¹ Sa maksudku, salawah ahli waris yiru kawan iya, hanye puang uweng bedani andri walah biarpun hanye ampun katuluh yiru. ² Hanye muneng hang kapit manur andri sangurus lewu rean hampe waktu sa haut natetapkan daya amahni. ³ Kalayiru pada takam, hantek magun kawan iya, takam jari walah kawan roh dunia yiti. ⁴ Kude, katika andrau pengenapan hape, Alahtalla ngirim Anak Ni, sanakayaan hingka erang kaulun wawei nelang nakayaan hang kapit kuasa hukum Taurat, ⁵ Himpan newuh here sanaanhang kapit hukum Taurat nampan takam kaayuh narime naenat iyalah kawan anak Ni. ⁶ Daya hanyu hanye yiru kawan anak Ni, Alahtalla haut ngirim Roh anak Ni ma wuang atei takam, sananterau, " Abba, Amah." ⁷ Jari, hanyu puang lagi walah , kude anak. Amun hanyu hanye yiru anak, Alahtalla ngulah hanyu ahli waris mitah Kristus. ADA JARI WALAH LAGI DAYA KAWAN ROH DUNIA ⁸ Sadi, hantek hanyu puang kataru Alahtalla, hanyu hanye yiru walah hingka kawan hal sa asalni puang Alahtalla. ⁹ Kude, taati, dami hanyu kataru Alahtalla atawa labih pasni Alahtalla kataru hanyu, kalaawe tau hanyu mulek lagi ma kawan roh dunia sa maleme nelan puang bariran? Inun hanyu hamen jari walah lagi? ¹⁰ Naun ngulah pesta ma kawan andrau, kawan wulan, kawan musim, kawan taun! ¹¹ Aku takut kawan rara kapateiku sa haut naulah ku mahanyu mamus tuu eleh. ¹² Aku ilaku mahanyu, kawan pulaksanai, alut kala aku dayagana aku pada haut jari iyalah hanyu. Hanyu puang bahala andri aku. ¹³ Hanyu karasa, hantek aku mulai nahampe Kabar Maeh ma naun daya tengaku ganyah sakit. ¹⁴ Biar wangun tengaku kala ujian mahanyu, hanyu puang ngawawarah atawa ngunur aku. Likan , hanyu narime aku iyalah aku ti malekat Alahtalla, iyalah kala akuyiti Yesus Kritus yiru! ¹⁵ Balalu kala awe andri berkat sa hanyu kainam yiru taati? Daya aku tau basaksi wangun nu sadi, jaka tau, ngruit dikimatenu palus ngami ma aku hanyu hakun. ¹⁶ Inun sataati aku jari musuhnu daya aku nututui sabujur mahanyu? ¹⁷ Kawan ulun yiru bausaha ngaayuhhanyu, kude puang andri aheng samaeh. Here hamen nyamitus pipakatan adri hanyu andri harapan hanyu sagar ngantara here. ¹⁸ Samula maeh amun tarus basamamgat ngulah kawan hal satujuaan maeh, nelang puang ekat hantek aku baya naun. ¹⁹ Kawan anakku, ma naun, aku rela hindra lagi nangung kahanangan kala ngayaan hampe Kristus lalea hang wuang naun. ²⁰ Aku baharap, aku tau baya naun taati nelang ngubah nada lenganku daya aku galis akal nadap naun. HI HAGAR ANDRI HI SARA JARI SUTU ²¹ Wara maaku, hiye naun sahamen welum hang kapit Hukum Taurat, inun naun puang nyanrengei Hukum Taurat? ²² Daya naan natulis, hi Abraham naan anak rueh kaulun upu;Isa nakayaan hingka irang kaulun walah wawei, andri sa isani lagi hingka erng kaulun wawei medeka. ²³ Kude, anak hingka walah wawei yiru nakayaan manurut daging, kude anak sa hingka wawei sa mardeka nakayaan daya haut najanji Alahtalla. ²⁴ Dinung kesah yiti jari lambang daya rueh wawei yiti melambangkan rueh perjanjiaan. isa hanye yiru perjanjian hingka gunung Sinai andri ngayaan kawan anak walah. Hanye yiru hi Hagar. ²⁵ Taati, Hagar melambangkan Gunung Sinai hang tane Arab, sameh kala Yerusalem hantek taati daya hanye welum jari walah baya kawan anakni. ²⁶ kude, Yerusalem sa hang amau hanye yiru wawei sa mardeka, andri hanye, haye yiru Ineh takam. ²⁷ daya naan nasurat, " Arai mihewu, hai wawei satamanang, sa puang suah ngayaan. Mihewu nelang basurak netap palat, hai naun sa puang kainam hanang ngayaan. Daya, labis hene anak hingka wawei sa raeri hingka wawei sa naan darangan." YESAYA 54:1 ²⁸ Kawan pulaksanai, naun hanye yiru kawan anak parjanjian kala hi Ishak. ²⁹ Hantek yiru, anak sa nakayaan manurut daging manyiksa anak sanakayaan manurut Roh, iyalah sa jari taati yiti. ³⁰ Kude, inun sa natulis hang wuang Buku Barasis? Unur leh walah wawei yiru baya anakni daya anak walahwawei yirupuang sagarjari ahli waris sindrah anak wawei sabebas." ³¹ Daya yiru, kawan pulaksanai, takam puang sa anak hingka walah wawei, kude hingka wawei sabebas.