¹ Dami hanyu haut naamuan baya Kristus, antaraleh hal-hal sa hang entu, muneng Kristus muneng, maharung hang tuhi kawan Alatalla. ² Napikirleh kapanan hal sa hang entu, puang kapanan hal sa hang bumi. ³ Daya, hanyu haut matei anri welumnu nasandina sindrah Kristus wuang Alatalla. ⁴ Hantek Kristus, sa hanyeyiri welumnu, nantarang tenga-Ni hang pihawian Kristus sa karueh kalini. Hanyu pada sagar nasantarang wuang kamuliaan sindrah anri Hanye. ⁵ Daya yiru, napatei sifat inun pun sa baasal teka duniawinu, hanyeyiru, idapa ibela, gawian sa maraat, hawa nafsu, kabahumen sa raat, anri sarakah, sa ialah sameh kala nyamah ma barhala. ⁶ Hal-hal Itilah sa ngulah marikang Alatalla Dami hawi. ⁷ Dahulu, hanyu pada ngagawini hantek hanyu magun welum hang wuangni. ⁸ Kude, itati, umpeleh Katuluh yiru: Panyangitan, kamurkaan, kakuaren, fitnah, anri paneran murun teka wawanu. ⁹ Ada sameh ipusu daya hanyu haut napas murunsia lawahnu baya anri ulahan-ulahanni. ¹⁰ Napakaileh murunsia wau, sa natampiwa'u eleh wuang pangataruen sasuai anri gamar teka Sangulahni. ¹¹ Wuang hal iri, mahi lagi ulun Yunani, atawa ulun Yahudi, ulun sa nasunat anri sa puang basunat, ulun Barbar atawa ulun Skit, walah atawa ulun merdeka, kude Kristus hanyelah katuluhni anri wuang katuluh. Welum sa Wau Anri Sasameh ¹² Jari, ialah kawan ulun sa napidi Alatalla, sa barasis anri sa nasinta, sapatutni welumnu penu ahilelo, ramah, maeh atei, puang kasar, anri sabar. ¹³ Sabarleh isakaulun anri sa lain, nelang sameh bamaapan dami naan isakaulun sa bahala anri sa lain. Sameh ialah Tuhan sa haut narime anri mangampuni hanyu, kalahie pada hanyu harus mangampuni. ¹⁴ Hang entu yiru, nasalehupleh sinta, sa napakai ngahuruk anri sampurna. ¹⁵ Elahni damai sejahtera Kristus ngalelo ateinu daya daganayirulah hanyu naherau nampan jari is a tenga, anri Basyukurleh. ¹⁶ Elahni inun sanaeau Kristus muneng hang wuang hanyu, nampan anri katuluh hikmat hanyu mangajar anri manasehati isakaulun anri salain, banyanyi nelang bamazmur, nawat pakai lagu-lagu, manyanyi lagi rohani, Katuluhni penu antuhan syukur hang wuang ateinu ma Alatalla. ¹⁷ Inun pun sa hanyu gawi, inunkah yiru panerannu atawa ulahannu, nagawileh katuluh yiru wuang ngaran Tuhan Yesus, nelang ngantuh syukur ma Alatalla Amah, mitah Hanye. Welum sa Wau wuang Lewu Rean ¹⁸ Kawan matueh wawei, nu'uleh ma matueh upunu kalaawe saharusni wuang Tuhan. ¹⁹ Kawan matueh upu, nasintaleh matueh waweinu nelang ada ngulah kasar ma here. ²⁰ Kawan iya, ngalutleh ma ulun matuehnu wuang katuluh hal daya hal yiru sa ngampiaray Tuhan. ²¹ Kawan Amah, ada ngulah kawan iyanu sangit nampan here ada mahanang atei. ²² Kawan walah, nuuleh ma kawan tuannu sa naan hang dunia iri wuang katuluh hal. nagawileh yiru puang daya hantek here ganyah kadinungnu nampan neu ngampiaray here kude anri tulus atei daya takut ma Tuhan. ²³ Inun sa hanyu ulah, naulahleh anri sapenu atei ialah neu ma Tuhan anri puang neu murunsia, ²⁴ Daya hanyu karasa ialah teka Tuhan hanyu sagar narime warisan ma upanu. Kristus Tuhannu sa rahat hanyu layani. ²⁵ Daya, ulun sa ngulah hala sagar narime balasan ma kahalaen sa naulahni anri mahi sa nakasualikan.