¹ Pulaksanai katuluh, amun naan kahaba ulun sa ngulah kahalaen, naun sa rohani puang iyuh ang ngampulek ulun kalayiru andri roh kelembutan. Nelang bajaga himpan hanyu raerai ada uma tagoda. ² Naun pangarawah hangwuang nangung beban himpan naun mataati hukum Kristus. ³ Amun naan ulun ngakira tenggani penting, sabujurni puang kalayiru, hanye nipu tenggani raerai. ⁴ Maehleh tiap kaulun mariksa ulah gawini raerai. Udi yiru, hanye tau arai kadinung wangunni raerai nelang puang daya mambandingkan andri ulun lain. ⁵ Daya,tiap kaulun puang iyuhang mikul tangung jawabni raerai. TATAPLEH NGARAJA HAL SA MAEH ⁶ Hiye sa kaayuh uruk ajar hingka Lengan Alahtalla puang iyuhang hanye mambagi katuluh hal samaeh yiru andri ulun sa ngamiajaran yiru. ⁷ Ada wuah tipu, Alahtalla puang tau na tuli daya ulun sagar masi inun sa naumule ni. ⁸ Ulun sangamule hingka nafsu kedagingan sagar masi pikurun hingka kedaginganni. Kude, ulun sa ngamule hingka Roh sagar masi welum sakalalawah hingka Roh. ⁹ Ada takam peda ngaraja pikaeh. Amun hampe musimni, takam sagar masi asal takam puang manyarah. ¹⁰ Daya yiru, amun takam kaayuh kasampatan, ware takam ngulah samaeh makatuluh ulun, samambatang tuu ma kawan pulaksanai takam sa mira kaparisayaan. PERINGATAN NELANG SALAM ¹¹ Dinung kalaawe dedeh kawan huruf sana tulisku manaun andri tangan ku raerai. ¹² Here sahamen iwawara pikaeh hingka kawan hal sa lahiriah sagar namaksa naun himpan nasunat. Here ngaraja hal yiru himpan puang naaniyaya demi balasangar Kristus. ¹³ Here sa basunat pun puang ngaraja Hukum Taurat, kude here hamen naun nasunat himpan here kaayuh iwawara tenga hang amau sunat naun. ¹⁴ Mudahan aku puang suah iwawara tenga kasuali hang wuang balasangar Tuhan takam, Yesus Kristus. Mitah balasangar-Ni, dunia haut nabalasangar neu aku, nelang aku ma dunia. ¹⁵ Nasunat atawa puang nasunat inun sa artini. Sa perlu hanye yiru jari ciptaan sawau. ¹⁶ Ma katuluh ulun sa ngaraja aturan yiti, elahleh damai kasanangan andri lelu ahi minau ma amau naun andri ma amau Israel milik Alahtalla. ¹⁷ Pijumpuhan, ada naan ulun sangampihadin aku ngenei kawan tanda Yesus hang wuang tengaku. ¹⁸ Pulaksanai katuluh, ware lelu Tuhan Yesus Kristus naan ibaya andri rohnu. Amin.