1
. Sabab yiru, jarileh suntu-suntu Alatalla samula kawan iya-iya sa na kasih.
2
. welum hawuang kasih, sameh kala Kristus sinta takam hanye ngurban dirini ma takam hanye yiru parapah nelang ngampi sanang atei Alatalla
3
. Daya yiru kawan pagawian isa puang sanunuh atawa puang patut naan hang penah naun ada hampe ulun lain naan tujuan kaeau naun ngulah kawan hal sa kala yiru.
4
.Puang patut pada ma naun ngantuh kawan lengan sa murun sa ibela nelang sa puang pantas wuah naun ngantuh tarime kasih ma Alatalla.
5
.Sabab yiru naun karasa anri pasti neu ulun cabul, ulun puang maeh, atawa ulun nyambah barhala puang kaiyuh warisan hawuang karajaan Kristus anri Alatalla.
6
.Ada naun tatipu daya kawan papaniran sa ang bariran daya gana hal yiti sa nimbul hawi murka Alatalla sa iya-iya ni durhaka.
7
. Jari ada budas mapakat atawa baya anri kawan ulun kala yiru.
8
. Hantek naun muneng piieng, itati naun naun muneng piraai hawuang Alatalla welumleh daya iya-iya piraai.
9
. sabab wua hingka piraai hanye katuluh maeh, adil, nelang mawitu bujur.
10
.Wuah ngakali mantaru inun sa ngampi sanang atei Alatalla.
11
. Ada ngulah kawan pagawian sa puang bariran, kabalikani, wuah naun merang ngalale kawan hal masam yiru.
12
.Sabab yiru hal sa naulah here anri suni-suni yiru neu napaner sika haut ngumangan.
13
.Kawan Ala Katantuluh sa na siai hawuang piraai sagar dinung anri lentah.
14
. Daya Ala katantuluh sa tau nadinung anri letah samula maraai yiru sababni naan lengan,
" Kaelan u hanyusa manre neelang ambuan teka pampatei Kristus sagar nyahaya hang ambau hanyu." Yesaya 60 :1
15
. Jari pantaru mamaeh sara pamelum, ada welum kala ulun lunga, welum kala kawan ulun maharati.
16
. Pakai anri mamaeh tiap kasampatan sa naan hang hanyu daya wayah yiti samula wayah sa jahat.
17
.Sabab yiru ada lunga, kude salidiki inun sa nakabahumen Alatalla.
18
.Ada naun mahamui gana anggur daya yiru nanrusak naun kablikani penuleh anri Roh.
19
. Pakai kawan lengan teka mazmur, tawat hurumat nelang lagu rohani, manyanyi anri arai atei tawat hurumat ma Tuhan anri katuluh ateinu.
20
. ngusap syukur saratangni ngantuh tarime kasih ma Alatalla Ambah hawuang ngaran Alatalla takam, Yesus Kristus.
Nasihat ma matueh upu anri matueh wawei.
21
.Tundukleh isa ma sa lain hawuang takut ma Kristus.
22
.Matueh wawei, patut tunuk ma matueh upuni, kala tunuk ma Alatalla.
23
. Sababni matueh upu ialah ulu hingka matueh waweini, kala ma Kristus hanye ulu hingka ungkup,nelang hanye raerai pada jari panyalamat ma ungkup sa jari tengani.
24
. Sameh kala ungkup tunuk ma Kristus, kala yiru pada hawuang ala katantuluh matueh wawei patut tunuk ma matueh upu.
25
.Matueh upu -matueh upu wuah sinta ma matueh waweini sameh kala Kristus sinta ungkup nelang ngurban dirini neu ma ungkup yiru.
26
. Hanye manguduska ulun anri ngabarasisni mitah ranu baptisan.
27
.Anri kala yiru,Kristus ngulah ungkup yiru minri anri mulia nelang barasis hang hadapani, anri puang uweng nawada atawa bere.
28
.Kala yiru pada, matueh upu-matueh upu patut sinta ma matueh waweini kala hanye sinta tengani raerai. sa sinta matueh waweini baarti hanye sinta dirini raerai.
29
. Sababni mahi ulunsa kuar anri tengan dirini, hanye malihara nelang nyagani kala Kristus pada malihara ungkupni.
30
.Daya takam samula kawan anggota-anggota tenga Ni
31
. Hanye yiru kawan ulun upu hanye nanan ambah anri inehni nampan mira baya matueh waweini balalu karuehni sagar jari isa tenga.
32
. Rasia yiti ammau, anri aku iwara ini hawuang hubungan ma Kristus anri ungkup.
33
. Kala yiru, hanyeleh masing-masing naun sinta matueh waweini kala tengani raerai anri mateuh waweini ngakali nampan mahurmat matueh upuni