1
. Yiru sababni ,aku ulun sa napanjara sabab Alatalla, mandorong naun sa welum manyu sapadan anri naherau sa haut naun tarime
2
. Anri sagala randah atei anri kalembutan , nelang sabar naun ipangarwah hang wuang kasih.
3
.Kakali tuu-tuu nampan pibayaan sa naulah daya Roh Alatalla tatap tapalihara.
4
. Ekat naan isa tenga anri isa Roh, kala yiru pada naun naherau ma isa kaharapen herauannu.
5
.Ekat isa Alatalla,isa iman anri isa baptisan.
6
.Isa Alatalla anri ammah hang katantuluh, sa hang ammau katantuluhni mitah katantuluhni anri hawuang katantuluhni.
7
. Daya yiru, takam masing-masing narime anugerah sasuai anri ukuran karunia Kristus.
8
. Daya yiru sababni, hanye kaiau, "Hantek hanye mamai ma unengan sa ambau, Hanye ngising ulun-ulun sa natawan anri ngami kawan pangamian ma murunsia."
Masmur 68 :19.
9
. balalu kaiau, " Hanye mammai",puangkah yiru baarti hanye haut minau hampe ma unengan sa panga imbe hang ammau tane?
10
. hanye sa minau yiru, hanye pada mamai ma unengan sa lawit labis ammau eka kawan langit hampe litar nampan na tampenu uras taisi.
11
. Hanye sa ngami,ma kawan rasul-rasul, nabi-nabi, ma pambarita Injil, ma gambala-gambala, mehe pangajar-pangajar,
12
. Daya yiru, malangkapi ulun-ulun kudus hawuang pigawaian nampan tau malayani nelang mambangun tenga kristus.
13
. hampe takam katuluh jari isa kaparisayaan sa sameh neu anak Alatalla, nelang takam jari ulun sa dewasa, magin lawah magin batumbuh kala ahengni kala Kristus.
14
. Balalu takam puang jari kawan iya sa guyang gampah nelang tainsing maaru maati daya wahai masam teka kawan ulun pangajar tipu daya murunsia, here nyantawang ulun makai tipu daya here.
15
.kamulekni, kaiau kabanaran hawuang kasih, takam neu batumbuh hawuang sagala ni ma hanye, hanye yiru ulu yiru Kristus.
16
. Hingka hanye katuluh tenga haut ta susun maeh anri na ikat sameh-sameh jari isa mitah topangan satiap sendi.Balalu here masing-masing gawi sa bagianni, tenga sa batumbuh neu mambangun tenga ni raerai hawuang kasih.
Pamelum wau sa maeh hawuang Kristus.
17
. sabab yiru, aku kaeau anri tegas hawuang Alatalla, ada lagi naun welum kala ulun-ulunsa puang parisaya, ma welum anri pikiran sa puang bariran.
18
. Pangartian here haut jari maiyeng anri tapisah hang pamelum Alatalla yiru panunga sa naan hang tengani kala yiru daya mape silu.
19
. Here haut puang uweng pangingkaman amangan lagi, hampe here mulur kawan kabahirien, nelang welum ibela manyu kabahumen ateini.
20
. Balalu, puang anri sara yiru hanyu paajar hal Kristus.
21
. Naun haut karengei neu hanye anri na ajar hawunga hanye, balalu kabanara sa naan hawuang Yesus,
22
. Daya yiru umpe murunsia uhang sa naun haba hingka sara welumnu sa uhang, sa rahat natarusak daya kawan kabahirien sa ngampi tawang.
23
. Wuah atei uras nasamau katuluhni.
24
.Pakaileh murunsia sa wau sa na ulah wangun Alatalla hanye yiru aqnri pidasaran sa mawitu bujur nelang barasis
25
. Daya yiru kwan pulaksanai katuluhni ada lagi ipusu patut jujur isa lainni daya takam katuluh hanye yiru uras anggota hingka isa tenga.
26
. Amun naun sangit ada maladar kasangiten yiru ngulah sabab naun badosa ada sangit hapus erang andrau.
27
.Ada naammi kasampatan ma setan.
28
. Ulun sa patuh ngalat harus tanduh ngalat kabalikani hanye harus bagawi nampan kaiyuh nafkahni anri jujur nelang kaiyuh ngarawah ulun sabakakurangen.
29
.Amun naun bapaner, ada makai kawan lengan sa murun, pakai kawan lengan sa mambangun nelang ngami pangarawahen ma ulun lain kawan lengan yiru sagar nginsing pikaeh ma kawan ulun sa nyarengeini.
30
. Ada ngapi hanang atei Roh kudus Alatalla naun haut namaterai makai Roh, jari jaminan andrau pambebasan sagar hawi ma naun.
31
. Samawai kawan hanang atei ngatei anri sangit ada lagi wawerei ikakehet lengan nelang nangkurun ngawawarah ada lagi kaingkam muar atawa kaingkam lain masam yiru.
32
.Naun maeh atei nelang ahi lelu isa anri sa lain, nelang ipangampun sameh kala Alatalla pada ngampun naun itetei Kristus.