¹ Hai naun, kawan ulun Galilea sa lunga! Hiye sa haut mampenaruh naun? Angkeh hang hadapan matenu Yesus Kristus nain'i nabalasangar hang hadapan ulun rama? ² Isa hal sa hamen na tunti ku ma hanyu, inunkah hanyu narime Roh daya ngalut Hukum Taurat, atawa daya nyanrengei andri iman? ³ Kalayiru lunganikah hanyu? Hanyu haut nukuni andri Roh, inunkah hanyu taati hamen nyanyupuhni andri daging? ⁴ Mamus hanyu kaingkam panyusah sakalayiru rama yiru amun tuuni yiru puang bariran? ⁵ Jari, inunkah Hanye ngami Roh mahanyu nelang ngulah kaajaiban ma naun daya naun ngaraja Hukum Taurat, atawa daya naun nyandrengei andri iman? ⁶ Sameh kala hi Abraham sa parisaya ma Alahtalla balalu hal yiru na perhitungkan mahanye sebagai kebenaran. ⁷ Daya yiru, naun harus karasa hanye yiru kawan ulun sabaimanleh sa naantuh kawan anak Abraham. ⁸ Buku barasis, sahaut karas sahuanni amun Alahtalla sagar membenarkan kawan ulun sapuang Yahudi daya iman, haut labis dahulu nahampe Kabar Maeh ma hi Abraham nelang kaeau," Katuluh bangsa sagar naberkati mitah hanyu." ⁹ Jari, here sa baiman sagar nabarkati sindrah hi Abraham, ulun saparisaya yiru. ¹⁰ katuluh ulun saitegei ma pagawian Hukum Taurat muneng hang kapit sumpah, daya naan nasurat: "Nasumpah tiap kaulun sa puang satia ma katuluh sa nasurat hang w uang buku Hukum Taurat nelang nampalus mitah ulah gawi ni." ¹¹ Jari, butasleh taati amun pauweng sunah erang kaulun sa dibenarkan hang hadapan Alahtalla daya Hukum Taurat, daya "ulun sabujur sagar welum daya iman". ¹² Kude Hukum Taurat puang didasarkan ma iman. Sebalikni, "ulun sa nampalus Hukum Taurat sagar welum dayani". ¹³ Kristus newuh takam hingka sumpah Hukum Taurat andri jari sumpah ma takam, "wuah sumpah ulun sanagagueng hang kayu balasangar!" ¹⁴ Andri sa naan hang wuang Yesus Kristus, berkat Abraham tau hampe ma kawan ulun puang Yahudi sehingga andri Iman takam kaayuh narime Roh sa haut najanji yiru. JANYI ALATALLA Anri HUKUM TAURAT ¹⁵ Pulaksanai katuluh, aku sagar ngami suntu hingka pamelum tiap andrau: Amun banji haut nasyah, biar ekat kontrak sasameh murunsia, pauweng ulun satau mambatal atawa namah inunpun hang wuang perjanjian yiru. ¹⁶ Taati, katuluh perjanjian sa natahampe Alahtalla ma hi Abraham andri ma katurunanni. Alahtalla puang kaeau,"...ma katurunan-katurunanni," sabaarti ma hene katurunan."...ekat makaturunannu," baarti ekat ma erang kaulun, hanye yiru Kritus. ¹⁷ Manurut aku, Hukum Taurat sa kaluar 430 taun udi yiru puang tau mambatalkan parjanjian sa haut nasyah daya Alahtalla. Jari, parjanjian yiru puang tau nasamawai. ¹⁸ Amun pangamian badasarkan ma Hukum Taurat, maka pangamian yiru puang lagi badasarkan ma parjanjian Kude, Alahtalla ngami ma hi Abraham mitah isa parjanjian. ¹⁹ Jari, daya inun naan Hukum Taurat? Hukum Taurat naami daya kajut rama palangaran, hampe katurunan yiru hawi sa kalaawe tujuan parjanjian yiru na naulah. Hukum Taurat napakai mitah kawan malekat andri perantara. ²⁰ Kude, perantara puang pakai mewakili erang kaulun, amun neu Alahtalla ru isa. TUJUAN HUKUM TAURAT ²¹ Amun kalayiru, inunsah Hukum Taurat balawanan andri parjanjian Alahtalla? Batantu tuu puang! Daya amun Hukum Taurat naami tau welum, kabanaran himat baasal hingka Hukum Taurat. ²² Kude , Buku barasis haut ngurung katuluh yiru andri katuluh ulun hang kapit kuasa dosa nampan parjanjian daya iman hanwuang Kristus Yesus iyuh naami ma here sa parcaya. ²³ Sahuan iman hawi, takam nakurung hangkapit Hukum Taurat, natahan iyalah hukuman hampe iman sa sagar hawi nalalea. ²⁴ Andri kalayiru, Hukum Taurat iyalah manur matakam hampe Kristus hawi nampan takam kaayuh na benarkan daya iman. ²⁵ Taati, iman yiru haut hawi. takam puang lagi parlu Hukum Taurat neu manur takam. ²⁶ Hanwuang Yesus Kristus, naum katuluh hanye yiru anak-anak Alahtalla mitah iman. ²⁷ Naun katuluh sahaut nababtis hang wuang Kristus haut mengenakan Kristus. ²⁸ Pauweng lagi ulun Yahudi atawa ulun Yunani, walah atawa ulun bebas, kawan upu atawa wawei daya naun katuluh isa hangwuang Yesus Kristus. ²⁹ amun naun milik Kristus, naun himat katurunan-katurunan Abraham nelang ahli-ahli waris sasuai andri parjanjian.