Paulus Balayar nuju Kota Roma ¹ Dami haut natukas kami kai balayar ma Italia, here manyarah hi paulus andri papire tahanan sa lain ma erang ka ulun ma parwira pasukan Agustan, sa bangaran Yulius. ² kami sungkat ma kapal sa hawi teka Adramitium, balalu tulak makai kapal yiru sagar ba layar ma kawan palabuhan hang pantai Asia. Kami balayar na hengau daya hi Aristarkhus, ulun Makedonia hingka Tesalonika. ³ Hang andrau kauni ni, kami hampe hang Sidon. Hi Yulius maeh tatuu andri hi Paulus. Henye na ami izin ganta kawan hengau ni nampan here kaayuh ngami ma hanye inunsa naparlu daya ni. ⁴ Teka yiru, kami nampalus ba layar daya guna kapal kami nyunsung riwat, kami balalu balayar tarus manyisir pantai pulau siprus sa tasalindung teka riwut. ⁵ Udi kami haut balayar mitah pantai hang sepanjang pantai Kulikia andri Pamfilia, kami hampe hang Mira negeria Likia. ⁶ Hang yaru, perwira yiru kahaba kapal teka Aleksandria sa rahat balayar nuju ma Italia, hanye balalu mindah kami ma kapal yiru. ⁷ Kami balayar andri bagamat tuu, salawah papire andrau andri rara kapatei kami hampe hang Knidus. Daya gana riwut magun puang maeh, kami puang kaiyuh nampalus palayaran, kami balalu balayar manyusuri pantai Kreta ma arah tanjung Salmone. ⁸ Kami balayar mitah tanjung yiru andri heka rara, akhir ni hampe hang isa unengan bangaran palabuhan indah, sa puang lawit hingka tumpuk Lasea. ⁹ Hantek yiru kami menyadari daya wahai tuu waktu kamita umpe, jalanan laut yiru babahaya daya masa puasa uluh yahudi dami mitah, Paulus ngami nasehat ma here, ¹⁰ andri kaeau ma here, " Pulaksanai katuluh, manurut pandapat ku, bahaya tuu amun takam tarus balayar. Takam tau kaingkam rugi hante puang ekat muatan atawa kapal takam, kude hewuk takam pada tau wawai. ¹¹ Kude, perwira yiru labis parsaya ma juru mudi andri kapten kapal teka nyarengei lengan Paulus. ¹² Daya puang maeh imuneng ha pelabuhan yiru sa lawah musim marisak, daya gana yiru kawahayan awak kapal satuju balayar lagi nanan palabuhan yiru daya here hamen nampan hampe hang Feniks, palabuhan hang Kreta, sa nadap ma arah barat daya andri barat laut, balalu muneng hang yaru salawah musim dingin. Riwut sa kajut mehet nampuk kapal Paulus. ¹³ Hantek yiru riwut hingka arah salatan, puang kajut mehet balalu here bapikir bahwa here haut hampe tujuan. Daya yiru, here narik jangkar balalu balayar ma sapanjang pantai Kreta. ¹⁴ Kude puang lawah, udi yiru selenga hawi riwut barat hanye yiru sa na antuh riwut Furoklidon, mehet tatuu hingka tiba pulau yiru. ¹⁵ Hantek kapal kami na tampuh daya riwut yiru andri puang sanggup lagi kapal balayar nawan riwut, balalu kami ekat basarah nelang ngaret kapal kami hanyut na enei daya riwut. ¹⁶ Hantek kami mitah hang tiba selatan pulau sa bangaran kauda, andri heka rara kami bahasil kaiyuh ngarawah sakoci kapal kami. ¹⁷ Udi sakoci yiru kaiyuh menggerek sakoci ma kapal, here makai tadi - tadi pendong pakai natang kuat kapal yiru. Daya here takut tadampar hang Sirtis, here ngampinau kawan alat - alat kapal nri kapal here napalador daya riwut. ¹⁸ Andrau kauni ni, daya kami na ombang - ambing daya riwut magin bahimat, ulun -ulun ngumpe muantan kapal. ¹⁹ Hang, karuan andrau ni lagi, here ngumpe kawan alat - alat kapal andri tangan here raerai. ²⁰ papire andrau lawahni kami puang kadinung mate andrau atawa bintang puang muncul daya riwut magin bahimat, akhir ni harapan kami tau salamat. ²¹ Kawan ulun yeru balalu tulak papire lawah ni, ngaan uweng kuman, Paulus mindri hang penah - penah here