan hal sa naaheng daya kahamenen daging. ¹⁷ Kahamenen kedagingan puang sameh andri kahamenen Roh, nelang kahamenen Roh puangsameh andri kahamenen kedaginan, daya karuehni balawanan, himpan naun puangngaraja kawan hal sa na kabahumen naun. ¹⁸ Kude, amun naun napimpin daya Roh, naun puang uweng hang kapit Hukum Taurat. ```````` ¹⁹ Gawian hingka kabahumen daging haut jelas, hanye yiru idapa, ulah gawi sapuang patut, atei akal pikiran sapuang maeh, ²⁰ Nyamah berhala, pitua alimu,muar, babur pamuru,bahiri, iraraat sapuang takandali, ekat mamikir keperluan tenga raerai, basual,paut, ²¹ ngadidit, mabuk, pesta pora. Aku ngampi itung naun taati, kala sa haut aku ngampiitung sahuanni, hiye sangaraja kawan halyiru puang sagar nareme Kerajaan Alahtalla. ²² Kude, wua Roh hanye yiru kasih, mihewu, damai sejahtera,kesabaran, ramah, pikaeh,satia, ²³ Lemah lembut, nelang sanggup nawan nyantalau tenga raerai. Puang uweng hukum sanawan kawan hal yiti. ²⁴ Here sajari milik Yesus Kristus haut ngupe nafsu kedagingan nelang katuluh nafsu andri kahamenen here. ²⁵ Amun takam welum daya Roh, maehleh takam takia kala andri Roh. ²⁶ Ada takam jari sakah, ada pamantaka, ada bapikir bahiri isa andri isa.