¹ . U naun kawan iya, taatileh ulun matueh naun sa umba Alatalla sababni hanye sa bujur. ² . "Nahurmati ammah anri inehnu", hanye yiru parentah sa partama teka Alatalla anri janji. ³ . "Hanye yiru nampan welumnu maeh anri naun amau umurnu hang dunia". ⁴ .U ammah-ammah, ada hampe kawan iya nu ngulah here sangit,palihara here hawuang disiplin anri pangajaran Alatalla. Nasihat ma walah anri tuan. ⁵ . Kawan sa jari walah-walah, tunduk parentah tuan naun sa hang dunia yiti hormat anri ngalut nuu nelang anri tuu-tuu ialah naun ngulah kala ma Kristus. ⁶ . Ada ngulah kala ulun-ulun sa pagawian nampan na dinung ulun balalu natawat murunsia, kude naun ngulahni yalah walah Kristus sa nampalus kabahumen Alatalla anri sagalis atei. ⁷ . Malayani anri penu atei kala ma Alatalla anri puang ma murunsia. ⁸ .Sabab yiru, itung tiap ulun, hau walah atawa ulun bebas, manyu kawan ala maeh sa naulahni sagar narime walehan Teka Alatalla. ⁹ .U tuan-tuan, ngulah ma walah-walahnu, ada lagi makai ansaman balalu na karasa maeh Tuannu atawa Tuan naun sasameh hang surga, anri hanye puang midi-midi kasih. Makai katuluh sanjata Alatalla. ¹⁰ .pijumpuhanni,makai katingkasen hawuang Alatalla teka kuasani. ¹¹ . Makai katantuluh kaharapen paparangan sa naammi Alatalla nawan kawan akal jahat teka iblis. ¹² .Sabab, takam bajuang puang nawan lunek anri ira, daya nawan parentah-parentah, panguasa-panguasa, kakuaten-kakuaten hang dunia maieng yiti anri nawan kakuaten ruh hingka sa jahat sa naan hang awan. ¹³ .Daya yiru, makai katantuluh karangkapen paparangan Alatalla neu naun kaiyuh tatap sanggup nawan sa jahat hawi, naun bajuang hampe jumpuh naun magin wigas tatap minri. ¹⁴ .Jari naun haut siap sadia manyisit ikat pinggang nelang katulusen baju jatangnu, ¹⁵ . Anri makai sapatunu anri kasiapen ne'u iwara kabar maeh. ¹⁶ . Hang wuang sagala hal, ngalap parisai sa kaparisayaan yiru naun kaiyuh nampare katantuluh anak panah baapui teka sa jahat. ¹⁷ .Alap kasalamatan jari pedang Roh, nelang lengan Alatalla, ¹⁸ .Nelang ilaku doa hawuang roh anri katantuluh doa anri mamohon. hang doanu yiru , bajag-jg anri tekun baya mamaikan katuluh parmohonan katantuluh ulun sa kudus. ¹⁹ .Nelang badoa ma aku katika aku nguka wiwiku, hantek aku bapaner nampan aku heei tau iwara rasia kabar maeh. ²⁰ .Daya kabar maeh yiti, aku jari utusan sa tabelenggu. na doakanleh sagar aku kaiyuh mambaritakanni anri heei balalu aku harus bapaner. Tabe hang pijumpuhan. ²¹ . Hi Tikhikus, pulaksanai takam nelang palayan sa satia hang wuang Alatalla, sagar iwara ma naun kawan ala katantuluh neu aku nampan naun karasa kaadaan nelang pagawianku. ²² . Sababni aku ngutus hanye ma naun tujuanni yiti, nampan iwara kaadaan kami ma naun katantuluhni nampan ngampi arai atei naun. ²³ .Damai sajahtera ma naun pulaksanai saparisaya ma Alatalla Ambah anri parisaya ma Kristus. ²⁴ . Mambarkat pulaksanai katuluh sa sinta Alatalla takam ,Kristus Yesus, anri leluni sa puang binasa.