balalu kaeau " Pulaksanai katuluh ", seharus ni naun ngalut nasehatku, puang balayar teja Kreta, takam puang hampe wuah katuluh karusakan andri kerugian yiti. ²² Kude, itati aku ilaku tatuu nampan naun tatap tabah, daya puang uweng sunah erang kaulun teak naun sa sagar matei, takam ekat kawawaian kapal yiti. ²³ Daya hingka malem, naan malaikat teka Alatalla sa nasambahku mindri hang hadapan ku, ²⁴ Malaikat yiru kaeyau " Paulus, ada taku ". Daya hanyu sagar nadap kaisar. Nelang daya pikaeh atai Alatalla andri hanyu, katuluh ulun sa balayar sindrah hanyu sagar salamat daya nu. ²⁵ Daya, yiru pulaksanai katuluh, wuah naun sanang atei. daya aku parisaya ma Alatalla katuluh ni sagar jari kala inun sa na eau ma kau. ²⁶ Kude, takam die sagar angkeng hang pantai isa pulau. ²⁷ Hang malem ka epat balas kami rahat gilang gilup hang laut Adria, kira - kira penah malem, ulun kapal kataru himat kapal magin rite andri pampang. ²⁸ Here balalu ngului tadi andri naan watu hang hujung ni pakai ngukur lalem laut, kira - kira lalem ni dime walas repe. ²⁹ Daya here takut kapal tau ireket hang watu karang, here balalu ngului epat kawua jangkar teka para kapal nelang baharap gere hinang kaanrau. ³⁰ Kude kawan ulun kapal andri suni - suni mansuba nempat hingka kapal andri nampinau sekoci ma laut andri pura - pura nampianu jangkar - jangkar hingka haluan. ³¹ Kude hi Paulus kaeau ma perwira andri kawan prajurit hang kapal yiru, amun kawan ulun kapal yiti puang muneng hang kapal, naun katuluh puang kaiyuh nasalamat. ³² Daya yiru, kawan prajurit balalu natas tadi sekoci yiru, andri maladar ni hanyut. ³³ Kapihuan mate andrau hulet, hi Paulus ilaku here katuluh ngalap papire kutaan, andri kaeau, " Andrau yina adalah andrau kaepat balas naun ngandrei andri keadaan gugup gupuh nelang ngaan kuman welum atawa inun - inun ". ³⁴ Daya yiru, aku ilaku ma naun ware naun ngalap kawan kutaan, nampan naun wigas. Daya naun katuluh sagar salamat andri puang kurang inun heneng. ³⁵ Udi kaeau kala yiru hi Paulus balalu ngalap rote hie hanye ngantuk terimakasis ma Alatalla hang hadapan here katuluh. Udi hie hanye membagi rote yiru balalu nguta rote yiru. ³⁶ Here, katuluh uras kaingkam sanang atei balalu ikuta pada ³⁷ Jamalah here katuluh sa naan hang kapal naan 276 ka ulun. ³⁸ Udi katuluh udi ikuta hampe wising, here balalu ngumpe kawan muatan gandum ma laut. Kapal Hansur andri Katuluh Panumpang Salamat ³⁹ Dami andrau haut ka andrau, ulun kapal kadinung pampang,kude here puang karasa pampang, here kadinung naan isa teluk andri pantai ni. Balalu here ngunu ngakali gere kaayah ngenei kapal ma iring pampang hang yiru. ⁴⁰ Here netek kawan tadi jangkar balalu kawan jangkar yiru na paladar leteng ma laut sindrah andri yiru pada here nguka tadi sa napakai nuruk kamudi.Udi hie here ngansang layar hang haluan kapal nampan riwut ngenai kapal yiru maju ma pantai. ⁴¹ Kude here nebu gusung karasik. Haluan kapal balalu ireket nelang puang kaiyuh bagarak lagi balalu ireket nelang puang kaiyuh bagarak lagi balalu buritan ni hancur daya hebu galumbang mehet. ⁴² Kawan parajurit hang kapal yiru ngunu munu katuluh tahanan, daya here takut kawan tahanan yiru nempat katamah nuju pampang. ⁴³ Kude perwira yiru nahalang aheng here yiru daya hanye ngunu nyalamat hi Paulus. Hanye nunyu katuluh ulun sa tau katamah mitun dahulu balalu katamah nuju pampang. ⁴⁴ Andri, sisa ni sa naan hang kawan papan atawa barang - barang lain ni nang kapal. Andri kalayiru kami katuluh hampe pampang andri salamat.