¹ Kawan tuan, naulahleh kawan walahnu sa bujur anri adil daya hanyu pada naan Tuan hang surga. Hal-Hal sa Harus Naulah ² Ngunuleh wuang doa, nelang bajaga-jaga anri basyukur. ³ Laku doa pada pakai kami nampan Alatalla nguka anawang ma firman hampe kami kaiyuh nantarang rahasia Kristus, sa dayani aku tahukum. ⁴ Badoaleh nampan aku kaiyuh natahampe anri jalas kalaawe saharusni aku bapaner. ⁵ Welumleh bijaksana ma kawan ulun luar anri makai kasempatan samaeh-maehni. ⁶ Elahni antuhannu penu anri sinta, ialah sameh nabumu anri rangi, nampan hanyu karasa kalaawe saharusni ngajawab katuluh ulun. Salam teka hi Paulus anri kawan Ulun sa Baya Anrihanye Hi Tikhikus sagar mangesah katuluh habar hal aku. Hanye ialah pulaksanai isaiman takam sa nasinta, walahan sa ngunu, anri hengau bagawi wuang Tuhan. ⁸ Aku ngirimni mahanyu nampan hanyu karasa wangun kami anri nampan hanye kaiyuh ngampikuat ateinu. ⁹ Hanye sagar hawi anri hi Onesimus, pulaksanai isaiman takam sa satia anri sa nasinta, isakaulun teka helang hanyu. Here sagar iwara mahanyu katuluh hal sa terjadi hang iti. ¹⁰ Hengauku sa sameh tahukum, hi Aristarkhus, ngirim tabe pakainu, kalahie pada hi Markus, aken hi Barnabas, sa hal hanye hanyu haut narime patunjuk; Samutleh hantek hanye hawi nuju hanyu. ¹¹ Pada tabe teka Yesus, sa naherau Yustus. Hang helang hengau sapalayananku neu karajaan Alatalla, ekat here itilah sa baasal teka pulau ulun sanasunat, anri here haut ngulah aray maaku. ¹² Hi Epafras, pulaksanai isaiman, walah Kristus Yesus, pada ngirim tabe neunu. Hanye tatap ngunu wuang doa ma hanyu nampan hanyu kaiyuh wigas minri anri naan iman penu wuang katuluh kabahumen Alatalla. ¹³ Aku kaiyuh ngami kasaksian kalaawe hanye haut hene kararaen daya hanyu anri here sa naan hang Laodikia anri Hierapolis. ¹⁴ Hi Lukas, dokter sa nasinta, anri hi Demas pada ngirim tabe mahanyu. ¹⁵ Natahampe tabeku ma kawan pulaksanai isaiman hang Laodikia, anri ma Nimfa anri jamaat sa naan hang lewuni. ¹⁶ Udi Surat iri natahampe ma hanyu, natahampe pada jamaat Laodikia. ¹⁷ Iwara ma hi Arkhipus, "Natantauleh nampan hanyu kaiyuh ngampiluput tugas pelayanan sa haut hanyu tarime teka Tuhan." ¹⁸ Aku, hi Paulus, nyurat tabe iri anri tanganku raerai. Itungleh aku rahat tahukum. Ahilelo Alatalla ngiring hanyu.